Roma 13:8 - Porjanjian Boharu Torjomahan Baso Dilakng Soari-ari

⁸ Janganam kaitn bohutakng la'apo pan ko sopo pan. Apo kaitn gola' hala mongasihi. Obai, urakng inyo mongasihi urakng bukai udah momonuhi somuo Hukupm Torat.

Roma 13:8 ပူးပေါင်းရင်းမြစ်များ

Matius 7:12

“Bulahcam koboi'an ko urakng bukai, samo sama'an kaitn kohonda'i urakng bukai molabuhannyo ko kaitn. Nantaiam isi doi' somuo porintah huatan poraturan Allah inyo ditulis dalapm Hukupm Torat huatan buku boko nabi.

Yohanes 13:34

Aku moonji'i porintah boharu ko kaitn: Kaitn gola' hala mongasihi siku'-monyiku'. Samo sama'an Aku udah mongasihi kaitn, sama'an nian jam kaitn gola' hala mongasihi siku'-monyiku'.

Roma 13:10

Aman urakng mongasihi boko urakng bukai, jadi io co tajahan bulah kojahatan ko sia'. Rotinyo, urakng inyo mongasihi boko urakng bukai udah momonuhi somuo porintah dalapm Hukupm Torat.

Roma 13:7

Jadi, kaitn gola' mombayar somuo urakng inyo patut kaitn bayar. Bayarcam pajak ko urakng inyo bohak monorima' pajak huatan cukai ko urakng inyo monorima' cukai. Rogo'icam somuo urakng inyo patut kaitn rogo'i. Hormaticam somuo urakng inyo patut kaitn hormati.

Galatia 5:14

Obai somuo porintah ongko poraturan Allah di buku Hukupm Torat tocakup dalapm sobuti' porintah, “Kasihicam sosamo kolai sama'an kolai mongasihi diri kolai siku'.”

Kolose 3:14

Inyo palikng pontikng doi' somuo sipat nantai ia'an samo mongasihi. Kasih nantai bulah kito monjadi satu huatan monjadi sompurna.

1 Timotius 1:5

Aku moonji'i nosihat ni'in oca' boko urakng inyo pocayo hala mongasihi agatn hati inyo jujur, agatn saro hati pakai' bulah koboi'an, huatan bondar-bondar pocayo ko Yesus.

Yakobus 2:8

Jangan tongkolupatn, dalapm Buku Suci ado porintah ni'in, “Kasihicam sosamo kolai ubo kolai mongasihi diri kolai siku'.” Aman kaitn monaati porintah nian, kaitn monyonangan hati Allah.

1 Yohanes 3:10

Doi' tando ni'in kito mongotohu'i sopo poana'an Allah huatan sopo poana'an Rajo Sitatn: Urakng inyo co hidup bondar di hadapan Allah, urakng nianan bukainyo ana' Allah. Ubo nian jam, urakng inyo co mongasihi somadikannyo. Urakng nantai bukainyo ana' Allah.