Roma 11:2 - Porjanjian Boharu Torjomahan Baso Dilakng Soari-ari

² Allah co monula' urakng inyo bondar-bondar umat-Nyo inyo udah Sio pilih doi' komaimo. Pasti kaitn ingant pomandiran nabi Elia inyo totulis dalapm Buku Suci. Timpu io mongaduan banso Israel ko Allah. Katonyo,

Roma 11:2 ပူးပေါင်းရင်းမြစ်များ

Markus 12:26

Hal mongona'i boko urakng hidup agi' doi' komatian ado di dalapm Buku Suci inyo ditulis Musa. Watu Allah bopandir agatn Musa doi' dalapm rado momant inyo sama'an api bonyalo, Allah bopandir, ‘Aku ninam Allah inyo disombah Abrahapm, Ishak, ongko Yakub.’

Lukas 4:1

Yesus moninggalan sungai Yordan tompat Sio dibaptis. Roh Allah ado di dalapm diri Sio, moirikan Sio ko padakng pasir.

Yohanes 4:11

Kato botina' nantai, “Bopai, Duatn co nyiant ado poncou'an. Sumur ni'in kotakan dalapm. Doi' mono Duatn dapat ara'i, kohidupan nantai?

Kisah Boko Rasul 13:48

Mondinga' hal nantai, boko urakng inyo bukainyo urakng Yahudi kotakan rindakng. Sia' mongatoan obai borito mongona'i Tuhatn Yesus memang boi' bondar. Boko urakng inyo udah dipilih Allah pakai' mondapat hidup somanah-manahnyo, monjadi pocayo agatn Yesus.

Kisah Boko Rasul 15:18

Tangga'i joman komai, Aku udah momadahan somuonyo ni'in.”

Kisah Boko Rasul 3:17

Boko somadikan! Kaitn huatan boko pomimpitn kaitn molabuhan kojahatan nantai ko Yesus. Apo aku sadar kaitn co tohu sopo Sio sobondarnyo.

Kisah Boko Rasul 7:40

Jadi timpu Musa ija' di Gunung Sinai, sia' bopandir ko Harun, ‘Musa udah mombaba' kito koluar doi' nogori Mesir. Apo ni'in kito co tohu la'apo inyo tojadi agatn io. Jadi, pulahcam boko lompatukng pakai' kito. Boko lompatukng nantai monjadi boko duato inyo paca'an momimpitn kito.’

Roma 6:16

Kaitn tontu tohu ni'in: aman kaitn monyorahan diri kaitn ko siku' urakng huatan monaati io, boroti kaitn ia'an hulutn urakng nantai. Kaitn ulih monjadi hulutn dosa ongko akibatnyo kaitn paca'an mati socaro rohani. Damo kaitn ulih monaati Allah agatn akibatnyo kaitn paca'an bulah inyo bondar.

Roma 9:23

pakai' monunju'an obai Sio kotakan mulia. Sio monunju'an nantai ko boko urakng inyo monorima' bolas-kasihan-Nyo. Allah udah siap moonji'i hidup inyo mulia ko boko urakng nantai,

Roma 9:6

Banya' urakng Israel kinyo disolamant'an. Apo nantai kinyo bondar obai Allah balakng momonuhi janji-Nyo ko sia'. Obai, kinyo somuo sia' ia'an bondar-bondar urakng Israel inyo dipilih Allah

1 Korintus 6:2

Kaitn gola' tohu obai boko urakng pocayo paca'an mohakipi dunia ni'in! Jadi kaitn tomansu' boko urakng inyo paca'an mohakipi dunia ni'in. Ongko, kaitn pan gola' mampu mohakipi boko pokaro kocit.

1 Korintus 8:3

Apo urakng inyo mongasihi Allah, urakng nantai dikotohu'i Allah. Ongko urakng nantai bondar-bondar pintar-corodi'.

Filipi 1:22

Apo, aman aku hidup di dunia ni'in, polayatanku tajahan kotakng boguno. Jadi, aku co tohu mono inyo gola' ku pilih ia'an hidup damo mati.

Ibrani 1:1

Ija' joman komai mo, Allah bopandir ko angki-bayatn kito molalu'i boko nabi. Allah bopandir nanam-konanam ko sia' agatn bomacapm caro.

1 Petrus 1:2

Allah, Bopai kito, momilih kaitn sosuai agatn roncana-Nyo. Roh Allah mombulah kaitn monjadi borosih doi' dosa oca' kaitn monaati Yesus Kristus. Allah molabuhan nantai jam oca' kaitn ulih monorima' hasil doi' darah Yesus Kristus inyo dicurahan ko kaitn watu Sio mati di kayu salib. Aku bodoa oca' Allah monunju'an koboi'an ongko moonji'i sonang-asau ko kaitn agatn bolimpah.