Roma 12:18 - Porjanjian Boharu Torjomahan Baso Dilakng Soari-ari

¹⁸ Sodapat-dapatnyo aman nantai bogantukng doi' diri kolai siku' bousahacam pakai' hidup damai agatn somuo urakng.

Roma 12:18 ပူးပေါင်းရင်းမြစ်များ

Ibrani 12:14

Bousahacam hidup damai agatn somuo urakng. Bousaha jam hidup borosih doi' dosa. Obai, urakng inyo kinyo borosih doi' dosa, kinyo tajahan ulih moniant Tuhatn.

Roma 14:19

Obai nantai, kito gola' bousaha oca' porbuatan kito mombulah somuo kito hidup agatn damai. Kito gola' bousaha monulukng urakng bukai pakai' lobih kuat pocayo ko Yesus.

Matius 5:9

Diborokaticam urakng inyo mombaba' damai, obai Allah paca'an monyobut sia' boko poana'an-Nyo.

2 Korintus 13:11

Ahirnyo boko somadikanku bosonang nyaman cam! Bousaha cam hidup bobondar sobagai urakng inyo pocayo. Taat'icam boko nosihatku. Hidupcam sohati sopikiran, ongko hidup cam sonang-asau agatn siku'-monyiku'. Aman kaitn molabuhan nantai, jadi Allah paca'an momborokati kaitn. Sionam inyo sumber kasih ongko sonang-asau.

Galatia 5:22

Apo aman kaitn hidup sosuai agatn kohonda' Roh Allah, ia'an: hala mongasihi, rindakng-rigah, hidup sonang dalapm hati, sabar, gala' monulukng, gala' bulah koboi'an, sotia,

Markus 9:50

Garapm nantai boi'. Jadi, kaitn gola' monjadi samo sama'an garapm. Kaitn gola' hidup damai agatn urakng inyo bukai. Apo aman garapm monjadi taba'i, co mungkitn dipulah mancitn agi'.”

1 Petrus 3:11

Sia' gola' botongga' bulah kojahatan, lalu bulah koboi'an. Sia' gola' bousaha bobondar pakai' hidup damai agatn urakng bukai.

2 Timotius 2:22

Timotius, padohan sonjumpat'an kolaku'an urakng muda' inyo jahat. Apo bousahacam oca' kolai bulah inyo bondar di hadapan Allah. Totap sotia ko Allah huatan kasihicam urakng bukai. Bousahacam oca' hidup damai agatn urakng bukai. Labuhancam somuo nantai bosamo agatn boko urakng inyo monyombah Tuhatn agatn hati inyo somombondarannyo.

Roma 14:17

Obai, Koraja'an Allah bukainyo soal poraturan pomakatn ongko minuman, apo soal hidup inyo bondar, hidup agatn damai, ongko hidup agatn sonang-nyamanam. Somuo nantai doi' Roh Allah.

1 Tesalonika 5:13

Hormati huatan kasihicam sia' agatn somombondarannyo, obai moingant somuo hal inyo sia' labuhan. Koi pan muhun oca' kaitn somuo samo-samo hidup agatn damai.

Efesus 4:3

Bousaha cam bondar-bondar hidup damai agatn uyakng bukai oca' kaitn totap bosatu dalapm Roh Allah.

Matius 5:5

Diborokaticam urakng inyo rondah hati, obai sia' paca'an mowarisi bumi.

1 Korintus 7:15

Apo mungkitn siku' urakng inyo bolupm pocayo honda' saya' agatn urakng inyo pocayo nantai. Aman ubo nian, biaram sia' saya'. Dalapm situasi nantai, urakng inyo pocayo kinyo tokobat agi'. Apo Allah moningkau kaitn oca' bousaha hidup agatn damai.

Matius 5:24

Tinggalan ja'am posombahan nantai di muka' mesbah. Botula'cam mongomboi'i hubukan holu'ai agatn somadikan kaitn nantai. Hoyu' lopas nantai bobali' pakai' moonju' posombahan nantai.

Roma 1:15

Nantaiam sobabnyo aku honda' momboritoan Kabar Boi' ko kaitn inyo bodiapm di Roma.