Roma 14:17 - Porjanjian Boharu Torjomahan Baso Dilakng Soari-ari

¹⁷ Obai, Koraja'an Allah bukainyo soal poraturan pomakatn ongko minuman, apo soal hidup inyo bondar, hidup agatn damai, ongko hidup agatn sonang-nyamanam. Somuo nantai doi' Roh Allah.

Roma 14:17 ပူးပေါင်းရင်းမြစ်များ

Roma 15:13

Boko somadikan! Allah inyo moonji'i harapan ko kito. Aku bodoa obai kaitn pocayo ko Kristus, jadi Allah tajahan bulah kaitn kotakan sonang-nyamanam ongko hidup agatn sonang-asau. Aku bodoa pakai' nantai oca' kuaso Roh Allah bulah kaitn mongkitn boharap ko Sio.

Matius 6:33

Jadi, tolobih doholu goyapcam Koraja'an Allah huatan kobondaran-Nyo. Somuonyo paca'an ditambahan ko kolai. Ongko lopas nantai, somuo kopontikan kaitn paca'an dionju' ko kaitn jam.

1 Korintus 4:20

Obai Koraja'an Allah kinyo mongona'i momakai pomandiran apo mongona'i kuaso.

1 Korintus 8:8

Sobondarnyo, kito kinyo monjadi lobih boi' di hadapan Allah aman kito kinyo bopua' pomakatn totontu. Allah pan kinyo moanggap kito lobih boi' aman kito bopua' pomakatn totontu.

Galatia 5:22

Apo aman kaitn hidup sosuai agatn kohonda' Roh Allah, ia'an: hala mongasihi, rindakng-rigah, hidup sonang dalapm hati, sabar, gala' monulukng, gala' bulah koboi'an, sotia,

Roma 8:6

Boko urakng inyo monuruti kohonda' Roh Allah hidup agatn sonang-nyamanam doi' Allah ongko mondapat'an kohidupan inyo bondar. Apo boko urakng inyo monuruti kohonda' monsio, hidup jouh doi' Allah. Sia' mondapat'an hukupan mati somanah-manahnyo

1 Tesalonika 2:12

Koi hala momadahi ongko hala monguat'an hati kaitn huatan mominto oca' kaitn hidup monyonangan hati Allah. Obai Sio moningkau kaitn pakai' monjadi warga Korajaan-Nyo huatan bodapat komulia'an-Nyo.

Filipi 3:9

ongko oca' aku ulih bosatu agatn Sio. Aku monjadi bondar di hadapan Allah bukainyo obai usaha ku siku' monaati Hukupm Torat. Aku monjadi bondar obai aku pocayo agatn Kristus. Allah inyo molabuhan nantai. Sio mombulah monsio monjadi bondar di hadapan-Nyo aman sia' pocayo.

1 Korintus 6:9

Kaitn gola' tohu boko urakng inyo co hidup bujur bondar di hadapan Allah, sia' co paca'an bodapat bagian dalapm Koraja'an Allah! Kaitn gola' sobondarannyo yakitn boko hal ni'in. Boko urakng inyo pombontina', boko urakng inyo monyombah lompatukng, boko urakng inyo bomporajoan, boko urakng inyo bokohonda'an agatn sosamo jonis,

Yohanes 3:3

Timbas Yesus, “Porotiancam! Bobondar inyo Ku pandiran ni'in: Conyiant ado urakng inyo ulih moniant Koraja'an Allah aman io co dilahiran agi'.”

Kisah Boko Rasul 13:52

Boko urakng inyo hoyu' pocayo agatn Yesus di Antiokhia totap hidup agatn rindakng-rigah. Roh Allah monguaso'i somuo sia'.

Filipi 4:7

Jadi, Allah tajahan moonji'i kaitn sonang-asau inyo monsio kinyo mongoroti. Damai nantai tajahan monjago hati ongko pikiran kaitn di dalapm Kristus Yesus.

Kolose 1:11

Koi pan bodoa oca' Allah monguat'an kaitn agatn kuaso-Nyo inyo kotakng luar biaso. Agatn ubo nian, kaitn ulih totap kuat huatan sabar mohadapi somuo macapm ajab sonsaro,

Filipi 4:4

Somuo kaitn gola' hala sonang-nyamanam di dalapm Tuhatn! Sokali agi' ku padahan: Sonang-nyamancam!

Yohanes 3:5

Timbas Yesus, “Porotiancam! Bobondar inyo Ku pandiran ni'in: Conyiant ado urakng inyo ulih monjadi anggota Koraja'an Allah aman io co dilahiran doi' ara'i agatn Roh Allah.

Matius 3:2

“Koraja'an Sorugo udah dampikam! Jadi, botongga'cam kaitn bulah dosa ongko kaitn monyonangan hati Allah.”

1 Petrus 1:8

Kaitn bolupm kalo moniant Sio, apo kaitn totap mongasihi-Nyo. Watu ni'in, kaitn culih moniant Sio, apo kaitn totap pocayo ko Sio. Jadi, kaitn rindakng rigah ongko sonang-nyamanam inyo kotakan luar biaso sampai kinyo tokatoan.

Filipi 3:3

Sobondarnyo, umant Allah ia'an kito inyo dibimbikng Roh-Nyo pakai' monyombah Sio. Ni'inan tando ‘sunant’ inyo bondar. Kito bosukur obai Kristus Yesus monyolamant'an kito. Kito co boharap ko boko porbuatan monsio.

Filipi 2:1

Jadi, hati kaitn ulih dikuatan obai kaitn di dalapm Kristus. Kaitn ulih dihibur obai ado kasih di dalapm Kristus. Kaitn ulih hidup bosatu agatn Roh Allah. Kaitn ulih hala mongasihi ongko hala onju'-bori' agatn siku'-monyiku'.

2 Korintus 5:21

Kristus kinyo bodosa, apo Allah bulah Sio monanggukng hukupan dosa kito. Allah molabuhan nantai oca' di dalapm Kristus, kito ulih monjadi bondar di hadapan Allah.

Ibrani 13:9

Jangan tontuyutan boko bomacapm ajaran molikahan inyo mombulah kaitn sosat. Obai, inyo boi' ia'an hati kaitn monjadi kuat doi' kasih karunia Allah, bukainyo doi' boko poraturan mongona'i pomakatn. Boko poraturan nantai kinyo ado gunonyo pakai' boko urakng inyo moikutinyo.

1 Tesalonika 1:6

Ongko, kaitn hidup agatn caro inyo samo sama'an koi, huatan samo sama'an Tuhatn Yesus jam. Masud aku, watu kaitn monjadi pocayo ko Yesus, kaitn kotakng di dorako'i. Apo kaitn totap pocayo Kabar Boi' nantai agatn rindakng-rigah doi' Roh Allah.

1 Korintus 1:30

Jadi, kaitn ado hubukan dokat agatn Kristus Yesus obai porbuatan Allah, bukainyo obai porbuatan kaitn. Yesus monjadi kopintar-corodi'an Allah bagi kito. Molalu'i Yesus, kito monjadi bondar di hadapan Allah. Kito pan monjadi umant husus pakai' umputn Sio. Sio monanggukng hukupan dosa kito pakai' monobus kito.

Kisah Boko Rasul 9:31

Lopas nantai somanah boboropo watu, boko urakng inyo pocayo Yesus di soluruh doerah Yudea, doerah Galilea, huatan doerah Samaria ulih hidup agatn sonang-asau. Co nyiant inyo mondorako'i sia'. Roh Allah monulukng huatan monguat'an sia'. Obai nantai, mongkitn manah mongkitn banya' urakng inyo pocayo agatn Yesus. Sia' somuo hidup agatn ponuh oso hormat ko Tuhatn inyo bokuaso.

Yohanes 16:33

Aku momadahan somuonyo nantai ko kaitn oca' hati kaitn ado sonang-asau obai kaitn bosatu agatn Aku. Kaitn paca'an mondorita' di dunia ni'in. Apo, pontokuhancam hati kaitn! Aku udah mongalahan kuaso di dunia ni'in!”

Lukas 14:15

Mondingaꞌ pomandiran Yesus nantai, siku' urakng tamu' bopandir ko Sio, “Diborokati boko urakng inyo tajahan makatn sosamo Allah dalapm Korajaan-Nyo di sorugo.”

2 Petrus 1:1

Surat ni'in doi' ku, Simon Petrus, urakng inyo molayati Yesus Kristus. Aku pan diutus sobagai rasul-Nyo. Surat ni'in ko boko urakng inyo pocayo ko Yesus Kristus samo sama'an koi. Sio udah moonji'i kito kosompatan nantai obai Sio hala molabuhan inyo bondar. Sio nam Allah ongko Ponyolamant kito.