Roma 1:3 - Porjanjian Boharu Torjomahan Baso Dilakng Soari-ari

^3-4 Kabar Boi' nantai mongona'i Ana'-Nyo, ia'an Yesus Kristus, Tuhatn inyo bokuaso dipucu' kito. Yesus dilahiran socaro monsio sobagai koturutan Rajo Daud. Apo, Yesus jam ia'an Urakng Inyo Kudus doi' Allah. Obai, timpu watu Sio bobali' hidup doi' komatian, Allah monunju'an obai Yesus ia'an Ana'-Nyo inyo bokuaso.

Roma 1:3 ပူးပေါင်းရင်းမြစ်များ

Matius 1:1

Ni'innam koturutan angki-bayatn Yesus, Rajo Inyo Dijanjian Allah, Rajo inyo kito sobut ‘Kristus’. Yesus nantai koturutan Rajo Daud, huatan koturutan Abrahapm jam. Koturutannyo ia'an:

Matius 1:16

Yakub boana'an Yusuf. Yusuf nantai laki Maria inyo boana'an Yesus, Rajo Inyo Dijanjian Allah, Rajo inyo disobut ‘Kristus’.

Matius 1:6

Isai boana'an Rajo Daud. Daud boana'an Salomo. (Indai Salomo ia'an Batsyeba, botina' inyo jadian agatn Uria sobolupm jadian agatn Daud.)

Matius 12:23

Ongko, banya' urakng di santai monjadi hiratn. Kato sia', “Mungkitn Yesus ni'in ia'an Rajo doi' koturutan Daud!”

Matius 15:22

Siku' botina' doi' doerah nantai datakng ko Yesus. Botina' nantai doi' banso Kanaan. Sio moningkau, “Tuhatn, Rajo doi' koturutan Daud. Kasihicam aku! Ana' botina' ku dirasu'i roh jahat. Io kotakan podih jorih.”

Matius 26:63

Apo Yesus bodiapm mo. Lalu Imam Agukng nantai botakutn agi', “Demi Allah inyo hidup, aku monyiuh Duatn pakai' monimbas koi. Kata'an Duatn Rajo inyo Dijanjian Allah inyo kito sobut ‘Mesias’? Kata'an Duatn Ana' Allah ai?”

Matius 27:43

Sio pocayo ko Allah. Sio kalo bopandir obai Sio nam Ana' Allah. Jadi, aman Allah bondar-bondar sonang agatn Sio, biaram Allah monyolamant'an-Nyo watu ni'in!”

Matius 3:17

Lalu todinga' saro Allah doi' sorugo mongatoan, “Ninam Ana'-Ku inyo Ku kasihi. Io monyonangan hati-Ku.”

Matius 9:27

Lopas Yesus botula' doi' santai, ado duo urakng buto mombodapan Sio. Sia' mondongkakng-mondorah, “Yesus, Rajo doi' koturutan Daud! Kasihicam koi!”

Lukas 1:35

Timbas Molekat nantai ko Maria: “Roh Allah tajahan datakng ko kolai. Kuaso Allah molinduki kolai. Obai nian, Ana' inyo kolai lahiran nantai disobut Kudus, Ana' Allah.

Lukas 1:69

Allah moonju' ko banso Israel sikuꞌ Ponyolamant inyo bokuaso doi' koturutan Rajo Daud, hulutn-Nyo.

Yohanes 1:14

Pandir Allah nantai udah monjadi siku' monsio. Sio diapm di antaro kito. Huatan kito udah moniant komulia'an-Nyo. Ia'an, komulia'an-Nyo sobagai Ana' tunggal doi' Allah Bopai. Sio monunju'an ko kito somuo koboi'an Allah huatan somuo inyo bondar mongona'i Allah.

Yohanes 1:34

Huatan watu ni'in, aku udah moniant nantai tojadi. Aku moonji'i kosasian, ‘Urakng ninam Ana' Allah!’ ”

Yohanes 1:49

Kato Natanael ko Sio, “Wah, Guru! Pasti, Duatn ninam Ana' Allah! Duatn ninam Rajo urakng Israel!”

Yohanes 10:30

Aku huatan Bopai-Ku siku'mo.”

Yohanes 10:36

hibo kaitn mongatoan Aku mohayam Allah aman Aku mongatoan Aku ninam Ana' Allah? Obai, Allah Bopai-Ku momilih Aku huatan moutus Aku ko dunia.

Yohanes 20:28

Kato Tomas ko Sio, “Duatn nam Tuhatn huatan Allah-ku!”

Yohanes 20:31

Apo somuo hal inyo ado di si'itn, ditulis oca' kaitn pocayo obai Yesus nam Rajo Inyo Dijanjian Allah, Rajo inyo disobut “Kristus”. Huatan oca' kaitn pocayo obai Yesus nam Ana' Allah. Agatn pocayo nantai, kaitn mondapat'an hidup bosatu agatn Sio.

Yohanes 5:25

Pondinga'ancam bobondar inyo Ku pandiran ni'in: Tajahan datakng watunyo malahan udah datakam watunyo boko urakng mati paca'an mondinga' saro Ana' Allah. Sia' inyo mondinga'annyo paca'an hidup.

Yohanes 7:42

Buku Suci mongatoan obai Kristus nantai koturutan Rajo Daud. Buku Suci pan mongatoan obai Kristus boasal doi' laman Betlehem, kampukng laman Daud.”

Kisah Boko Rasul 2:30

Apo io nantai nabi. Io udah mongotohu'i la'apo inyo paca'an tojadi. Io ado janji doi' Allah. Janji nantai kuat bondar. Ni'innam janji-Nyo: siku' urakng doi' koturutan Daud paca'an monjadi rajo. Rajo nantai paca'an momorintah umant Allah.

Kisah Boko Rasul 3:13

Urakng inyo kaitn tiat huatan udah kaitn konal ni'in nyamanam agatn kuaso Yesus. Io nyamanam obai io huatan koi samo-samo pocayo ko kuaso Yesus. Allah udah bulah Yesus sangant tohormat. Yesus nantai Hulutn Allah, Allah inyo disombah angki-bayatn kito Abrahapm, Ishak ongko Yakub. Apo kaitn mombaba' Yesus ko gubernur Pilatus oca' Sio dihukupm mati. Pilatus nantai udah momotusan pakai' mombebasan Sio. Apo kaitn monula' Sio ongko minto oca' Pilatus mombebasan siku' urakng pombunuh pakai' kaitn daripado mombebasan Yesus. Sio nantai Inyo Suci huatan Inyo Bondar. Jadi, sobondarnyo kaitn mombunuh Sio inyo Puku' hidup. Apo Allah udah bulah Sio hidup agi' doi' komatian. Koi duo udah tohu hal nantai bondar obai koi tiat agatn mato kopala' koi siku'.

Kisah Boko Rasul 8:36

Dalapm pojalatan, sia' molalu'i tompat inyo ado ara'i. Pojabat nantai bopandir, “Tiat, di si'itn ado ara'i. Tulukng duatn mombaptis aku.” [

Kisah Boko Rasul 9:20

Lopas jadi io ulih moniant agi' huatan monjadi kuat agi', io lansukng botula' ko boko rumah sombayakng urakng agama Yahudi. Io momboritoan obai Yesus nantai Ana' Allah.

Roma 1:9

Allah ia'an sasiku obai aku hala moingant kaitn dalapm doaku. Sionam Allah inyo aku layati agatn soponuh hati pakai' momboritoan Kabar Boi' mongona'i Ana'-Nyo.

Roma 4:1

Jadi, apo inyo ulih kito pandiran mongona'i Abrahapm, angki-bayatn kito? Sama'an apo caronyo io monjadi bondar di hadapan Allah?

Roma 9:3

obai banya' urakng Yahudi co honda' pocayo ko Kristus. Malahan aku rela tokutu', topisah doi' Kristus soandainyo hal nantai mombulah sia' monjadi solamant. Obai sia' nam boko somadikanku siku', sosamo banso Israel.

Roma 9:5

Sia' nam koturutan Abrahapm, Ishak ongko Yakub, pombopaian angki-bayatn sia'. Pas Kristus monjadi monsio, Sio lahir sobagai koturutan urakng Israel jam. Sio bokuaso di pucu' la'apo pan. Sio nam Allah inyo cucu' dipuji somanahnyo. Amin!

1 Korintus 1:9

Allah hala sotia momonuhi janji-Nyo. Sio inyo udah moningkau kaitn pakai' bosokutu agatn Ana'-Nyo, ia'an Yesus Kristus, Tuhatn inyo bokuaso atas kito.

1 Korintus 10:18

Porotian jam caro urakng Israel monyombah Allah. Sia' mombaba' boko bonatakng pakai' diposombahan di pucu' meja tompat monyorahan posombahan ko Allah di tongahlamanan Rumah Allah. Timpu sia' bopua' dagikng boko bonatakng nantai, rotinyo sia' pan tuyut monyombah Allah.

Galatia 4:4

Apo topat watu inyo ditontuan Allah, Sio moutus Ana'-Nyo, ko dunia ni'in inyo lahir doi' siku' urakng botina'. Yesus monaati somuo porintah ongko poraturan Allah inyo ditulis Musa dalapm buku Hukupm Torat.

1 Tesalonika 1:10

Sia' pan mongisahan obai kaitn monanti watu Ana' Allah paca'an datakng agi' ko dunia ni'in doi' sorugo. Ia'an, Yesus inyo udah Allah hidupan agi' doi' komatian. Yesus nantaiam inyo monyolamant'an kito doi' hukupan Allah inyo paca'an datakng.

1 Timotius 2:5

Obai, bayo siku' Allah inyo bondar. Bayo siku' Porontaro antaro Allah agatn somuo monsio, ia'an Kristus Yesus.

1 Timotius 3:16

Sobondarnyo la'apo inyo tosimpatn dalapm kopocaya'an kito kotakan luar biaso! Boko hal nantai monunju'an caro hidup inyo monyonangan Allah. Boko hal nantai ia'an: “Yesus moniant'an diri-Nyo dalapm rupo monsio. Roh Allah monyatoan obai inyo dilabuhan Yesus bondar. Yesus monyatoan diri-Nyo ko boko molekat. Boko urakng momboritoan mongona'i Yesus ko somuo banso. Boko urakng di soluruh dunia monjadi pocayo ko Yesus. Allah bulah Yesus noi' ko sorugo dalapm komulia'an.”

2 Timotius 2:8

Kabar Boi' inyo aku boritoan ia'an mongona'i Yesus Kristus, koturutan Rajo Daud. Sionam Kristus inyo udah bobali' hidup doi' komatian.

1 Yohanes 1:3

Koi momboritoan ko kaitn mongona'i somuo inyo koi tiat huatan inyo koi dinga', oca' kaitn paca'an bosatu hati agatn koi. Kosatuan inyo koi pulah ia'an koi bosatu agatn Allah Bopai huatan agatn Ana'-Nyo, Yesus Kristus.

1 Yohanes 3:23

Ninam porintah-Nyo: Kito gola' pocayo agatn damo Ana'-Nyo, ia'an Yesus Kristus. Huatan kito gola' hala mongasihi sosuai agatn porintah inyo Sio onju' ko kito.

1 Yohanes 3:8

Apo urakng inyo totap bulah dosa, rotinyo io ia'an ana' Rajo Sitatn. Nantai udah jolas obai Rajo Sitatn hala bulah dosa doi' sobolupm dunia dipulah. Nantaiam alasan Ana' Allah udah datakng ko dunia, ia'an oca' Sio monongga'an pokoroja'an Rajo Sitatn.

1 Yohanes 4:15

Urakng inyo mongaku'i Yesus nam Ana' Allah, jadi Allah bosatu agatn urakng nantai huatan urakng nantai hidup bosatu agatn Allah.

1 Yohanes 5:1

Urakng inyo pocayo obai Yesus nam Kristus, Rajo Inyo Dijanjian Allah, urakng nantai am ana' Allah. Urakng inyo mongasihi Allah Bopai, mongasihi poana'an Allah jam.

1 Yohanes 5:20

Kito tohu obai Ana' Allah udah datakng ko dunia ni'in. Sio udah moonji'i pongorotian ko kito oca' kito mongonal Allah inyo bondar. Kito hidup bosatu agatn Allah inyo bondar. Kito pan gola' hidup bosatu agatn Ana'Nyo, Yesus Kristus. Sio nianam Allah inyo bondar. Sio nianam inyo moonji'i kohidupan kokal.

1 Yohanes 5:5

Sopo pan inyo ulih mongalahan dunia? Ongkah urakng inyo pocayo am obai Yesus nam Ana' Allah.

2 Yohanes 1:7

Aku momadahan somuonyo nantai obai, di mono-mono di dunia ni'in udah ado banya' boko urakng inyo moajaran boko hal inyo salah. Sia' co pocayo obai Yesus Kristus udah datakam ko dunia ni'in monjadi monsio. Urakng ubo nantaiam musuh Kristus inyo hala monyosat'an monsio.

Wahyu 2:18

“Tuliscam pomandiran ni'in ko molekat inyo monjago jomaat di Tiatira: Pomandiran ni'in doi' ana' Allah, inyo mato-Nyo sama'an api huatan kaki-Nyo sama'an tombago