Roma 13:14 - Porjanjian Boharu Torjomahan Baso Dilakng Soari-ari

¹⁴ Apo, kito gola' monjadi samo sama'an Tuhatn Yesus Kristus ongko hala monuruti Sio. Jangannam kito bopikir agi' mongona'i caronyo pakai' mongosihan kohonda' monsio.

Roma 13:14 ပူးပေါင်းရင်းမြစ်များ

Galatia 3:27

Kaitn somuo inyo udah dibaptis dalapm damo Kristus. Kaitn udah monorima' Yesus samo sama'an sikuꞌ urakng inyo mongona'an pakai'an inyo boharu

Galatia 5:24

Boko urakng inyo monjadi pongikut Kristus Yesus, sia' udah monyaliban somuo napsu ongko kohonda' diri inyo jahat.

Efesus 4:24

oca' kaitn hidup agatn caro inyo boharu, ia'an kohidupan inyo dionju' Allah oca' kaitn mongkitn samo sama'an Sio. Masudnyo, kaitn bondar-bondar hidup bondar dihadapan-Nyo huatan hidup borosih doi' dosa.

Kolose 2:23

Memang boko poraturan nantai kotiat'annyo bopongaruh boi' obai boko urakng inyo moikuti gola' momoso diri pakai' monaatinyo. Sia' pompadah rondah hati. Sia' monyisa bukakng-tubuh sia' siku'. Apo somuo poraturan sama'an nantai kinyo boguno huatan ongkah bulah urakng honda' momuasan kohonda' dunia ni'in.

1 Petrus 2:11

Boko somadikan inyo ku kasihi. Kaitn samo sama'an urakng asikng diapm somontaro mo di dunia ni'in. Jadi, aku bondar-bondar momuhun ko kaitn oca' jangan monuruti boko kohonda' bukakng-tubuh inyo jahat. Somuo kohonda' nantai boparakng molawatn hati kaitn.