Roma 14:14 - Porjanjian Boharu Torjomahan Baso Dilakng Soari-ari

¹⁴ Obai aku bosatu agatn Tuhatn Yesus, jadi aku tohu obai conyiant ado la'apo pan inyo pomali. Aku yakitn mongona'i nantai. Apo, aman ado urakng inyo bopikir obai ado sosuatu inyo campah, memang bagi io hal nantai pomali.

Roma 14:14 ပူးပေါင်းရင်းမြစ်များ

Titus 1:15

La'apo pan ia'an suci bagi boko urakng suci. Apo bagi boko urakng inyo pikirannyo jahat huatan kinyo pocayo, co nyiant inyo suci, obai pikiran huatan hati sia' udah jahat.

Roma 14:2

Contohnyo: Ado urakng inyo bopikir io ulih makatn apo aja'. Apo ado urakng inyo kurakng kuat pocayo inyo bayo makatn sonsayuran mo.

1 Korintus 8:7

Apo ado boko urakng inyo bolupm mongotohu'i somuo nantai. Komainyo nantai sia' udah biaso momposombahan dagikng bonatakng ko boko duato. Biar pan watu ni'in udah pocayo ko Yesus, sia' ija' bopikir aman bopua' dagikng nantai boroti monyombah duato. Sampai ni'in hati sia' kurakng yakitn jadi sia' mooso bosalah aman sia' bopua' dagikng nantai.

1 Timotius 4:4

Somuo inyo dipulah Allah nantai boi', tomansu' somuo pomakatn. Co nyiant pomakatn inyo pomali asal ditorima' agatn oso sukur ko Allah.

1 Korintus 8:10

Misalnyo, aman ado urakng inyo hatinyo kurakng yakitn lopas nantai moniant kolai tongahan dudu' makatn di dalapm rumah adat, kolai paca'an bohiri'i io oca' jumpat makatn jam, io mooso hal nantai salah.

Kisah Boko Rasul 10:28

Petrus bopandir ko sia', “Poraturan agama koi urakng Yahudi morarakng urakng Yahudi bokawal agatn urakng inyo bukai Yahudi sama'an kaitn. Koi pan culih usi'an ko tompat urakng inyo bukainyo urakng Yahudi. Kaitn somuo udah tohu nantai. Apo sokomai aku ado poniant'an. Allah monunju'an ko aku oca' jangan moanggap sopo pan purih sampai bopikir urakng nantai kinyo cucu' ditorima' Allah.

1 Korintus 10:25

Dalapm Buku Suci ado totulis: “Tuhatn mo inyo umputn bumi huatan somuo isinyo.” Obai nantai, kaitn ulih bopua' dagikng la'apo pan inyo dijual di pasar. Padohan botakutn aman dagikng nantai boasal doi' bonatakng inyo diposombahan ko boko duato. Hati kaitn kinyo pontikng mooso bosalah aman bopua' dagikng nantai.

Roma 14:23

Apo, aman ado urakng inyo gangga'-gua'an ongko io totap bopua' lapo inyo io pikir nantai campah, jadi io salah di hadapan Allah. Obai, porbuatannyo bolawatan agatn kopocaya'annyo. Somuo hal inyo urakng labuhan, aman io co pocayo obai nantai bondar, jadi nantai am dosa.

Roma 14:20

Jangannam kolai morusa' lapo inyo dikorojoan Allah bayo obai mosalah pomakatn. Conyiant ado pomakatn inyo campah. Apo, aman kolai bopua' sosuatu inyo somadikan kolai bopikir nantai campah, lalu hal nantai bulah io jatu' dalapm dosa, rotinyo kolai bosalah.

Markus 7:2

Sia' moniant obai boboropo murid-Nyo kinyo mombasu'i jari sobolupm sia' makatn. Monurut Sia', nantai sosuatu inyo campah di hadapan Allah.