Roma 12:14 - Porjanjian Boharu Torjomahan Baso Dilakng Soari-ari

¹⁴ Aman ado boko urakng inyo mondorako'i kolai, mintocam ko Allah oca' Sio momborokati sia'. Au, mintocam oca' Allah momborokati sia'. Jangan minto oca' Allah mohukupm sia'!

Roma 12:14 ပူးပေါင်းရင်းမြစ်များ

1 Petrus 3:9

Aman ado urakng inyo bulah kojahatan agatn kaitn, jangan mombalasnyo agatn kojahatan. Aman ado urakng inyo momojah kaitn, jangan mombalas agatn momojahnyo. Apo, kaitn gola' mondoa'an oca' Allah momborokati sia' inyo jahat ubo nantai. Obai, Allah moningkau kaitn oca'nyo mondapat'an borokat.

Matius 5:44

Apo Aku moonju' porintah ni'in ko kaitn: Kasihicam musuh kaitn. Bodoacam pakai' urakng inyo mondorako'i kaitn.

1 Tesalonika 5:15

Poniant'an oca' co nyiant di antaro kaitn inyo mombalas kojahatan agatn kojahatan. Sobali'nyo bousaha pakai' hala bulah koboi'an ko boko somadikan kaitn huatan ko somuo urakng.

Roma 12:21

Aman kaitn bulah kojahatan obai urakng bukai bulah kojahatan ko kaitn, rotinyo kuaso jahat mongalahan kaitn. Jangan ubo nian, boko somadikan! Kaitn gola' mongalahan kuaso jahat agatn koboi'an.

Lukas 6:28

Borokati urakng inyo monyumpah kaitn. Huatan doa'an urakng inyo hala bulah kojahatan ko kaitn.

Yakobus 3:10

Jadi, boko somadikan, jangan molabuhan lou' sama'an nian. Kito culih momuji huatan moncolakoan agatn lidah kito.

Lukas 23:34

Lalu Yesus bodoa, “Bopai, amputi sia' inyo monyobab'an Aku sampai dihukupm mati di kayu salib! Sia' co tohu la'apo inyo sia' pulah.” Lalu, boko projurit monguti' pakai'an Yesus. Sia' boundi pakai' monontuan sopo inyo tajahan mondapat'an pakai'an-Nyo.

Kisah Boko Rasul 7:60

Ongko kapikng molota'an kopututnyo ko tanah, io mondorah agatn saro kotakan borakng. Katonyo, “Tuhatn, amputicam dosa inyo sia' pulah ni'in!” Lopas bopandir sama'an nantai, Stefanus matiam.