Roma 10:14 - Porjanjian Boharu Torjomahan Baso Dilakng Soari-ari

¹⁴ Apo co mungkitn monsio ulih minto tulukng ko Sio aman sia' bolupm pocayo ko Sio. Co mungkitn sia' ulih pocayo ko Sio aman sia' bolupm kalo mondinga' mongona'i Sio. Co mungkitn sia' mondinga' mongona'i Sio aman conyiant ado urakng inyo momboritoan mongona'i Sio.

Roma 10:14 ပူးပေါင်းရင်းမြစ်များ

Ibrani 11:6

Aman urakng kinyo pocayo, co mungkitn io ulih monyonangan hati Allah. Obai, urakng inyo datakng ko Allah gola' pocayo obai Allah ado. Io pan gola' pocayo obai Allah moonji'i upah ko sotiap urakng inyo bondar-bondar moncari'i Sio.

Kisah Boko Rasul 8:31

Kato pojabat nantai, “Co mungkitn aku ulih mongoroti aman co nyiant urakng inyo monjolasannyo ko aku.” Jadi pojabat nantai mominto Filipus noi' ko koretanyo ongko dudu' bosamo agatn io.

Yakobus 5:15

Aman sia' bobondar pocayo, jadi Tuhatn paca'an monyamanan urakng sakit nantai. Biar pan io udah bulah dosa, Tuhatn paca'an moamputinyo.

2 Timotius 4:17

Apo, watu nantai, Tuhatn monyoroto'iku. Sio moonji'i kokuatan ko aku. Obai nantai, aku ulih momboritoan Kabar Boi' ko urakng inyo bukainyo urakng Yahudi. Watu nantai, aku co dihukupm mati samo sama'an lopas doi' tontorokapan bonatakng buas.

Efesus 4:21

Obai, timpu kaitn mondinga' mongona'i Sio, kaitn monorima' ajaran inyo bondar mongona'i Yesus.

Yohanes 20:31

Apo somuo hal inyo ado di si'itn, ditulis oca' kaitn pocayo obai Yesus nam Rajo Inyo Dijanjian Allah, Rajo inyo disobut “Kristus”. Huatan oca' kaitn pocayo obai Yesus nam Ana' Allah. Agatn pocayo nantai, kaitn mondapat'an hidup bosatu agatn Sio.

Kisah Boko Rasul 19:2

Io botakutn ko sia', “Timpu kaitn monjadi pocayo, apobai kaitn udah monorima' Roh Allah?” Timbas sia', “Bolupm. Malah koi bolupm kalo mondinga' obai ado Roh Allah.”

Roma 1:5

Allah jam monunju'an koboi'an-Nyo ko aku. Ia'an Yesus momilih aku pakai' monjadi rasul inyo mowakili Sio. Sio moonji'i tugas ko aku pakai' mombimbikng boko urakng doi' somuo banso oca' sia' pocayo huatan taat ko Sio.

Yohanes 9:36

Kato io, “Sopo kironyo Sio? Tulukng ku bo Bopai padahan oca' ku pocayo ko Sio.”

Efesus 2:17

Kristus udah datakng momboritoan obai boko urakng ulih bodamai agi' agatn Allah. Sio momboritoan nantai ko kaitn boko urakng bukainyo Yahudi inyo jouh doi' Allah ongko ko sia'boko urakng Yahudi inyo dampikng.

Matius 20:7

Kato sia' ko io, ‘Obai nyiant ado urakng inyo moonji'i pokoroja'an ko koi.’ Katonyo ko sia', ‘Kaitn botula' bokorojo ja'am di kobutn anggurku.’