Roma 14:1 - Porjanjian Boharu Torjomahan Baso Dilakng Soari-ari

¹ Ado boko somadikan inyo kurakng kuat pocayo ia'an sia' ija' gangga'-gua'an ulih molabuhan la'apo pan damo cado. Jangan botikakng mongona'i pondapat sia'. Apo, torima'cam sia' agatn sonang hati.

Roma 14:1 ပူးပေါင်းရင်းမြစ်များ

Roma 15:1

Kito inyo kuat gola' monulukng urakng inyo kurakng kuat. Kito gola' momporhatian lapo inyo boi' pakai' monulukng urakng bukai monjadi lobih kuat pocayo. Kito gola' bousaha monyonangan siku'-monyiku'. Jangan kito bayo monyonangan diri kito siku'.

1 Korintus 9:22

Aman aku bosamo agatn boko urakng inyo lomah, aku hidup samo sama'an urakng inyo lomah. Aku molabuhan nantai oca' monulukng sia' pakai' pocayo ko Yesus lobih kuat. Pokoknyo, aku monyosuaian diri agatn caro hidup somuo urakng inyo aku layati. Aku molabuhan nantai oca' ado boboropo urakng di antaro sia' inyo disolamant'an.

Roma 15:7

Obai somuo nantai, kaitn gola' hala monorima' inyo bukai samo sama'an Kristus udah monorima' kaitn. Labuhancam nantai oca' Allah dipuji.

Roma 14:21

Aman bopua' dagikng damo minum anggur damo porbuatan lapo ja' bulah somadikan kolai jatu' dalapm dosa, lobih boi' kolai jangan molabuhan nantai.

2 Yohanes 1:10

Jadi, aman ado urakng inyo datakng momboritoan ajaran inyo bukai doi' ajaran Kristus, jangan kaitn korumahan. Malahan, jangan disalapi.

Roma 4:19

Abrahapm mongotohu'i obai bukakngnyo kotakan tuho pakai' monjadi bopai obai umurnyo udah kiro-kiro soratus tohutn. Io pan mongotohu'i bininyo, Sara, manang. Apo, Abrahapm totap kuat pocayo

Lukas 17:2

Jadi, lobih boi' pakai' sia' aman batu bosar dikokalai ongko dikobat'an ko lihi'nyo, ongko dibuakan ko dalapm lout oca' sia' mati daripado mombulah salah siku' doi' boko urakng inyo kinyo pontikng ni'in bodosa.

Matius 14:31

Yesus lansukng mouluran longan-Nyo, moncanggapm Petrus. Kato Yesus, “Kolai kurakng pocayo! Kuba'annyo kolai jangan gangga'-gua'an!”

Matius 12:20

Io kinyo momutusan buluh inyo lokus; huatan kinyo moniup pompolitoan inyo honda' buta'. Io kinyo botongga' sampai koadilan monang.

Filipi 2:29

Jadi, halucam io agatn caro inyo pantas pakai' somadikan di dalapm Tuhatn, ia'an nantai agatn sonang-nyamanam. Kaitn gola' morogo'i boko urakng sama'an io.

Yohanes 13:20

Pondinga'an bobondarcam! La'apo inyo Ku pandiran ni'in: Sotiap urakng inyo monorima' urakng inyo Ku utus, rotinyo io monorima' Aku jam. Huatan sotiap urakng inyo monorima' Aku, rotinyo io pan monorima' Allah inyo moutus Aku.”

Matius 18:10

Ingantcam, jangan mohayam salah siku' doi' boko urakng kocit ni'in. Obai, dinga'anbo ni'in: Ado boko molekat di sorugo inyo monjago'i sia'. Boko molekat nantai hala ado di hadapan Bopai-Ku di sorugo. [

Markus 7:19

Obai, boko hal nantai kinyo mansu' ko dalapm hati monsio, apo mansu' ko dalapm porutnyo, lalu diboria'an.” (Agatn pomandiran nantai, Yesus monjolasan obai somuo pomakatn kinyo pomali ulih dipua'i).

Kisah Boko Rasul 28:2

Sia' monorima' koi agatn boi'. Watu nantai ari ija' hujatn huatan dingin. Jadi, sia' monokilan api pakai' koi.

Roma 11:15

Watu Allah monula' banso Yahudi, boko urakng bukai di dunia ado kosompatan pakai' monjadi damai agatn Allah. Jadi, watu Sio monorima' banso Yahudi bobali' agi', pasti nantai tajahan samo sama'an sia' mati apo monjadi bobali' hidup agi'.

Roma 14:2

Contohnyo: Ado urakng inyo bopikir io ulih makatn apo aja'. Apo ado urakng inyo kurakng kuat pocayo inyo bayo makatn sonsayuran mo.

Roma 14:3

Urakng inyo bopua' la'apo pan, jangannam io mohanyam urakng inyo bayo bopua' pomakatn inyo totontu nantai. Urakng inyo bayo bopua' pomakatn inyo totontu nantai, jangan io monyalahan urakng inyo bopua' la'apo pan, obai Allah udah monorima' urakng nantai.

1 Tesalonika 5:14

Boko somadikan, koi pan momadahi kaitn oca' moolikan boko urakng inyo lola' bokorojo. Kuatan hati sia' inyo mooso gola'. Tulukngcam urakng inyo uyuh. Sabarcam tohadap somuo urakng.

Ibrani 5:14

Apo pomakatn korikng nantai pakai' boko urakng dewasa, ia'an boko urakng inyo udah molatih diri sia' pakai' mombedaan inyo boi' doi' inyo jahat.