Roma 14:20 - Porjanjian Boharu Torjomahan Baso Dilakng Soari-ari

²⁰ Jangannam kolai morusa' lapo inyo dikorojoan Allah bayo obai mosalah pomakatn. Conyiant ado pomakatn inyo campah. Apo, aman kolai bopua' sosuatu inyo somadikan kolai bopikir nantai campah, lalu hal nantai bulah io jatu' dalapm dosa, rotinyo kolai bosalah.

Roma 14:20 ပူးပေါင်းရင်းမြစ်များ

Matius 18:6

Yesus pan bopandir, “Sotiap urakng inyo bulah salah siku' bobia' kocit inyo pocayo ko Aku oca' bulah dosa, Allah paca'an mohukupm urakng nantai. Jadi, lobih boi' aman batu bosar dikokalai dikobat'an ko lihi'nyo, lalu io dibuakan ko dalapm lout.

Titus 1:15

La'apo pan ia'an suci bagi boko urakng suci. Apo bagi boko urakng inyo pikirannyo jahat huatan kinyo pocayo, co nyiant inyo suci, obai pikiran huatan hati sia' udah jahat.

Kisah Boko Rasul 10:15

Apo Allah bopandir pakai' koduo kalinyo, “Aman Aku bopandir sosuatu boi' mo, jangan kolai bopandir purih.”

Roma 14:21

Aman bopua' dagikng damo minum anggur damo porbuatan lapo ja' bulah somadikan kolai jatu' dalapm dosa, lobih boi' kolai jangan molabuhan nantai.

Matius 15:11

Dinga'an huatan mongoroti cam ni'inan: boko hal inyo mansu' ko dalapm nyao kinyo bulah boko urakng monjadi campah. Apo boko hal inyo koluar doi' nyao, nanam inyo bulah boko urakng monjadi campah bukakng-tubuhnyo.”

Efesus 2:10

Obai kito ni'in pulahan Allah huatan molalu'i Kristus, Allah mombulah kito oca' kito molabuhan boko hal inyo boi', ia'an boko pokoroja'an inyo udah Sio siap'an sobolupmnyo pakai' kito.

Filipi 1:6

Allah udah mula'i pokoroja'an inyo boi' ko kaitn. Aku yakitn Sio tajahan torus mongorojoan nantai udah jadiam watu ari Kristus Yesus datakng agi'.

Roma 14:2

Contohnyo: Ado urakng inyo bopikir io ulih makatn apo aja'. Apo ado urakng inyo kurakng kuat pocayo inyo bayo makatn sonsayuran mo.