Roma 14:10 - Porjanjian Boharu Torjomahan Baso Dilakng Soari-ari

¹⁰ Jadi, jangannam kolai mohakipi somadikan kolai! Jangannam kolai mohanyam somadikan kolai! Obai, nononyo kito somuo gola' mohadap tahta Allah. Sio tajahan monontuan sopo inyo bondar ongko sopo inyo salah.

Roma 14:10 ပူးပေါင်းရင်းမြစ်များ

2 Korintus 5:10

Obai, nononyo kito somuo gola' mohadap tahta Kristus pakai' diadili. Sotiap urakng tajahan monorima' balasan sotimpal agatn porbuatannyo di dunia ni'in, ia'an porbuatannyo inyo boi' damo inyo jahat.

1 Korintus 4:5

Obai nianam, jangan kaitn monilai boko urakng bukai. Tantian sampai Yesus datakng. Sio paca'an monoraki la'apo inyo diombakan di dalapm potakng. Sio paca'an moniant'an somuo pikiran inyo ado dalapm hati sotiap urakng. Ongko, Allah inyo paca'an momuji sia' sosuai agatn polayatan sia' siku'-monyiku'.

Roma 2:16

Nononyo hal nantai monjadi kotiat'an. Ia'an, timpu Allah molalu'i Kristus Yesus pakai' mohakipi somuo hal inyo tosimpatn dalapm hati monsio. Nantai sosuai agatn Kabar Boi' inyo aku boritoan.

Yohanes 5:22

Bopai co mohakipi sopo pan. Apo somuo kuaso pakai' mohakipi udah dionju' ko Ana'.

Kisah Boko Rasul 10:42

Jadi, Yesus monyiuh koi pakai' momboritoan ko boko urakng. Koi disiuh monyampaian obai Allah udah momilih Yesus monjadi hakipm pakai' somuo urakng inyo hidup agatn urakng inyo mati.

Kisah Boko Rasul 4:11

Nantai samo sama'an ado totulis dalapm Buku Suci. Yesus, Kristus diumpamoan sama'an batu inyo ditula' boko tukakng bangunan. Dinga' ni'innan bunyi tulisan nantai: ‘Kaitn samo sama'an boko tukakng bangunan inyo monula' Batu. Apo Allah udah bulah Batu nantai monjadi Batu inyo kotakan pontikng.’

Kisah Boko Rasul 17:31

Kito gola' moninggalan dosa obai Allah paca'an mohakipi somuo urakng agatn adil. Sio udah monontuan sombilo ponghakipan nantai paca'an tojadi. Sio jam udah momilih siku' Urakng pakai' monjadi Hakipm. Allah mombutian somuo nantai agatn caro mombulah Urakng nantai bobali' hidup doi' komatian.”

Lukas 23:11

Lalu Herodes ongko boko projuritnyo mohayam Yesus. Sia' boulu'an Yesus agatn mongona'an jubah rajo ko Sio. Lalu, Herodes monyiuh boko projurit mombaba' Yesus bobali' ko Pilatus.

Matius 7:1

“Jangan mohakipi urakng bukai. Aman kaitn molabuhan nantai, ongko kaitn paca'an dihakipi Allah.

Lukas 18:9

Di santai ado boboropo urakng inyo buhau. Sia' yakitn obai diri sia' siku' bondar. Sia' pan ngombabahan urakng bukai. Jadi, Yesus bokisah agatn sia',