Roma 10:16 - Porjanjian Boharu Torjomahan Baso Dilakng Soari-ari

¹⁶ Apo, kinyo somuo monsio monuruti Kabar Boi' nantai. Samo sama'an pomandiran nabi Yesaya: “Tuhatn, sopo inyo pocayo ko kabar koi?”

Roma 10:16 ပူးပေါင်းရင်းမြစ်များ

Roma 3:3

Apo sama'an apo aman ado urakng Yahudi inyo kinyo sotia ko Allah? Apobai nantai paca'an mombulah Allah kinyo sotia monopat'i boko janji-Nyo ko sia'?

Ibrani 4:2

Obai, Kabar Boi' nantai udah dipadahan ko kito samo sama'an ko angki-bayatn kito komai. Apo, borito nantai kinyo boguno pakai' sia' obai sia' kinyo pocayo watu mondinga'nyo.

2 Tesalonika 1:8

Sio paca'an mohukupm sia' inyo co honda' mongonal Allah, sia' co honda' pocayo Kabar Boi' mongona'i Yesus, Tuhatn kito.

Galatia 5:7

Sokomai kaitn monunju'an komajuan cukup boi' watu tuyut Yesus. Jangan dilongahan urakng bukai honda' mohalak-halaki kaitn. Jangan sampai kaitn co monaati ajaran inyo bondar.

1 Petrus 2:8

“Nantai am ‘Batu bulah sia' topanjur.’ Batu inyo bulah sia' tokorahap.” Sia' topanjur ko batu nantai obai sia' kinyo monaati Pomandiran Allah. Nantaiam inyo udah ditontuan Allah pakai' sia'.

Ibrani 11:8

Obai Abrahapm pocayo, jadi io monaati Allah. Timpu nantai, Allah moningkau io botula' ko nogori inyo nononyo tajahan dionju' Allah ko io ongko koturutannyo. Abrahapm kinyo tohu tompat tujuannyo, apo io totap botula'.

Ibrani 5:9

Agatn caro nantai, Sio monjadi Ponyolamant inyo sompurna. Jadi, Sio ulih moonji'i kohidupan kokal ko somuo urakng inyo taat ko Sio.

Roma 6:17

Memang komai kaitn ia'an hulutn dosa. Apo, bosukurcam ko Allah, obai watu ni'in kaitn bondar-bondar udah monaati ajaran bondar inyo udah disampaian ko kaitn.

Roma 2:8

Apo Allah paca'an godi huatan mohukupm urakng inyo momontikan diri siku' huatan kinyo honda' monaati ajaran inyo bondar, apo honda' monuruti inyo jahat.

1 Petrus 3:1

Ubo nian jam, kaitn boko bini: Kaitn gola' mohormati laki kaitn sobagai kopala' koluarga, biar pan laki kinyo monuruti Pomandiran Allah. Kaitn gola' molabuhan nantai oca' sia' dapat monjadi pocayo. Kaitn pompadohan mongatoan la'apo pan ko sia'.

1 Petrus 1:22

Obai kaitn monaati kobondaran, kaitn udah monjadi suci di hadapan Allah. Jadi, kaitn dapat mongasihi somadikan kaitn inyo sosamo pocayo, agatn hati tulus. Obai nantai, kaitn gola' bobondar hala mongasihi agatn soponuh hati.

Galatia 3:1

Boko somadikan di Galatia. Kaitn urakng budu! Kaitn udah dikotumbuki ulih ajaran urakng bukai! Sobondarnyo aku udah kalo monorakan agatn kotakan jolas mongona'i komatian Yesus Kristus di kayu salib.

Roma 16:26

Apo watu ni'in Allah inyo hidup kokal udah monyiuh oca' roncana-Nyo dipadahan, ia'an roncana-Nyo inyo udah ditulis dalapm boko buku nabi. Agatn ubo nantai, hajat Allah diboritoan ko somuo banso oca' sia' pocayo ongko monaati-Nyo.

Roma 11:17

Apo ado boboropo urakng Yahudi inyo kinyo pocayo ko Yesus. Sia' samo sama'an boko dahatn inyo udah dipatahan doi' kayu nantai. Apo kaitn urakng bukainyo urakng Yahudi inyo pocayo samo sama'an tunas doi' batakng jaitun inyo liar inyo gonti boko dahatn nantai. Samo sama'an tunas dicangkokan ongko ulih hidup doi' gotah urat kayu jaitun nantai, ubo nian jam kaitn monjadi umant Allah ongko mondapat borokat doi' somuo inyo dijanjian ko boko urakng Yahudi inyo potamo.

Roma 1:5

Allah jam monunju'an koboi'an-Nyo ko aku. Ia'an Yesus momilih aku pakai' monjadi rasul inyo mowakili Sio. Sio moonji'i tugas ko aku pakai' mombimbikng boko urakng doi' somuo banso oca' sia' pocayo huatan taat ko Sio.

Kisah Boko Rasul 28:24

Ado doi' antaro sia' inyo monjadi pocayo obai ajaran Paulus nantai. Apo ado jam inyo kinyo pocayo.

Yohanes 10:26

Apo kaitn co pocayo obai kaitn bukainyo boko domba-Ku.

Matius 13:14

Jadi pomandiran Allah digonapi. Watu joman Nabi Yesaya monulis pomandiran Allah nantai sama'an ni'in bunyinyo: ‘Kaitn paca'an mondinga' pomandiran Allah, apo co mongoroti. Kaitn paca'an moniant pogota'an Allah apo co mongoroti.