Roma 13:7 - Porjanjian Boharu Torjomahan Baso Dilakng Soari-ari

⁷ Jadi, kaitn gola' mombayar somuo urakng inyo patut kaitn bayar. Bayarcam pajak ko urakng inyo bohak monorima' pajak huatan cukai ko urakng inyo monorima' cukai. Rogo'icam somuo urakng inyo patut kaitn rogo'i. Hormaticam somuo urakng inyo patut kaitn hormati.

Roma 13:7 ပူးပေါင်းရင်းမြစ်များ

Lukas 20:25

“Aman ubo nian,” kato Yesus, “Bayarcam ko Rajo Romawi la'apo inyo monjadi umputnnyo. Bayar jam ko Allah la'apo inyo monjadi umputn Allah!”

Matius 17:25

Timbas Petrus, “Au, Sio memang jumpat poraturan nantai mo.” Lalu, Petrus mansu' ko dalapm rumah. Sobolupm io sampat bopandir mongona'i nantai ko Yesus, Yesus botakutn ko io doholu. Kato Sio, “Simon Petrus, monurut kolai, boko rajo dunia ni'in mongumpulan pajak doi' sopo? Doi' rayatnyo siku' kata'an doi' urakng bukai?”

1 Timotius 5:17

Jomaat gola' bondar-bondar mohormati huatan monulukng kohidupan boko ponotua' inyo momimpitn agatn boi', hususnyo boko ponotua' inyo bohotbah ongko mongajar mongona'i Pomandiran Allah.

Matius 22:21

Timbas sia', “Gambar huatan damo Rajo Romawi inyo disobut Kaisar.” “Aman ubo nian,” kato Yesus, “Onju' ko Kaisar la'apo inyo umputnnyo. Onju'jam ko Allah la'apo inyo monjadi umputn Allah!”

Efesus 6:5

Ko boko hulutn aku momadahan: kaitn gola' monurut agatn habakng kaitn inyo ado di dunia ni'in. Tundu' ko sia' agatn hormat huatan hati inyo jujur, samo sama'an caro kaitn monaati Kristus.

1 Petrus 3:7

Ubo nian jam, kaitn boko laki: Caro hidup kaitn gola' pongorotian bosamo agatn bini. Obai, kaitn tohu bini lobih lomah doi' laki. Kaitn gola' mohormati bini obai Allah monunju'an koboi'an-Nyo ko sia' jam, ia'an sia' pan ulih mondapat hidup kokaldi sorugo. Kaitn gola' molabuhan nantai oca' conyiant ado la'apo pan inyo mohalaki doa kaitn.

1 Timotius 6:1

Somuo hulutn inyo pocayo ko Yesus gola' mohormati habakng sia'. Sia' gola' sama'an nian oca' urakng bukai co mohayam Allah kito huatan ajaran kito.

Efesus 5:33

Biar pan sama'an nantai, ado jam rotinyo pakai' kaitn siku'-monyiku': Sotiap laki gola' mongasihi bininyo sama'an io mongasihi dirinyo siku'. Sotiap bini gola' mohormati lakinyo.

Lukas 23:2

Di santai sia' monuduh Sio. Kato sia', “Urakng ni'in udah monyosat'an banso koi. Sio morarakng boko urakng pakai' mombayar pajak ko kaisar di Roma. Sio jam bopandir obai Sio nantai rajo, ia'an Rajo Inyo Dijanjian Allah, ia'an siku' rajo inyo koi sobut ‘Kristus’.”

Markus 12:17

“Amannyo ubo nian,” kato Yesus, “Onju' cam ko Kaisar inyo monjadi umputnnyo. Ongko onju' jam ko Allah inyo monjadi umputn Allah!” Sia' kotakng hiratn mondinga' Yesus monimbasi dinga' nantai.

1 Timotius 5:13

Solaitn nantai, boko botina' balu inyo ija' muda' biasonyo monjadi losa' bogota'-bokorojo. Sia' mombuakng-buakng watu koluar mansu' rumah boko urakng. Apotolagi', sia' gala' bocacai tumbukng. Sia' gala' sonjumpat'an urusan urakng bukai. Sia' bopandir boko hal sama'an nantai soharusnyo inyo kinyo boi' pakai' di kisahan.

Lukas 20:22

Monurut Duatn, apobai Poraturan Allah inyo ditulis Musa dalapm Hukupm Torat moijitan kito mombayar pajak ko Rajo Romawi?”

Roma 12:10

Kaitn gola' hala mongasihi ubo koluarga ongko gola' hala ndoholuan morogo'i siku'-monyiku'.

Roma 13:6

Nianam alasan kaitn gola' mombayar pajak. Obai, Allah momakai pomorintah pakai' mourus somuo hal nantai.