Roma 10:19 - Porjanjian Boharu Torjomahan Baso Dilakng Soari-ari

¹⁹ Apo, aku botakutn: Apobai urakng Israel kinyo mongoroti kabar nantai? Pasti sia' ulih mongoroti! Mulonyo ado pomandiran Allah ni'in inyo disampaian Musa ko banso Israel: “Aku tajahan bulah kaitn monjadi hiri agatn boko banso bukai inyo co mongonal Aku. Ongko Aku mombulah kolai godi agatn banso inyo kinyo mongoroti la'apo pan.”

Roma 10:19 ပူးပေါင်းရင်းမြစ်များ

Roma 10:18

Apo ubo apo agatn urakng Yahudi? Kata'an sia' bolupm kalo mondinga' Kabar Boi' nantai ai? Pasti sia' udah mondinga'am nantai! Samo sama'an pomandiran ni'in inyo totulis di Buku Suci: “Boko monsio udah momboritoan ko soluruh dunia. Pomandiran sia' udah tosebar ko soluruh dunia.”

Roma 11:11

Jadi, banya' urakng Yahudi monjadi jouh doi' Allah. Apo aku botakutn: Apo bai nantai tojadi oca' sia' co mungkitn bobali' ko Allah? Samo sokali cado! Obai sia' bodosa monula' Yesus, jadi boko banso bukainyo dionji'i kosompatan pakai' monorima' Yesus ongko monjadi solamant. Nantai tojadi oca' urakng Yahudi monjadi hiri, honda' diborokati jam samo sama'an boko banso bukai nantai jam.

Roma 11:14

Agatn ubo nian, aku mungkitn ulih bulah banso ku siku' monjadi tungi. Aku boharap agatn boboropo urakng doi' sia' honda' pocayo ko Yesus jam sampai sia' monjadi solamant.

Roma 3:26

Apo ni'inan, Allah monunju'an Sio adil obai Sio mohukupm dosa. Yesus inyo monobus hukupan dosa nantai. Allah monunju'an diri-Nyo bondar ongko monunju'an obai urakng inyo pocayo ko Yesus monjadi bondar di hadapan-Nyo.

1 Korintus 1:12

Masudku, ado di antaro kaitn inyo bopandir, “Aku urakng doi' kolompok Paulus.” Ado inyo bukai bopandir, “Aku urakng doi' kolompok Apolos.” Damo “Aku urakng doi' kolompok Petrus.” Ado inyo bukai agi' inyo bopandir, “Aku urakng doi' kolompok Kristus.”

1 Korintus 10:19

La'apo masudku inyo sobondarnyo? Aku co bomasud aman boko duato bondar-bondar hidup. Aku pan co bomasud aman dagikng inyo diposombahan ko boko duato nantai kinyo lobih boroti daripado dagikng biaso.

1 Korintus 11:22

Padohal kaitn ulih makatn huatan minum di rumah kaitn siku'. Jadi, jangan ngomalu'i huatan mohayam kolompok urakng inyo umputn Allah ongko boko urakng jaro agatn porbuatan sama'an nantai. Kaitn mongohonda'i aku paca'an momuji kaitn obai porbuatan sama'an nantai? Pasti cado!

1 Korintus 12:2

Ingant watu kaitn ija' bolupm konal agatn Allah. Kaitn dipongaruhi pakai' monyombah boko duato inyo co ulih bopandirobai boko duato nantai kinyo bobondar hidup.

1 Korintus 15:50

Boko somadikan, ni'in inyo pontikng pakai' dikotohu'i: Bukakng-tubuh kito ni'in, ia'an dagikng huatan darah, kinyo ulih mansu' Koraja'an Allah nononyo. Bukakng-tubuh kito ni'in dapat mati. Jadi, bukakng-tubuh sama'an ni'in kinyo dapat hidup somanah-manahnyo.

1 Korintus 7:29

Boko somadikan, masudku ubo ni'in: Co manah agi' watu ni'in paca'an boahir. Obai nantai, mula'i doi' ni'in sotiap urakng inyo bobini gola' bolaku ubo urakng kinyo bobini.

Titus 3:3

Komai sobolupm kito pocayo kito co tohu jam caro hidup inyo boi' sama'an sia'. Kito co taat jam agatn Allah. Kito dikotumbuki boko hal inyo jahat. Kohonda' ongko kosonangan di dunia ni'in monguaso'i kito. Kito hala bulah kojahatan ongko hala tungi agatn urakng bukai. Kito bonci' agatn urakng bukai ongko urakng bukai pan bonci' agatn kito.

1 Petrus 2:10

Komai, kaitn bukainyo boko urakng umputn Allah. Apo ni'in kaitn udah monjadi boko urakng umputn-Nyo. Komai, Allah co monunju'an koboi'an-Nyo ko kaitn. Apo ni'in Allah udah monunju'an koboi'an-Nyo ko kaitn.