Roma 1:30 - Porjanjian Boharu Torjomahan Baso Dilakng Soari-ari

³⁰ Sia' mongisahan kisah tumbukan huatan mohayam urakng bukai. Sia' mombonci' Allah. Sia' congkit, congkak, huatan buhau. Sia' pandai moncari' caro boharu pakai' bulah kojahatan. Sia' kinyo taat ko urakng tuho,

Roma 1:30 ပူးပေါင်းရင်းမြစ်များ

2 Timotius 3:2

Boko urakng paca'an mondoholuan kohonda' diri sia' siku'. Sia' paca'an kaha'-kolobu' agatn duit. Sia' paca'an buhau, hala moninggian diri, hala mohayam urakng bukai, hala co monaati urakng tuho sia'. Sia' co tohu botorima' kasih, co honda' hidup mohormati Allah.

Yudas 1:16

Boko urakng nantai ongkah botuta', gala' moncari-cari kosalahan urakng. Sia' dikuaso'i kohonda' bukakng inyo jahat. Sia' buhau momuji diri. Apo sia' pan momuji-muji urakng bukai oca' bodapat kountukan pakai' diri sia' siku'.

2 Petrus 2:18

Obai, sia' mongajar agatn pomandiran solah-olah sia' kotakan pintar, apo sobondarnyo pomandiran sia' conyiant gunonyo. Agatn caro nantai, sia' mompongaruhi boko urakng pakai' moikuti hawa napsu inyo jahat, ia'an boko urakng inyo hoyu' pan koluar doi' kobiasa'an boko urakng inyo hidup agatn caro inyo salah.

Yakobus 4:16

Apo kaitn buhau huatan mombulah hajat kinyo bopikir mongona'i kohonda' Tuhatn. Somuo kobuhauan sama'an nantai jahat.

Yakobus 3:5

Lidah kito kocit sama'an nantai jam. Apo kito momakai lidah pakai' monyombokan diri mongona'i boko hal bosar inyo kito labuhan. Porotiannam sotitik api. Api inyo kocit ulih moloburan hutatn inyo bosar.

Titus 3:3

Komai sobolupm kito pocayo kito co tohu jam caro hidup inyo boi' sama'an sia'. Kito co taat jam agatn Allah. Kito dikotumbuki boko hal inyo jahat. Kohonda' ongko kosonangan di dunia ni'in monguaso'i kito. Kito hala bulah kojahatan ongko hala tungi agatn urakng bukai. Kito bonci' agatn urakng bukai ongko urakng bukai pan bonci' agatn kito.

2 Tesalonika 2:4

Apo sobolupm io dibonasoan, io paca'an molawatn somuo hal inyo monsio anggap sobagai allah huatan somuo hal inyo disombah monsio. Io paca'an momandiran obai io lobih bokuaso doi' somuo allah nantai. Malahan, io paca'an mansu' ko dalapm Rumah Allah. Io paca'an dudu' di santai ongko moaku'i obai io nantai Allah.

2 Korintus 10:15

Koi co momuji diri agatn polayatan inyo urakng bukai labuhan di luar batas inyo Allah tontuan pakai' koi. Apo, koi momuji mongona'i polayatan koi di antaro kaitn. Polayatan nantai ija' dalapm batas inyo Allah tontuan pakai' koi. Koi boharap obai kaitn mongkitn kuat pocayo ko Kristus. Ongko obai nantai, kaitn paca'an lobih mohormati koi.

Roma 3:27

Aman sama'an nian, apobai monsio ulih moninggian diri obai io monjadi bondar di hadapan Allah obai porbuatannyo siku'? Samo sokali cado! Sobab, nantai tojadi bukai obai porbuatannyo siku', apo obai io pocayo ko Yesus.

Roma 2:23

Kaitn bangga obai kaitn mondapat Hukupm Torat. Apo kaitn siku' mohayam Allah agatn molanggar Hukupm Torat nantai!

Roma 2:17

Sama'an apo agatn kaitn? Kaitn bangga monyobut diri kaitn urakng Yahudi. Kaitn bopikir kaitn paca'an disolamant'an obai kaitn mondapat Hukupm Torat. Kaitn momuji diri obai kaitn banso inyo dipilih Allah.

Kisah Boko Rasul 5:36

Obai komai ado urakng inyo bodamo Teudas. Io mongaku' dirinyo siku' sobagai pomimpitn. Ompat ratus urakng monjadi pongikutnyo. Apo io dibunuh, ongko somuo pongikutnyo topisah-pisah. Jadi, pogota'annyo co nyiant pasalnyo.

Lukas 21:16

Obai kaitn nantai murid-Ku, somuo urakng tajahan bonci'an kaitn. Lalu pan kaitn tajahan dihianati ulih boko urakng tuho, boko somadikan dalapm nyao, suku-pomili, boko pokawalan. Ado jam boboropo urakng di antaro kaitn inyo tajahan dibunuh.

Matius 16:21

Mula'i doi' watu nantai, Yesus monjolasan ko boko murid-Nyo obai Sio gola' botula' ko Yerusalem. Boko pomimpitn banso Yahudi, boko imam kopala', huatan boko guru agama Yahudi paca'an bulah Sio ajab sonsaro. Sio paca'an dibunuh apo Allah paca'an bulah Sio bobali' hidup timpu ari kotigo.

Matius 15:4

Obai Allah bopandir, ‘Hormati indai Bopai kaitn.’ Allah pan bopandir, ‘Urakng inyo mohayam indai bopainyo gola' dihukupm mati.’

Yohanes 7:7

Boko urakng di dunia conyiant alasan pakai' bonci'an kaitn. Apo dunia bonci'an Aku obai Aku hala momadahannyo ko sia' obai porbuatannyo jahat.

2 Korintus 12:20

Obai aku bogonang watu ku datakng nononyo, kolaku'an kaitn kinyo boi' sama'an inyo ku kohonda'i. Ubo nian jam, aku gola' monogur kaitn, tindakanku kinyo samo agatn kohonda' kaitn. Aku kuatir kaitn hala botikakng-bokolohi, tungi, ponggodian, molajuan kohonda' diri siku', monjahai'an urakng bukai, mohahadu, buhau, bulah kokacauan.