Roma 11:28 - Porjanjian Boharu Torjomahan Baso Dilakng Soari-ari

²⁸ Watu ni'in, banya' urakng Yahudi monjadi musuh Allah obai sia' kinyo honda' pocayo Kabar Boi'. Agatn ubo nantai, kaitn urakng bukainyo urakng Yahudi ulih diborokati. Apo, Allah ija' mongasihi boko urakng Yahudi nantai obai sia' doi' banso inyo dipilih-Nyo. Nantai sosuai agatn pojanjian inyo Sio pulah agatn angki-bayatn sia'.

Roma 11:28 ပူးပေါင်းရင်းမြစ်များ

Roma 11:7

Jadi kosimpulannyo ubo ni'inan: Urakng Israel bousaha monjadi bondar di pohadapan Allah. Apo kobanya'an doi' sia' kinyo mondapat'annyo. Bayo sodikitmo inyo mondapat'annyo, ia'an nantai boko monsio inyo dipilih Allah. Somuo monsio bukai, Allah bulah hati sia' korikng hati.

Roma 9:5

Sia' nam koturutan Abrahapm, Ishak ongko Yakub, pombopaian angki-bayatn sia'. Pas Kristus monjadi monsio, Sio lahir sobagai koturutan urakng Israel jam. Sio bokuaso di pucu' la'apo pan. Sio nam Allah inyo cucu' dipuji somanahnyo. Amin!

Matius 21:43

Lalu Yesus bopandir, “Jadi, pondinga'ancam ni'in: Hak kaitn pakai' monjadi anggota Koraja'an Allah paca'an dikuti' doi' kaitn. Hak nantai paca'an dionju' ko banso inyo sotia molabuhan kohonda' Allah. [

Roma 11:11

Jadi, banya' urakng Yahudi monjadi jouh doi' Allah. Apo aku botakutn: Apo bai nantai tojadi oca' sia' co mungkitn bobali' ko Allah? Samo sokali cado! Obai sia' bodosa monula' Yesus, jadi boko banso bukainyo dionji'i kosompatan pakai' monorima' Yesus ongko monjadi solamant. Nantai tojadi oca' urakng Yahudi monjadi hiri, honda' diborokati jam samo sama'an boko banso bukai nantai jam.

Roma 11:30

Komai, kaitn kinyo taat agatn Allah. Apo obai sia' co taat, jadi Allah monunju'an bolas-kasihan ko kaitn.

Roma 5:10

Komai, kito molawatn Allah. Apo kito bobali' bohubukan boi' agatn Sio obai Ana'-Nyo mati pakai' kito. Obai Yesus udah molabuhan nantai, pasti Sio jam paca'an monyolamant'an kito inyo udah bobali' bohubukan boi' agatn Allah. Obai Yesus hidup, jadi kito paca'an mondapat'an hidup kokal jam.

Kisah Boko Rasul 18:6

Apo boko urakng Yahudi nantai molawatn huatan mohayam Paulus. Jadi, io mongibasan dobu doi' pakai'annyo pakai' tando poringant'an. Kato Paulus ko sia', “Aku udah botanggukng jawab momboritoan Kabar Boi' ko kaitn somuo. Apo kaitn totap co pocayo agatn Yesus. Nononyo aman kaitn dihukupm Allah, nantai kosalahan kaitn siku'. Aku co botanggukng jawab agi'. Jadi, mula'i watu ni'in, aku paca'an botula' momboritoan Kabar Boi' ko boko banso inyo bukainyo banso Yahudi.”

Kisah Boko Rasul 14:2

Apo ado boko urakng Yahudi inyo kinyo pocayo. Sia' mohadu boko urakng bukainyo urakng Yahudi oca' kinyo pocayo jam. Jadi, boko urakng nantai kotakan godi agatn boko urakng inyo pocayo.

Lukas 1:54

Allah bojanji agatn Abrahapm ongko koturutannyo. Janji nantai totap topakai somanah-manahnyo. Allah kinyo tongkolupatn agatn janji Sio ko angki-bayatn kito. Sio totap monopat'i janji Sio ko kito. Allah moingant pakai' monulukng koturutan Abrahapm inyo molayati Sio, huatan Allah tajahan molabuhan nantai somanah-manahnyo.”