Roma 11:11 - Porjanjian Boharu Torjomahan Baso Dilakng Soari-ari

¹¹ Jadi, banya' urakng Yahudi monjadi jouh doi' Allah. Apo aku botakutn: Apo bai nantai tojadi oca' sia' co mungkitn bobali' ko Allah? Samo sokali cado! Obai sia' bodosa monula' Yesus, jadi boko banso bukainyo dionji'i kosompatan pakai' monorima' Yesus ongko monjadi solamant. Nantai tojadi oca' urakng Yahudi monjadi hiri, honda' diborokati jam samo sama'an boko banso bukai nantai jam.

Roma 11:11 ပူးပေါင်းရင်းမြစ်များ

Roma 11:31

Ubo nantai jam tajahan tojadi agatn boko urakng Yahudi. Ni'in sia' kinyo taat. Apo agatn sia' moniant Allah monunju'an bolas-kasihan ko kaitn, jadi sia' tajahan honda' borubah oca' Allah monunju'an bolas-kasihan ko sia' jam.

Roma 11:12

Boko banso bukai di dunia diborokati obai urakng Yahudi bodosa, gagal monuruti kohonda' Allah. Aman ubo nantai, pasti borokat-Nyo tajahan lobih banya' agi' aman urakng Yahudi bobali' agi' pocayo ko Allah.

Roma 10:19

Apo, aku botakutn: Apobai urakng Israel kinyo mongoroti kabar nantai? Pasti sia' ulih mongoroti! Mulonyo ado pomandiran Allah ni'in inyo disampaian Musa ko banso Israel: “Aku tajahan bulah kaitn monjadi hiri agatn boko banso bukai inyo co mongonal Aku. Ongko Aku mombulah kolai godi agatn banso inyo kinyo mongoroti la'apo pan.”

Roma 11:14

Agatn ubo nian, aku mungkitn ulih bulah banso ku siku' monjadi tungi. Aku boharap agatn boboropo urakng doi' sia' honda' pocayo ko Yesus jam sampai sia' monjadi solamant.

Kisah Boko Rasul 18:6

Apo boko urakng Yahudi nantai molawatn huatan mohayam Paulus. Jadi, io mongibasan dobu doi' pakai'annyo pakai' tando poringant'an. Kato Paulus ko sia', “Aku udah botanggukng jawab momboritoan Kabar Boi' ko kaitn somuo. Apo kaitn totap co pocayo agatn Yesus. Nononyo aman kaitn dihukupm Allah, nantai kosalahan kaitn siku'. Aku co botanggukng jawab agi'. Jadi, mula'i watu ni'in, aku paca'an botula' momboritoan Kabar Boi' ko boko banso inyo bukainyo banso Yahudi.”

Roma 11:1

Aku botakutn: Kata'an Allah udah monula' umant-Nyo urakng Israel bai? Samo sokali cado! Obai aku urakng Israel huatan Allah kinyo monula' ku. Aku doi' koturutan Abrahapm, doi' suku Benyamin.

Kisah Boko Rasul 13:42

Lopas Paulus jadi bopandir, lalu io ongko Barnabas koluar doi' rumah sombayakng agama Yahudi nantai. Somontaro nantai, sia' diminto oca' bobali' watu ari Sabat dudinyo. Boko urakng honda' mondinga' agi' mongona'i somuo hal inyo disampaian sia' duo nantai tontai.

Lukas 20:16

Pasti io paca'an datakng ongko mombunuh sia'. Lopas nian io tajahan mompocayoan kobutn anggur nantai ko boko urakng bukai.” Mondingaꞌ nantai sia' bopandir, “Jangan sampai hal nantai tojadi!”