Roma 12:15 - Porjanjian Boharu Torjomahan Baso Dilakng Soari-ari

¹⁵ Aman urakng bukai sonang-nyamanam, kaitn gola' tuyut sonang jam. Aman sia' monangis, kaitn pan gola' jumpat salu' jam.

Roma 12:15 ပူးပေါင်းရင်းမြစ်များ

1 Korintus 12:26

Aman sobuti' bukakng-tubuh kompodihan, ongko somuo boko bagian bukakng-tubuh inyo bukai kompodihan jam. Aman sobuti' bagian bukakng-tubuh dihormati, ongko somuo bagian bukakng-tubuh inyo bukai sonang-nyaman jam.

Ibrani 13:3

Ingantcam boko urakng inyo di dalapm ponjara sama'an kaitn pan ado di dalapm ponjara bosamo agatn sia'. Ingantcam boko urakng inyo disiksa sama'an kaitn disiksa sama'an nantai jam.

Lukas 1:58

Boko totangga ongko boko koluarga bosar mondingaꞌ borito nantai, borito koboi'an Tuhatn inyo luar biaso ko Elizabet. Jadi, sia' kotakng rindakng sosamo agatn io.

Kisah Boko Rasul 11:23

Pas Barnabas tuntukng ko su'utn, io moniant caro kohidupan sia' borubah obai Allah bulah koboi'an ko sia'. Obai nantai Barnabas mooso kotakan rindakng. Io monguat'an hati sia' oca' sia' somuo totap pocayo huatan monaati ko Tuhatn Yesus agatn soponuh hati.

Filipi 2:26

Apo io togonangan kaitn somuo. Hatinyo golisah obai io mongotohu'i kaitn udah mondinga' obai io boponyakit di si'itn.

2 Korintus 11:29

Aman ado anggota jomaat inyo lomah aku pan jumpat lomah jam. Aman ado anggota jomaat inyo disosatan, pasti hatiku oso ropu'-lolo.

2 Korintus 2:3

Nantai sobabnyo, daripado aku datakng, lobih boi' aku monulis surat holu ko kaitn. Aku co honda' datakng lalu kaitn mombulah ku salu'. Obai soharusnyo kaitn nam inyo bulah aku sonang-nyamanam! Jadi aku monulis surat holu, obai aku yakitn aman aku rindakng, jadi kaitn tajahan rindakng jam.

Yohanes 11:19

Jadi, banya' urakng Yahudi udah datakng ko Marta huatan Maria pakai' mohibur sia' obai somadikan sia' mati.

Filipi 2:28

Obai nantai, mongkitn bondar aku honda' monyiuh io agi' ko kaitn oca' kaitn ulih sonang-nyamanam agi' watu kaitn moniant io. Hatiku tajahan monjadi lobih tenang jam.