Roma 1:5 - Porjanjian Boharu Torjomahan Baso Dilakng Soari-ari

⁵ Allah jam monunju'an koboi'an-Nyo ko aku. Ia'an Yesus momilih aku pakai' monjadi rasul inyo mowakili Sio. Sio moonji'i tugas ko aku pakai' mombimbikng boko urakng doi' somuo banso oca' sia' pocayo huatan taat ko Sio.

Roma 1:5 ပူးပေါင်းရင်းမြစ်များ

Yohanes 1:16

Obai Sio kotakng mongasihi kito, jadi kito hala monorima' borokat doi' Sio.

Kisah Boko Rasul 15:14

Simon Petrus udah mongisahan pongalapannyo komai. Io mongisahan caro Allah monunju'an koboi'an ko boko banso bukai. Allah momilih boko urakng doi' antaro sia' oca' monjadi umant-Nyo.

Kisah Boko Rasul 6:7

Kabar Boi' mongona'i Yesus torus diboritoan. Jumlah urakng inyo pocayo di Yerusalem mongkitn botambah banya'. Malahan banya' imam pocayo agatn Yesus jam.

Kisah Boko Rasul 9:15

Apo Tuhatn bopandir ko io, “Botula'cam, obai Aku udah momilih io. Io paca'an monjadi hulutn-Ku. Io paca'an momboritoan mongona'i Aku ko boko urakng inyo kinyo Yahudi. Io pan paca'an momboritoan ko boko rajo sia'. Io paca'an momboritoan ko boko urakng Yahudi jam.

Roma 12:3

Allah udah moonji'i kasih karunia-Nyo ko aku jadi aku bopandir ko kaitn somuo: jangan am kaitn moanggap diri kaitn lobih pontikng doi' inyo sobondarnyo. Honda'nyo kaitn monilai diri kaitn agatn rondah hati: masikng-masikng monilai dirinyo monurut komampuan inyo di onju' Allah ko io obai io pocayo ko Yesus.

Roma 16:26

Apo watu ni'in Allah inyo hidup kokal udah monyiuh oca' roncana-Nyo dipadahan, ia'an roncana-Nyo inyo udah ditulis dalapm boko buku nabi. Agatn ubo nantai, hajat Allah diboritoan ko somuo banso oca' sia' pocayo ongko monaati-Nyo.

Roma 3:29

Cubo bopikir: Apobai Allah ongkah Allah urakng Yahudi am? Samo sokali cado! Sio ia'an Allah boko banso bukai jam!

1 Korintus 15:10

Apo obai koboi'an hati Allah, Sio udah bulah aku monjadi sama'an watu ni'in. Koboi'an hati inyo Allah udah labuhan nantai kinyo bopasal. Malahan, aku bokorojo koras momboritoan Kabar Boi', lobih koras daripado somuo rasul inyo bukai. Apo sobondarnyo aku kinyo molabuhan nantai agatn kokuatan siku'. Aku mampu molabuhan nantai bayo obai koboi'an hati Allah monyoroto'i aku.

1 Korintus 9:2

Mungkitn ado urakng bukai inyo kinyo moaku'i aku sobagai rasul. Apo pasti kaitn moaku'i aku sobagai rasul. Obai, hidup kaitn di dalapm Tuhatn ia'an buti aku ni'inam rasul.

Efesus 1:12

Biar am koi, inyo mulo-mulo boharap ko Kristus, momuji Allah obai komulia'an-Nyo.

Efesus 1:6

Sio molabuhan nantai oca' kito momuji kasih karunia-Nyo inyo Sio tunju'an ko kito, ia'an molalu'i la'apo inyo dilabuhan ulih Ana'-Nyo inyo dikasihi-Nyo.

Ibrani 5:9

Agatn caro nantai, Sio monjadi Ponyolamant inyo sompurna. Jadi, Sio ulih moonji'i kohidupan kokal ko somuo urakng inyo taat ko Sio.