Roma 12:17 - Porjanjian Boharu Torjomahan Baso Dilakng Soari-ari

¹⁷ Aman ado boko urakng inyo bulah kojahatan agatn kaitn, jangannam kaitn mombalas agatn kojahatan ko sia'. Apo, bulah koboi'an cam agatn somuo urakng.

Roma 12:17 ပူးပေါင်းရင်းမြစ်များ

1 Tesalonika 5:15

Poniant'an oca' co nyiant di antaro kaitn inyo mombalas kojahatan agatn kojahatan. Sobali'nyo bousaha pakai' hala bulah koboi'an ko boko somadikan kaitn huatan ko somuo urakng.

Matius 5:39

Apo Aku moonju' porintah ni'in ko kaitn: Jangan mombalas urakng inyo molabuhan kojahatan ko kaitn. Umpamonyo, aman urakng monompilikng pipi kanan kaitn sorahan jam pipi kiba' kaitn pakai' ditompilikngnyo.

1 Petrus 3:9

Aman ado urakng inyo bulah kojahatan agatn kaitn, jangan mombalasnyo agatn kojahatan. Aman ado urakng inyo momojah kaitn, jangan mombalas agatn momojahnyo. Apo, kaitn gola' mondoa'an oca' Allah momborokati sia' inyo jahat ubo nantai. Obai, Allah moningkau kaitn oca'nyo mondapat'an borokat.

Roma 12:19

Boko somadikan inyo ku kasihi! Jangan kaitn siku' mombalas dondapm. Apo biar Allah inyo mohukupm boko urakng bukai. Obai ado inyo totulis dalapm Buku Suci: “Tuhatn bopandir, ‘Bayo Aku mo inyo bohak mombalas. Aku tajahan mohukupm sia'!’ ”

1 Petrus 3:16

Apo, timbas cam sia' agatn hormat, lomah-lombut, tulus hati di hadapan Allah. Kaitn gola' molabuhan nantai oca' watu boko urakng monjahai'an mongona'i porbuatan boi' kaitn dalapm Kristus, jadi sia' tajahan komaluan.

1 Tesalonika 5:22

Jangan molabuhan somuo macapm kojahatan.

1 Petrus 2:12

Kaitn gola' hidup agatn caro inyo boi' di antaro boko urakng inyo bolupm mongonal Allah. Agatn ubo nantai, biar pan sia' mongatoan kaitn jahat, sia' tajahan moniant porbuatan kaitn inyo boi'. Akibatnyo, sia' pan tajahan momuliaan Allah watu Sio datakng nononyo.

Kolose 4:5

Kaitn gola' hidup agatn somuo kopintar-corodi'an tohadap boko urakng inyo bolupm pocayo ko Yesus. Pakaicam sotiap kosompatan inyo ado pakai' molabuhan nantai.

Roma 14:16

Jangan mombulah lou' inyo boi' bagi kaitn monjadi lou' inyo dihanyam urakng bukai.

1 Timotius 5:14

Obai nianam, aku honda' somuo botina' balu ija' muda' bolaki agi'. Sia' gola' bolaki oca' ija' boana' lalu mourus rumah tanggo sia' masikng-masikng. Agatn caro nianam, boko urakng inyo molawatn kito, co nyiant ado alasan pakai' monjahai'an damo boko urakng inyo pocayo.

1 Tesalonika 4:12

Jadi, kaitn kinyo paca'an hidup bogantukng ko urakng bukai. Aman kaitn hidup agatn caro sama'an nantai, boko urakng inyo bolupm pocayo ko Yesus paca'an mohormati kaitn.

Matius 5:24

Tinggalan ja'am posombahan nantai di muka' mesbah. Botula'cam mongomboi'i hubukan holu'ai agatn somadikan kaitn nantai. Hoyu' lopas nantai bobali' pakai' moonju' posombahan nantai.