Roma 14:18 - Porjanjian Boharu Torjomahan Baso Dilakng Soari-ari

¹⁸ Urakng inyo molayati Kristus agatn caro hidup ubo nantai, io monyonangan Allah ongko dihormati monsio.

Roma 14:18 ပူးပေါင်းရင်းမြစ်များ

Markus 13:34

Koadaannyo samo sama'an kisah ni'in: Ado siku' habakng inyo moninggalan rumahnyo lalu botula' ko doerah inyo jouh. Io moonji'i tugas ko siku'-monyiku' hulutnnyo pakai' monyiuh sia' mourus rumahnyo. Io moonju' porintah ko urakng inyo monjago lawakng, oca' bojago boboi'.

Yohanes 12:26

Aman ado urakng inyo honda' molayati-Ku, io gola' tuyut-Ku. Io paca'an ado di tompat inyo samo agatn Aku. Allah Bopai paca'an mohormati sotiap urakng inyo molayati-Ku.

Kisah Boko Rasul 10:35

Apo Allah monorima' boko urakng doi' banso mono ja'. Allah paca'an monorima' boko urakng aman sia' mohormati Sio huatan molabuhan inyo bondar.

Roma 12:11

Jangan losa' apo gola' hala bosomangant bokorojo molayati Tuhatn.

Roma 14:4

Urakng nantai ia'an polayatn umputn Tuhatn, bukainyo umputn kolai. Jadi, kolai conyiant ado hak pakai' mohakipi io. Aman io jatu' damo bodiritn, nantai urusan Tuhatn inyo bokuaso doi' io. Apo pasti io tajahan totap bodiritn togap obai Tuhatn bokuaso mombulah io bodiritn togap.

Roma 16:18

Obai, boko urakng inyo molabuhan ubo nantai sobondarnyo co bokorojo molayati Kristus, Tuhatn kito. Sia' bayo honda' mongosihan kohonda' sia' siku'. Sia' momuji-muji agatn pomandiran inyo manis pakai' monipu urakng inyo co tohu tujuan sia' inyo jahat.

Roma 6:22

Apo watu ni'in, kaitn udah bebas doi' kuaso dosa. Kaitn monjadi hulutn Allah. Kaitn ulih hidup borosih doi' dosa. Caro hidup nantai ado hasil, ia'an kaitn mondapat'an hidup inyo kokal.

1 Korintus 7:22

Obai, watu siku' urakng hulutn ditingkau Tuhatn, io monjadi siku' urakng bebas dalapm pomandakan Tuhatn. Ubo nian jam, watu siku' urakng bebas ditingkau, io monjadi siku' urakng hulutn inyo molayati Kristus.

2 Korintus 4:2

Apo koi co molabuhan boko porbuatan inyo momaluan inyo gola' sampai diombakan. Koi co monipu urakng timpu koi momboritoan Pomandiran Allah mongona'i Kristus. Koi pan co moncampuran ajaran inyo salah agatn pomandiran Allah nantai. Sobali'nyo, koi mongajar boko hal inyo bondar agatn torus torakng. Ubo nian polayatan koi di hadapan Allah, jadi somuo urakng ulih monilai koi dalapm hati sia' siku'.

2 Korintus 5:11

Koi tohu lapo rotinyo gola' agatn Tuhatn, obai nantai koi bousaha monyakitan urakng. Allah udah mongotohu'i obai hati koi tulus. Aku honda' oca' kaitn pan mongotohu'i nantai.

2 Korintus 5:9

Obai somuo nantai, boi' koi hidup damo mati, koi hala bousaha monyonangan hati Tuhatn.

2 Korintus 6:4

Apo, dalapm somuo la'apo pan inyo koi pulah, koi monunju'an obai koi ninam boko urakng inyo molayati Allah. Ia'an nantai, koi hala sabar mohadapi bomacapm pondorita'an.

2 Korintus 8:21

Koi honda' molabuhan boko la'apo pan agatn jujur, bukainyo bayo di hadapan Tuhatn, apo di hadapan monsio jam.

Filipi 4:18

Ni'in, aku udah ado somuo inyo ku pontikan, malahan lobih doi' nantai, obai aku udah monorima' doi' Epafroditus somuo inyo kaitn kiripan. Allah sonang agatn poonju' kaitn nantai inyo samo sama'an posombahan inyo bou harupm damo kurbatn bonatakng inyo Sio torima' agatn sonang hati.

Filipi 4:8

Ahirnyo, boko somadikan ku, kaitn gola' hala momikiran mongona'i boko hal inyo bondar, inyo patut dirogo'i, inyo adil, inyo borosih doi' kojahatan, inyo manis, inyo loma' didinga'. Pokoknyo, pikiran cam mongona'i la'apo pan inyo boi' ongko patut dipuji.

Kolose 3:24

Ingantcam! Kaitn paca'an monorima' borokat doi' Tuhatn. Sobondarnyo, kaitn molayati Kristus. Sio nantai Tuhatn kaitn.

1 Timotius 2:3

Somuo doa sama'an nantai boi' ongko monyonangan hati Allah, Ponyolamant kito.

1 Timotius 5:4

Apo boko botina' balu inyo ado ana' cucunyo, gola' ditulukng boko ana' cucunyo siku'. Boko ana' cucunyo gola' bolajar caro hidup inyo monyonangan hati Allah agatn caro monulukng koluarga sia' siku', samo sama'an sia' dikobolo timpu sia' ija' kocit.

1 Petrus 2:12

Kaitn gola' hidup agatn caro inyo boi' di antaro boko urakng inyo bolupm mongonal Allah. Agatn ubo nantai, biar pan sia' mongatoan kaitn jahat, sia' tajahan moniant porbuatan kaitn inyo boi'. Akibatnyo, sia' pan tajahan momuliaan Allah watu Sio datakng nononyo.

1 Petrus 2:20

Aman kaitn bulah kojahatan jadi kaitn dipoduda'an, ongko kaitn totap kuat mohadapi pondorita'an, nantai kinyo ado rotinyo. Apo, aman kaitn mondorita' obai kaitn bulah koboi'an, ongko kaitn totap kuat mohadapi pondorita'an nantai, jadi Allah tajahan momborokati kaitn.

1 Petrus 2:5

Kaitn pan samo sama'an boko batu inyo hidup, ia'an boko batu inyo digunoan pakai' bulah Rumah Allah inyo Rohani. Sio momilih kaitn pakai' monjadi samo sama'an boko imam inyo husus pakai' molayati Sio. Jadi, kaitn gola' mombaba' boko poonju' pakai' monyombah Allah, ia'an boko posombahan rohani inyo monyonangan hati Allah obai Yesus Kristus.

1 Petrus 3:16

Apo, timbas cam sia' agatn hormat, lomah-lombut, tulus hati di hadapan Allah. Kaitn gola' molabuhan nantai oca' watu boko urakng monjahai'an mongona'i porbuatan boi' kaitn dalapm Kristus, jadi sia' tajahan komaluan.