Roma 14:4 - Porjanjian Boharu Torjomahan Baso Dilakng Soari-ari

⁴ Urakng nantai ia'an polayatn umputn Tuhatn, bukainyo umputn kolai. Jadi, kolai conyiant ado hak pakai' mohakipi io. Aman io jatu' damo bodiritn, nantai urusan Tuhatn inyo bokuaso doi' io. Apo pasti io tajahan totap bodiritn togap obai Tuhatn bokuaso mombulah io bodiritn togap.

Roma 14:4 ပူးပေါင်းရင်းမြစ်များ

Roma 9:20

Apo, porhatiancam! Kolai bayo monsio. Kolai culih monyalahan koputusan Allah inyo moncipta'an kolai. Roga' pasti culihnyo bopandir ko tukakng inyo mombulahnyo, “Mapo kolai bulah ku sama'an ni'in?!”

Yudas 1:24

Allah inyo satu-satunyo, bokuaso monjago kaitn oca' kaitn kinyo jatu' ko dalapm dosa. Sio bokuaso mombaba' kaitn ko hadapan-Nyo inyo mulia dalapm koadaan kaitn borosih doi' dosa. Timpu nantai, kaitn pan paca'an kotakan sonang-nyaman.

Ibrani 7:25

Obai nantai, Sio sanggup monyolamant'an somuo urakng agatn sompurna inyo datakng ko Allah molalu'i Sio. Sio hala hidup pakai' monjadi Porontaro inyo momuhun ko Allah pakai' sia'.

Roma 14:3

Urakng inyo bopua' la'apo pan, jangannam io mohanyam urakng inyo bayo bopua' pomakatn inyo totontu nantai. Urakng inyo bayo bopua' pomakatn inyo totontu nantai, jangan io monyalahan urakng inyo bopua' la'apo pan, obai Allah udah monorima' urakng nantai.

Roma 16:25

Topujicam Allah! Io inyo bokuaso bulah kaitn kuat pocayo sosuai agatn Kabar Boi' mongona'i Yesus Kristus inyo ku boritoan. Kabar Boi' nantai momadahan mongona'i hajat Allah pakai' somuo banso. Somanah boabad-abad, conyiant monsio inyo mongotohu'i hajat Allah nantai.

1 Petrus 1:5

Obai kaitn pocayo ko Yesus, jadi Allah molinduki kaitn agatn kuaso-Nyo oca' kaitn ulih disolamant'an. Kosolamant'an kaitn nantai udah siap ditunju'an Allah watu ahir joman nononyo.

Kisah Boko Rasul 11:17

Watu kito udah pocayo ko Tuhatn Yesus Kristus, ongko Allah moonji'i Roh-Nyo ko kito. Ubo nian jam watu urakng inyo bukainyo Yahudi nantai pocayo, Allah jam moonji'i Roh-Nyo ko sia'. Aman Allah monorima' urakng bukai Yahudi sama'an nantai, co mungkitn aku ulih monula' sia'. Co mungkitn aku molawatn Allah!”

Roma 11:23

Apo aman sia' pocayo agatn Yesus, lalu sia' pan tajahan dicangkok agi'. Obai, Allah bokuaso pakai' molabuhan nantai.