Roma 1:8 - Porjanjian Boharu Torjomahan Baso Dilakng Soari-ari

⁸ Potamo-tamo, aku moucap sukur ko Allah molalu'i Yesus Kristus pakai' kaitn somuo. Obai, urakng di mono-mono di soluruh dunia mondinga' obai kaitn pocayo ko Yesus.

Roma 1:8 ပူးပေါင်းရင်းမြစ်များ

Matius 24:14

Kabar Boi' mongona'i Koraja'an Allah paca'an diboritoan di soluruh dunia oca' somuo urakng mondinga'nyo. Lopas nian, hoyu' datakng ahir joman.”

Lukas 2:1

Timpu nantai Kaisar inyo bodamoan Agustus, rajo inyo kotakan bokuaso di Roma mongoluaran porintah, monyiuh mondaptaran boko urakng di soluruh korajaan-nyo.

Kisah Boko Rasul 11:28

Salah siku' doi' sia' bodamo Agabus. Timpu, io bodiritn dalapm potomuan boko urakng pocayo. Roh Allah ado momonuhi io. Ongko io boposatn mongona'i lapar-barau inyo paca'an tojadi di soluruh doerah Israel. (Lapar-barau nantai bondar-bondar tojadi watu Klaudius nantai monjadi Kaisar negara Roma).

Kisah Boko Rasul 28:22

Apo koi kalo mondinga' mongona'i kopocaya'an inyo kolai jumpati nantai. Banya' urakng di mono-mono bopandir molawatn kopocaya'an nantai. Jadi, koi honda' mondinga' lansukng doi' kolai mongona'i kopocaya'an kolai nantai.”

Roma 10:18

Apo ubo apo agatn urakng Yahudi? Kata'an sia' bolupm kalo mondinga' Kabar Boi' nantai ai? Pasti sia' udah mondinga'am nantai! Samo sama'an pomandiran ni'in inyo totulis di Buku Suci: “Boko monsio udah momboritoan ko soluruh dunia. Pomandiran sia' udah tosebar ko soluruh dunia.”

Roma 16:19

Somuo urakng udah mondinga' obai kaitn monaati Tuhatn. Jadi aku kotakng sonang obai kaitn! Apo aku honda' oca' kaitn pintar-corodi' mongotohu'i lapo inyo boi' ongko co bulah kojahatan.

Roma 6:17

Memang komai kaitn ia'an hulutn dosa. Apo, bosukurcam ko Allah, obai watu ni'in kaitn bondar-bondar udah monaati ajaran bondar inyo udah disampaian ko kaitn.

1 Korintus 1:4

Aku hala bosukur ko Allahku obai kaitn. Aku bosukur obai Allah udah monunju'an koboi'an ko kaitn molalu'i Kristus Yesus.

2 Korintus 2:14

Apo bosukur ko Allah! Sio moirikan koi dalapm pawai boko urakng inyo monang obai koi hidup di dalapm Kristus. Allah momakai koi pakai' monyampaian borito mongona'i Kristus di mono-mono, samo sama'an bou harupm.

Efesus 1:15

Obai nantai, doi' mulo aku mondinga' obai kaitn pocayo ko Tuhatn Yesus ongko kaitn mongasihi somuo umant husus umputn Allah,

Efesus 1:16

Aku co botongga' bosukur huatan bodoa pakai' kaitn.

Efesus 3:21

Topujiam Sio obai Sio mulia! Kohonda'nyo Allah dipuji obai Kristus Yesus ongko di dalapm boko urakng inyo pocayo ko Sio. Kohonda'nyo Allah dipuji turutn-tomurutn sampai somanah-manahnyo. Amin!

Efesus 5:20

Hala bosukur cam ko Allah Bopai kito pakai' somuo hal, bosukur cam ko Sio dalapm damo Tuhatn kito, Yesus Kristus.

Filipi 1:11

Hidup kaitn tajahan molimpah agatn porbuatan inyo bondar-bondar boi' inyo ongkah ulih dihasilan Yesus Kristus. Jadi Allah tajahan dipuji ongko dimuliaan.

Filipi 1:3

Sotiap kali aku moingant kaitn, aku moucap sukur ko Allahku.

Kolose 1:3

Sotiap kali koi bodoa pakai' kaitn, koi bosukur ko Allah. Sio nantai Bopai doi' Yesus Kristus, Tuhatn kito inyo bokuaso.

1 Tesalonika 1:2

Koi hala bosukur ko Allah pakai' kaitn somuo. Koi hala mondoa'an kaitn dalapm sotiap boko doa koi.

1 Tesalonika 2:13

Koi hala bosukur ko Allah obai timpu koi momboritoan Kabar Boi' ko kaitn, kaitn pocayo nantai bondar-bondar doi' Allah huatan bukainyo doi' pikiran monsio. Kopocaya'an kaitn nantai pan udah morubah caro hidup kaitn.

2 Tesalonika 1:3

Boko somadikan, koi bosukur ko Allah obai kaitn. Cucu' mo koi bosukur obai kaitn mongkitn kuat pocayo ko Yesus. Somuo kaitn pan mongkitn mongasihi siku'-monyiku'.

2 Timotius 1:3

Aku bosukur ko Allah inyo aku layati agatn hati nuraniku inyo suci, samo agatn inyo udah dilabuhan angki-bayatnku. Aku hala bodoa pakai' kolai siakng-malapm.

Filemon 1:4

Sotiap kali aku mondoa'an kolai, aku bosukur ko Allahku.

Ibrani 13:15

Obai nantai, mara am kito hala momuji Allah ongko bosukur ko Sio molalu'i Yesus. Nantai monjadi kurbatn inyo kito posombahan ko Sio nam, kokato doi' mulut kito inyo momuji damo-Nyo.

1 Petrus 2:5

Kaitn pan samo sama'an boko batu inyo hidup, ia'an boko batu inyo digunoan pakai' bulah Rumah Allah inyo Rohani. Sio momilih kaitn pakai' monjadi samo sama'an boko imam inyo husus pakai' molayati Sio. Jadi, kaitn gola' mombaba' boko poonju' pakai' monyombah Allah, ia'an boko posombahan rohani inyo monyonangan hati Allah obai Yesus Kristus.

1 Petrus 4:11

Aman ado urakng inyo dionji'i komampuan pakai' bopandir, io gola' bopandir monyampaian Pomandiran Allah. Aman ado urakng inyo dionji'i komampuan pakai' molayati urakng bukai, io gola' molayati agatn kokuatan inyo Allah onju' ko io. Pakaicam somuo komampuan kaitn oca' urakng bukai momuliaan Allah obai Yesus Kristus inyo bulah somuo nantai dapat tojadi. Sionam inyo mulia ongko bokuaso somanah-manahnyo. Amin!