Roma 11:32 - Porjanjian Boharu Torjomahan Baso Dilakng Soari-ari

³² Allah bulah oca' sotiap banso ado watu inyo sia' kinyo taat ko Sio. Apo Sio molabuhan nantai oca' Sio ulih monunju'an bolas-kasihan ko sia' somuo.

Roma 11:32 ပူးပေါင်းရင်းမြစ်များ

Yohanes 1:7

Yohanes datakng pakai' momboritoan mongona'i Torakng nantai. Oca' obai io somuo urakng monjadi pocayo ko Torakng nantai.

Yohanes 12:32

Pas Aku diangkat doi' bumi, Aku paca'an mombaba' somuo urakng oca' datakng ko aku.”

Roma 11:31

Ubo nantai jam tajahan tojadi agatn boko urakng Yahudi. Ni'in sia' kinyo taat. Apo agatn sia' moniant Allah monunju'an bolas-kasihan ko kaitn, jadi sia' tajahan honda' borubah oca' Allah monunju'an bolas-kasihan ko sia' jam.

Roma 3:22

Ia'an, urakng monjadi bondar di hadapan Allah agatn caro pocayo ko Yesus Kristus. Caronyo samo pakai' somuo urakng. Dalapm hal nantai, urakng Yahudi kinyo ado bedanyo doi' urakng bukai Yahudi.

Roma 3:9

Jadi, sama'an apo kosimpulannyo? Apobai kito urakng Yahudi lobih boi' di hadapan Allah daripado urakng bukai? Samo sokali cado! Koi udah monjolasan obai somuo urakng dikuaso'i ulih dosa, boi' urakng Yahudi honda' pan urakng bukai Yahudi.

Roma 5:19

Obai, siku' urakng kinyo monaati porintah Allah, jadi somuo urakng bodosa. Sama'an nian jam, obai siku' urakng monuruti kohonda' Allah, jadi somuo urakng monjadi bondar di hadapan Allah.

Galatia 3:22

Apo di dalapm Buku Suci totulis obai somuo urakng di dunia dikuaso'i dosa. Agatn ubo nian, la'apo inyo Allah janjian molalu'i kopocaya'an ko Yesus Kristus nantai, Sio onju' ko boko urakng inyo pocayo.

Galatia 3:23

Sobolupm datakng watunyo pakai' pocayo ko Yesus. Hukupm Torat nantai mongurukng huatan monjago kito, samo sama'an urakng inyo monjago ponjahat di ponjara. Kito dikurukng sampai watu pakai' pocayo ko Yesus nantai dinyatoan.