Roma 12:11 - Porjanjian Boharu Torjomahan Baso Dilakng Soari-ari

¹¹ Jangan losa' apo gola' hala bosomangant bokorojo molayati Tuhatn.

Roma 12:11 ပူးပေါင်းရင်းမြစ်များ

Kisah Boko Rasul 18:25

Io kalo diajari ajaran inyo bondar mongona'i Tuhatn Yesus. Io mongajar mongona'i Yesus agatn somangant huatan toliti. Apo, io bayo mongotohu'i baptisan Yohanes.

1 Petrus 4:8

Inyo kotakan pontikng, kaitn gola' bobondar hala mongasihi. Obai, urakng inyo mongasihi ulih moamputi boko kosalahan.

Ibrani 12:28

Jadi, mara am kito bosukur ko Allah, obai kito monjadi warga Korajaan-Nyo inyo kinyo toguncakng. Mara am kito monyombah Allah agatn caro inyo monyonangan Sio, ia'an agatn hormat ongko gola' agatn Sio.

Efesus 4:28

Urakng inyo komainyo pongolit jangan mongolit agi'. Apo io gola' bokorojo koras agatn jarinyo siku', mombulah boko hal inyo boi', oca' io ulih monulukng urakng bukai inyo ado kopontikannyo.

1 Petrus 1:22

Obai kaitn monaati kobondaran, kaitn udah monjadi suci di hadapan Allah. Jadi, kaitn dapat mongasihi somadikan kaitn inyo sosamo pocayo, agatn hati tulus. Obai nantai, kaitn gola' bobondar hala mongasihi agatn soponuh hati.

Kisah Boko Rasul 20:19

Aku molayati Tuhatn agatn rondah hati. Dalapm polayatan nantai, opat aku sampai monangis. Aku moalapi banya' ajab sonsaro obai urakng Yahudi inyo kinyo pocayo agatn Yesus opat bulah kojahatan ko aku.

Matius 24:12

Obai kojahatan mongkitn botambah, lalu banya' urakng co paca'an mongasihi agi'.

1 Timotius 5:13

Solaitn nantai, boko botina' balu inyo ija' muda' biasonyo monjadi losa' bogota'-bokorojo. Sia' mombuakng-buakng watu koluar mansu' rumah boko urakng. Apotolagi', sia' gala' bocacai tumbukng. Sia' gala' sonjumpat'an urusan urakng bukai. Sia' bopandir boko hal sama'an nantai soharusnyo inyo kinyo boi' pakai' di kisahan.

Wahyu 2:4

Apo, Aku moolikan kaitn mongona'i hal ni'in: Kaitn conyiant ado kasih agi' sama'an komai watu kaitn hoyu' pocayo ko aku.

Kolose 4:1

Ko somuo habakng aku bopandir: kaitn gola' moulahan boko hulutn kaitn agatn bondar huatan adil. Ingantcam! Kaitn pan ado Habakng di sorugo inyo bokuaso di kaitn.

1 Korintus 7:22

Obai, watu siku' urakng hulutn ditingkau Tuhatn, io monjadi siku' urakng bebas dalapm pomandakan Tuhatn. Ubo nian jam, watu siku' urakng bebas ditingkau, io monjadi siku' urakng hulutn inyo molayati Kristus.

Matius 25:26

Lalu habakngnyo nantai monimbas, ‘Kolai hulutn inyo jahat huatan losa-lombaro! Jadi kolai udah tohu aku dapat kountukan doi' pokoroja'an urakng bukai samo sama'an potani inyo monguti' hasil hanyian doi' lakau inyo co ku tanam.

Yakobus 5:16

Obai nianam, kaitn gola' hala moaku'i dosa agatn siku'-monyiku' huatan hala mondoa'an oca' kaitn dinyamani. Urakng inyo hidup bondar di hadapan Allah, doanyo kotakan bokuaso huatan boguno.