Roma 12:8 - Porjanjian Boharu Torjomahan Baso Dilakng Soari-ari

⁸ Aman ado urakng inyo dionji'i komampuan husus pakai' moonji'i somangant ko urakng bukai, io gola' moonji'i somangant. Urakng inyo dionji'i komampuan husus pakai' mombagi umputnnyo ko urakng bukai, io gola' molabuhan nantai agatn boi' hati. Urakng inyo dionji'i komampuan husus pakai' momimpitn, io gola' molabuhan nantai agatn rajitn. Urakng inyo dionji'i komampuan husus pakai' monunju'an kasih ko urakng bukai, io gola' molabuhan nantai agatn sonang.

Roma 12:8 ပူးပေါင်းရင်းမြစ်များ

Matius 25:40

Rajo nantai, paca'an monimbas sia', ‘Pondinga'ancam! Watu kaitn molabuhan boko hal sama'an nantai pakai' salah siku' urakng doi' somadikan-Ku inyo kotakan jaro ni'in, nantai samo sama'an kaitn molabuhan boko hal nantai pakai' Aku.’

Kisah Boko Rasul 11:23

Pas Barnabas tuntukng ko su'utn, io moniant caro kohidupan sia' borubah obai Allah bulah koboi'an ko sia'. Obai nantai Barnabas mooso kotakan rindakng. Io monguat'an hati sia' oca' sia' somuo totap pocayo huatan monaati ko Tuhatn Yesus agatn soponuh hati.

Kisah Boko Rasul 13:12

Gubernur moniant la'apo inyo tojadi nantai. Ongko, io monjadi pocayo agatn Yesus. Io topocongo agatn ajaran Paulus ongko Barnabas mongona'i Tuhatn Yesus.

Kisah Boko Rasul 13:15

Sama'an biaso ado urakng inyo mombaco doi' boko poraturan Allah inyo ditulis Musa dalapm Hukupm Torat. Ado jam inyo mombaco doi' boko buku inyo ditulis boko nabi. Lopas nantai, boko pomimpitn rumah sombayakng nantai monyiuh urakng monyampaian posatn ko Paulus ongko Barnabas. Kato sia', “Mungkitn boko somadikan ado posatn pakai' monguat'an hati somuo koi di si'itn. Aman ado, pandiran ja'am.”

Kisah Boko Rasul 15:32

Yudas ongko Silas kododuo sia' nabi jam. Jadi, sia' opat monosihat'i boko somadikan di su'utn. Yudas ongko Silas monulukng boko somadikan oca' pocayo ko Yesus lobih kuat.

Kisah Boko Rasul 20:2

Io mondataki boko urakng pocayo di boko doerah di propinsi nantai. Io moonji'i banya' nosihat oca' sia' pocayo ko Yesus agatn lobih yakitn. Lopas nian, io botula' ko propinsi Akhaya, inyo jam disobut tanah Yunani.

Kisah Boko Rasul 20:28

Kaitn gola' monjago diri kaitn huatan urakng bukai inyo udah pocayo agatn Yesus oca' totap pocayo. Allah udah monobus monsio doi' hukupan dosa agatn darah-Nyo sikuꞌ. Jadi, sia' udah monjadi umant Allah siku'. Kaitn udah dipilih Roh Allah pakai' momimpitn sia' nantai. Obai nantai, kaitn gola' monjago sia' samo sama'an gombala monjago kabatn dombanyo.

Kisah Boko Rasul 4:36

Sama'an nantai jam inyo dilabuhan Yusuf. Io urakng Yahudi inyo boasal doi' koturutan suku Lewi apo io lahir di Pulau Siprus. Boko rasul moningkau Yusuf nantai Barnabas, obai dalapm Baso Yahudi Barnabas nantai rotinyo ‘urakng inyo hala monulukng urakng bukai.’

Roma 12:13

Tulukngcam kopontikan boko urakng inyo pocayo ko Kristus. Kaitn gola' hala sonang hati monorima' urakng pocayo dalapm rumah kaitn.

Roma 13:6

Nianam alasan kaitn gola' mombayar pajak. Obai, Allah momakai pomorintah pakai' mourus somuo hal nantai.

1 Korintus 12:28

Allah momilih boko urakng dalapm kolompok urakng pocayo. Inyo potamo, boko rasul, ia'an boko urakng inyo dipilih pakai' momboritoan Kabar Boi'. Inyo koduo, boko nabi, ia'an boko urakng inyo monyampaian posatn doi' Allah. Inyo kotigo, boko urakng inyo dionji'i komampuan pakai' mongajar. Ongko, ado boko urakng inyo dionji'i komampuan pakai' bulah mujisat. Ado jam boko urakng inyo dionji'i komampuan pakai' monyamani, boko urakng inyo dionji'i komampuan pakai' monulukng urakng bukai, boko urakng inyo dionji'i komampuan pakai' momimpitn, ongko boko urakng inyo dionji'i komampuan pakai' bopandir dalapm boko baso roh.

2 Korintus 1:12

Boko somadikan, koi bangga mongona'i ni'in: Dalapm hati koi siku', koi tohu obai caro hidup koi di dunia ni'in kinyo salah, hususnyo dalapm hubukan koi agatn kaitn. Koi molabuhan boko hal agatn hati inyo tulus ongko borosih. Hati ubo nantai doi' Allah. Koi molabuhan somuonyo agatn koboi'an-Nyo, bukainyo agatn Kobijaksana'an monsio.

2 Korintus 11:3

Apo aku gola' kaitn paca'an ditipu, samo sama'an joman komai Hawa ditipu ular inyo licik nantai, ia'an Rajo Sitatn. Aman ubo nian, kaitn paca'an monjadi sosat huatan kinyo bobondar sotia ko Kristus.

2 Korintus 8:12

Aman ado kohonda' pakai' moonji'i, jadi Allah monorima' poonju' nantai. Allah honda' monorima' poonju' inyo sosuai agatn komampuan urakng. Urakng kinyo gola' moonji'i lobih doi' komampuannyo.

2 Korintus 9:11

Masudnyo, Allah tajahan moonji'i kaitn lobih doi' cukup oca' kaitn ulih moonji'i urakng bukai agatn rokah. Lalu, timpu koi monyampaian sumbakan kaitn nononyo, banya' urakng paca'an bosukur ko Allah.

2 Korintus 9:13

Doi' polayatan inyo kaitn labuhan nantai. Sia' tajahan momuji Allah obai kotaatan kaitn tohadap kabar boi' mongona'i Kristus inyo udah kaitn jumpati. Sia' pan paca'an momuji Allah obai kaitn agatn sonang hati moonju' sumbakan ko sia' ongko ko somuo urakng.

2 Korintus 9:7

Jadi, soharusnyo sotiap kaitn moonji'i sumbakan sosuai agatn koputusan inyo udah kaitn pulah dalapm hati siku'-monyiku'. Jangan borat hati damo toposo. Obai, Allah mongasihi urakng inyo moonji'i agatn sonang hati.

Efesus 6:5

Ko boko hulutn aku momadahan: kaitn gola' monurut agatn habakng kaitn inyo ado di dunia ni'in. Tundu' ko sia' agatn hormat huatan hati inyo jujur, samo sama'an caro kaitn monaati Kristus.

Kolose 3:22

Ko boko hulutn aku bopandir: kaitn gola' onsi' agatn habakng inyo di dunia ni'in dalapm somuo hal. Jangan bayo watu sia' moniant kaitn obai honda' monyonangan sia'. Apo taat'icam sia' agatn hati inyo jujur obai kaitn mohormati Tuhatn.

1 Tesalonika 2:3

Obai koi momboritoan Kabar Boi' inyo bondar. Co nyiant alasan inyo salah dalapm hati koi. Koi co moncubo ngontumbuki.

1 Tesalonika 2:8

Koi kotakan mongasihi kaitn. Jadi, koi kotakan sonang momboritoan ko kaitn Kabar Boi' doi' Allah. Apo bukainyo bayo nantai. Koi pan kotakan sonang bulah la'apo aja' pakai' monulukng kaitn.

1 Timotius 4:13

Kapikng monantian aku datakng, utamoancam boko hal ni'in dalapm polayatan kolai: Bacocam Buku Suci dalapm potomuan jomaat. Ajarancam boko ajaran inyo bondar. Padahicam huatan onji'i somangant ko sia' pakai' monaati somuonyo.

1 Timotius 5:17

Jomaat gola' bondar-bondar mohormati huatan monulukng kohidupan boko ponotua' inyo momimpitn agatn boi', hususnyo boko ponotua' inyo bohotbah ongko mongajar mongona'i Pomandiran Allah.

1 Timotius 6:18

Poringant'ancam sia' oca' sia' bulah koboi'an. Sia' gola' banya' molabuhan porbuatan boi'. Sia' gola' onsi' agatn urakng, hala bobagi doi' kodampuan sia' pakai' monulukng urakng bukai.

Ibrani 10:25

Jangannam kito botongga' bokumpul sombayakng, sama'an inyo udah biaso dilabuhan boko urakng. Apo, mara kito hala monguat'an hati inyo bukainyo, lobih-lobih agi' obai kito udah tohu kinyo manah agi' Tuhatn tajahan bobali' datakng.

Ibrani 13:17

Kaitn gola' monaati boko pomimpitn kaitn. Tundu'cam ko sia'. Obai, sia' inyo bojago-jago agatn jiwa kaitn. Sia' gola' botanggukng jawab ko Allah pakai' polayatan sia' nantai. Taat'icam sia' oca' sia' ulih molayati agatn sonang hati. Aman kaitn kinyo monaati sia', sia' paca'an salu' ongko nantai kinyo boguno pakai' kaitn.

Ibrani 13:22

Boko somadikan, aku muhun oca' kaitn sabar monorima' somuo nosihatku dalapm surat. Obai, suratku ko kaitn ni'in kinyo panjakng.

Ibrani 13:24

Sampaian cam salapm ko somuo pomimpitn kaitn ongko somuo urakng umant husus umputn Allah. Boko somadikan doi' propinsi Italia monyampaian salapm ko kaitn.

Ibrani 13:7

Ingant cam boko pomimpitn kaitn inyo udah monyampaian Pomandiran Allah ko kaitn. Porotian cam caro hidup sia'. Sia' pocayo sampai mati. Tuyut cam toladatn sia' nantai.