Roma 1:28 - Porjanjian Boharu Torjomahan Baso Dilakng Soari-ari

²⁸ Obai sia' co mooso pontikng mongonal Allah, jadi Allah mombiaran pikiran sia' monjadi rusa'. Jadi, sia' molabuhan boko hal inyo soharusnyo kinyo pantas sia' labuhan.

Roma 1:28 ပူးပေါင်းရင်းမြစ်များ

Kisah Boko Rasul 17:23

Aku udah bojojalatn di kota ni'in. Aku moniant banya' tompat monyombah boko duato kaitn. Ado sobuti' mesbah tompat molota'an posombahan jam agatn tulisan ni'in: ‘Pakai' monyombah duato inyo bolupm dikonal.’ Kaitn bolupm mongonal Sio, apo totap monyombah Sio. Aku moajaran mongona'i Sio nantai.

Kisah Boko Rasul 17:32

Timpu boko urakng nantai mondinga' Paulus bopandir obai ado Urakng inyo kalo bobali' hidup doi' komatian, ado di antaro sia' inyo boulu'an Paulus. Apo inyo bukai bopandir, “Hobu'-luso cam, koi mondinga'an kolai bopandir agi' mongona'i hal ni'in.”

Roma 1:18

Apo doi' sorugo Allah monunju'an ponggodi-Nyo pakai' somuo urakng inyo bodosa huatan bulah kojahatan. Obai, kojahatan nantai mohalaki monsio mongonal ajaran inyo bondar.

Roma 1:21

Sia' mongotohu'i mongona'i Allah, apo sia' kinyo momuliaan Sio sobagai Allah. Sia' pan co moucap sukur ko Sio. Sobali'nyo, pomikiran sia' monjadi pocumo. Hati sia' inyo budu monjadi potakng sampai kinyo ulih mongoroti mongona'i Allah.

Roma 1:24

Obai nantaiam, Allah mombiaran sia' dikuaso'i boko kohonda' hati sia' pakai' molabuhan inyo kotor. Jadi, sia' hala molabuhan boko hal inyo momaluan agatn bukakng sia'.

Roma 1:26

Obai nantai, Allah mombiaran sia' dikuaso'i ulih boko kohonda' bukakng sia' inyo momaluan. Sia' inyo botina' kinyo bosotubuh agatn lolaki sama'an inyo wajar, apo sia' bosotubuh agatn botina' bukai.

1 Korintus 15:34

Jadi, kaitn gola' bopikir agi' agatn boboi'. Jangan hala bulah dosa! Aku mongatoan nantai obai ado di antaro kaitn inyo kinyo bondar-bondar mongonal Allah. Aku honda' oca' kaitn mooso malu mongona'i nantai.

2 Korintus 10:5

Musuh koi mombaba' ajaran inyo salah. Apo, koi mongalahan somuo nantai. Urakng inyo buhau bulah pagar inyo kotakan tinggi inyo mohalaki monsio mongonal Allah. Apo koi morobahan somuo nantai. Urakng ado pikiraninyo kinyo boi'. Apo, koi monangkap somuo pikiran nantai ongko mongajar oca' monsio monaati Kristus.

Efesus 5:4

Jangan momakai kato-pandir kinyo boi', kato-pandir inyo kinyo boguno, kato-pandir jahat. Boko hal nantai kinyo cucu' jam. Sobali'nyo, kaitn gola' moucap sukur ko Allah.

2 Tesalonika 1:8

Sio paca'an mohukupm sia' inyo co honda' mongonal Allah, sia' co honda' pocayo Kabar Boi' mongona'i Yesus, Tuhatn kito.

2 Timotius 3:8

Boko urakng nantai bisi pikiran inyo jahat huatan udah co pocayo agi'. Sia' molawatn ajaran inyo bondar, samo sama'an Yanes ongko Yambres molawatn Musa.

Titus 1:16

Sia' mongatoan obai sia' mongonal Allah. Apo porbuatan sia' monunju'an obai sia' kinyo mongonal Allah. Allah campah agatn sia'. Sia' kinyo taat ko Sio. Sia' kinyo mampu molabuhan la'apo pan inyo boi'.

Filemon 1:8

Obai nantai, sobagai somadikan inyo sosamo pocayo di dalapm Kristus aku ulih momorintah kolai molabuhan la'apo pan, inyo gola' kolai labuhan,

2 Petrus 3:5

Agatn songajo, sia' kinyo honda' tohu boko hal ni'in: ia'an obai komai Allah mombulah langit huatan bumi agatn Pomandiran-Nyo aja'. Sio mombulah bumi doi' ara'i huatan agatn ara'i.