Roma 14:23 - Porjanjian Boharu Torjomahan Baso Dilakng Soari-ari

²³ Apo, aman ado urakng inyo gangga'-gua'an ongko io totap bopua' lapo inyo io pikir nantai campah, jadi io salah di hadapan Allah. Obai, porbuatannyo bolawatan agatn kopocaya'annyo. Somuo hal inyo urakng labuhan, aman io co pocayo obai nantai bondar, jadi nantai am dosa.

Roma 14:23 ပူးပေါင်းရင်းမြစ်များ

Ibrani 11:6

Aman urakng kinyo pocayo, co mungkitn io ulih monyonangan hati Allah. Obai, urakng inyo datakng ko Allah gola' pocayo obai Allah ado. Io pan gola' pocayo obai Allah moonji'i upah ko sotiap urakng inyo bondar-bondar moncari'i Sio.

Titus 1:15

La'apo pan ia'an suci bagi boko urakng suci. Apo bagi boko urakng inyo pikirannyo jahat huatan kinyo pocayo, co nyiant inyo suci, obai pikiran huatan hati sia' udah jahat.

1 Korintus 8:7

Apo ado boko urakng inyo bolupm mongotohu'i somuo nantai. Komainyo nantai sia' udah biaso momposombahan dagikng bonatakng ko boko duato. Biar pan watu ni'in udah pocayo ko Yesus, sia' ija' bopikir aman bopua' dagikng nantai boroti monyombah duato. Sampai ni'in hati sia' kurakng yakitn jadi sia' mooso bosalah aman sia' bopua' dagikng nantai.

Roma 14:5

Ado urakng inyo bopikir ado ari totontu inyo lobih pontikng daripado ari inyo bukai. Apo, ado jam urakng inyo bopikir somuo ari samo ja'. Sotiap urakng gola' yakitn dalapm hatinyo siku' obai io molabuhan la'apo inyo bondar di hadapan Tuhatn.

Roma 13:2

Jadi, sotiap urakng inyo molawatn pomorintah sobondarnyo molawatn la'apo inyo udah ditotapan Allah. Urakng inyo molabuhan nantai pasti tajahan dihukupm.