Roma 13:11 - Porjanjian Boharu Torjomahan Baso Dilakng Soari-ari

¹¹ Kaitn gola' molabuhan somuo nantai obai kaitn mongotohu'i joman ni'in ninam boko ari toahir. Ari pakai' kito disolamant'an udah mongkitn dampikam. Jadi, kaitn gola' siap huatan bulah koboi'an samo sama'an urakng inyo huas tidu'.

Roma 13:11 ပူးပေါင်းရင်းမြစ်များ

1 Petrus 4:7

Boko somadikan ahir dunia ni'in udah dampikam. Obai nantai, kaitn gola' kondalian diri kaitn, ongko hala siap oca' kaitn ulih bodoa.

Efesus 5:14

Nantaiam sobabnyo ado pomandiran ni'in, “Oi kulo inyo tidu', huascam! Kulo inyo mati, bobali' hidup cam! Kristus paca'an bosinar ko kulo.”

1 Korintus 15:34

Jadi, kaitn gola' bopikir agi' agatn boboi'. Jangan hala bulah dosa! Aku mongatoan nantai obai ado di antaro kaitn inyo kinyo bondar-bondar mongonal Allah. Aku honda' oca' kaitn mooso malu mongona'i nantai.

Wahyu 22:20

Yesus inyo momadahan somuo borito ni'in. Sio bopandir, “Au! Aku paca'an oca'mo datakng!” Amin! Datakngcam Yesus, Tuhatn.

Lukas 21:28

Watu kaitn moniant somuonyo ni'in mula'i tojadi, jadi yakitn huatan pocayo cam. Boharap cam soponuhnyo, obai co manah agi' kaitn paca'an disolamant'an.”

Wahyu 22:12

Yesus bopandir, “Porotiancam! Aku paca'an oca'mo datakng. Aku mombaba' upah pakai' mombalas sotiap urakng sosuai agatn porbuatannyo.

1 Korintus 10:11

Boko kojadian nantai monjadi contoh pakai' kito. Boko kojadian nantai ditulis pakai' moingant'an kito inyo hidup di ari-ari toahir.

Matius 16:3

Apo aman ado lotupm huatan potakng-hiru' watu sunsukng, ongko kaitn bopandir, ‘Pasti ari honda' hujatn.’ Jadi, aman kaitn moniant langit, kaitn ulih mongotohu'i cuacanyo agatn bondar. Apo biar pan kaitn moniant boko kojadian inyo tojadi joman ni'in, kaitn totap kinyo dapat mongotohu'i kohonda' Allah.”

Yakobus 5:8

Kaitn gola' sabar sama'an nianam. Kaitn gola' totap pocayo ko Tuhatn bobondar obai co manah agi' Tuhatn paca'an datakng agi'.

2 Petrus 3:9

Ado boko urakng inyo bopikir Tuhatn moulur-ulur monopat'i janji-Nyo. Apo sobondarnyo Sio kinyo moulur-ulur. Sio sabar agatn kaitn. Obai, Sio kinyo honda' ado urakng inyo bonaso. Sio honda' oca' somuo urakng moninggalan dosa sia' ongko hidup monyonangan Sio.

2 Petrus 3:11

Jadi, obai somuo hal tajahan hancur sama'an nantai, soharusnyo kaitn hidup agatn caro inyo mono? Kaitn gola' kinyo bodosa ongko hidup sama'an Allah kohonda'i.

1 Yohanes 2:18

Poana'anku! Joman ni'in am ari-ari toahir. Kaitn udah mondinga' obai Si Musuh Kristus paca'an datakng. Ongko watu ni'in banya' musuh Kristus udah ado. Ni'inam tandonyo, joman ninam ari-ari toahir.

Wahyu 1:3

Diborokati urakng inyo mombaco huatan inyo mondinga'an boko posatn doi' Allah ni'in. Diborokati somuo urakng inyo monuruti boko hal inyo ditulis di dalapmnyo. Obai, watunyo co manah agi' somuonyo ni'in paca'an tojadi.

Wahyu 22:10

Lalu io bopandir ko aku, “Jangan kolai morahasiaan boko posatn doi' Allah dalapm buku ni'in. Obai kinyo manah agi' somuonyo ni'in tajahan tojadi.