Roma 12:7 - Porjanjian Boharu Torjomahan Baso Dilakng Soari-ari

⁷ Aman ado urakng inyo dionji'i komampuan husus pakai' molayati urakng bukai, io gola' molayati. Aman ado urakng inyo dionji'i komampuan husus pakai' mongajar, io gola' mongajar.

Roma 12:7 ပူးပေါင်းရင်းမြစ်များ

Efesus 4:11

Sio nam inyo moonji'i komampuan husus ko boko urakng. Ado inyo dionji'i komampuan husus pakai' monjadi boko rasul. Ado inyo bukai dionji'i komampuan husus pakai' monjadi nabi. Ado inyo bukainyo agi' di onji'i komampuan husus pakai' momboritoan Kabar Boi'. Ado jam inyo dionji'i komampuan husus pakai' mombimbikng jomaat samo samaꞌan gombala. Ado jam inyo dionji'i komampuan husus pakai' mongajar.

2 Timotius 4:2

Boritoancam pomandiran Allah! Boritoancam agatn torus-monorus sotiap watu. Tulukngcam boko urakng oca' mongomboi'i caro hidupnyo. Olikancam urakng inyo bulah kosalahan. Padahicam huatan onji'i somangant ko boko urakng oca' hala bulah koboi'an. Labuhancam somuo nantai agatn sabar. Labuhancam somuonyo nantai kapikng mongajar Pomandiran Allah.

1 Timotius 5:17

Jomaat gola' bondar-bondar mohormati huatan monulukng kohidupan boko ponotua' inyo momimpitn agatn boi', hususnyo boko ponotua' inyo bohotbah ongko mongajar mongona'i Pomandiran Allah.

Kisah Boko Rasul 13:1

Di antaro boko urakng inyo pocayo Yesus di Antiokhia, ado boko nabi inyo monyampaian posatn Allah huatan boko pongajar inyo mongajar mongona'i Yesus. Sia' nantai Barnabas, Simeon (inyo jam disobut ‘Urakng Hitapm’), Lukius (inyo boasal doi' kota Kirene), Manahem (inyo dibosaran bososamo agatn Gubernur Herodes), ongko Saulus.

2 Timotius 2:24

Urakng inyo molayati Tuhatn co ulih bokolohi. Io gola' ramah ko somuo urakng. Io gola' corodi' mongajar. Io pan gola' hala sabar.

2 Timotius 2:2

Kolai udah mondinga' aku mongajar di hadapan urakng banya'. Jadi, ajarancam ajaran nantai ko boko urakng inyo ulih dipocayo huatan pandai mongajar urakng bukai.

1 Timotius 4:16

Jagocam diri kolai oca' kolai hidup agatn caro inyo boi' huatan oca' kolai mongajar boko ajaran inyo bondar. Totap labuhan somuonyo nantai agatn sotia. Agatn caro nantai, Allah paca'an monyolamant'an kolai huatan monyolamant'an boko urakng inyo mondinga'an ajaran kolai.

1 Timotius 3:2

Obai nantai, siku' urakng ponotua' gola' hidup agatn caro inyo boi'. Io gola' hidup bujur bondar oca' urakng bukai co ulih monyalahan io. Io co ulih bisi bini lobih doi' siku'. Io gola' ulih mongondalian dirinyo. Io gola' pintar-corodi' huatan sopatn. Io gola' agatn coraca'an moonji'i koluntukan. Io gola' mampu mongajar urakng agatn boi'.

1 Timotius 2:7

Nianam Kabar Boi' inyo gola' aku boritoan. Nantaiam alasannyo aku diutus monjadi rasul pakai' momboritoannyo. Pomandiran aku ni'in bondar. Aku co bulah tumbukan. Aku dipilih pakai' mongajar boko urakng inyo bukainyo urakng Yahudi oca' sia' tohu la'apo inyo bondar mongona'i Yesus.

Kolose 4:17

Lopas nantai sampaian posatn ni'in ko somadikan kito Arkhipus, “Pontiat'ancam boboi' oca' kolai monyolosaian tugas polayatan inyo Tuhatn onju' ko kolai.”

Galatia 6:6

Urakng inyo monorima' ajaran doi' Allah gola' monulukng kohidupan urakng inyo mongajarnyo.

1 Korintus 12:28

Allah momilih boko urakng dalapm kolompok urakng pocayo. Inyo potamo, boko rasul, ia'an boko urakng inyo dipilih pakai' momboritoan Kabar Boi'. Inyo koduo, boko nabi, ia'an boko urakng inyo monyampaian posatn doi' Allah. Inyo kotigo, boko urakng inyo dionji'i komampuan pakai' mongajar. Ongko, ado boko urakng inyo dionji'i komampuan pakai' bulah mujisat. Ado jam boko urakng inyo dionji'i komampuan pakai' monyamani, boko urakng inyo dionji'i komampuan pakai' monulukng urakng bukai, boko urakng inyo dionji'i komampuan pakai' momimpitn, ongko boko urakng inyo dionji'i komampuan pakai' bopandir dalapm boko baso roh.

Kisah Boko Rasul 20:28

Kaitn gola' monjago diri kaitn huatan urakng bukai inyo udah pocayo agatn Yesus oca' totap pocayo. Allah udah monobus monsio doi' hukupan dosa agatn darah-Nyo sikuꞌ. Jadi, sia' udah monjadi umant Allah siku'. Kaitn udah dipilih Roh Allah pakai' momimpitn sia' nantai. Obai nantai, kaitn gola' monjago sia' samo sama'an gombala monjago kabatn dombanyo.

Kisah Boko Rasul 20:20

Biar pan ubo nian, aku totap momboritoan mongona'i Yesus. Aku co kalo monahan sobuti' ajaran pan inyo boguno pakai' kaitn. Aku mongajar di muka' umum honda' pan doi' rumah ko rumah.

Kisah Boko Rasul 6:1

Mongkitn manah, mongkitn banya' urakng Yahudi inyo pocayo agatn Yesus. Ado urakng Yahudi inyo pocayo agatn Yesus inyo bobaso Ibrani. Ado jam inyo bobaso Yunani. Inyo bobaso Yunani tungi obai inyo bobaso Ibrani mombagi'i pomakatn sotiap ari ko boko urakng botina' balu kinyo adil. Boko urakng balu inyo bobaso Yunani hala kinyo dionji'i.

Yohanes 3:2

Watu malapm, io datakng ko Yesus. Katonyo, “Guru, koi tohu obai Duatn ninam guru inyo diutus Allah. Obai, Duatn molabuhan boko mujisat nantai. Conyiant urakng inyo mampu molabuhan lou' sama'an nantai aman co ado potulukan doi' Allah.”

Matius 28:19

Obai nantai, botula'cam ko somuo banso. Ajaricam boko urakng oca' sia' monjadi murid-Ku. Baptiscam sia' dalapm damo Bopai, Ana', huatan Roh Allah pakai' monunju'an obai sia' pocayo ko Allah Bopai, pocayo ko Yesus, huatan Roh Allah.

1 Korintus 12:5

Ado bomacapm caro urakng bokorojo pakai' Tuhatn. Apo bayo ado siku' Tuhatn inyo kito layati.

1 Korintus 14:26

Jadi ubo ni'in boko somadikan: Watu kaitn bokumpul pakai' sombayakng, ado inyo monyanyi lagu pujian, ado inyo moajaran sosuatu, ado inyo monyampaian sosuatu inyo Allah poniant'an ko io, ado inyo bopandir pakai baso roh, ado inyo monjolasan roti doi' pomandiran dalapm boko baso nantai. Somuo nantai gola' dilabuhan pakai' monguat'an urakng bukai.