Roma 1:16 - Porjanjian Boharu Torjomahan Baso Dilakng Soari-ari

¹⁶ Aku co malu momboritoan Kabar Boi' nantai obai Kabar Boi' ia'an kuaso Allah pakai' monyolamant'an somuo urakng inyo pocayo, potamo-tamo urakng Yahudi, apo jam urakng bukainyo Yahudi.

Roma 1:16 ပူးပေါင်းရင်းမြစ်များ

Markus 8:38

Biar pan kaitn hidup di joman boko urakng inyo bodosa huatan kinyo sotia ni'in, jangan am kaitn malu tuyut Ku ongko pomandiran-Ku. Sotiap urakng inyo malu tuyut Ku, nononyo Ana' Monsio paca'an monula' io jam watu Io datakng bobali' agi' doi' sorugo. Timpu nantai, Io paca'an datakng agatn somuo kuaso Bopai-Nyo bosamo agatn boko molekat Allah.”

Lukas 9:26

Samo jam urakng inyo malu tuyut Aku huatan pongajaran-Ku. Ana' Monsio paca'an monula' urakng nantai watu Io datakng bobali' doi' sorugo agatn bisi kuaso Allah Bopai. Io bobali' doi' sorugo diiriki boko molekat suci.

Yohanes 7:35

Obai nantai, boko pomimpitn agama Yahudi bopandir ko siku'-monyiku', “Sio ni'in honda' botula' ko mono jadi kito culih monomuan Sio? Kata'an Sio honda' botula' ko boko urakng Yahudi inyo diapm di porantauan kironyo, di antaro urakng Yunani, lalu mongajar urakng Yunani?

Kisah Boko Rasul 3:26

Apo Allah moutus Yesus pakai' monjadi Hulutn-Nyo ko kito banso Yahudi tolobih doholu. Allah udah bulah Sio hidup agi' doi' komatian oca' kito diborokati. Ninam caronyo Allah momborokati kito, ia'an agatn monulukng kito oca' kito masikng-masikng botongga' bulah dosa ongko monaati Sio.”

Roma 10:17

Jadi, kosimpulannyo, monsio monjadi pocayo obai sia' mondinga' Kabar Boi'. Ongko sia' mondinga' kabar nantai obai ado monsio inyo momboritoan mongona'i Kristus.

Roma 15:19

Sio pan momakai bomacapm mujisat ongko kuaso Roh Allah. Ubo nianam caronyo aku momboritoan soluruh Kabar Boi' mongona'i Kristus doi' kota Yerusalem sampai ko doerah Ilirikum.

Roma 15:29

Aku tohu timpu aku datakng monjongu' kaitn, aku tajahan mombaba' banya' borokat doi' Kristus pakai' kaitn.

Roma 2:9

Somuo urakng inyo bulah kojahatan paca'an sonsaro huatan mondorita', potamo-tamo urakng Yahudi, huatan jam urakng bukai Yahudi.

Roma 4:11

Sunant nantai ia'an tando inyo mombutian obai io udah monjadi bondar obai io pocayo. Io monjadi bondar di hadapan Allah sobolupm io disunant. Sama'an nian jam, Abrahapm ulih dianggap monjadi angki-bayatn somuo urakng bukai Yahudi inyo pocayo, biar pan sia' kinyo bosunant. Samo sama'an Abrahapm, sia' monjadi bondar obai sia' pocayo.

1 Korintus 15:2

Aman kaitn totap somombondarannyo pocayo Kabar Boi' inyo udah aku boritoan ko kaitn, ongko kaitn paca'an disolamant'an. Apo aman kaitn co pocayo somuo Kabar Boi' nantai tomansu' mongona'i komatian Yesus huatan Yesus bobali' hidup doi' komatian, boroti co nyiant pasalnyo kaitn pocayo tontainyo.

1 Korintus 2:2

Obai, aku jadi bulah koputusan bayo pakai' momboritoan mongona'i Yesus. Ia'an pan aku momboritoan obai Yesus ia'an Rajo Inyo Dijanjian Allah inyo disobut Kristus, huatan Sio mati di kayu salib. Aku co honda' momboritoan ko kaitn mongona'i boko hal inyo bukai.

1 Korintus 2:4

Watu aku momboritoan Kabar Boi', aku kinyo momakai kopintar-corodi'an monsio pakai' moyakit'an kaitn oca' monjadi urakng pocayo. Apo aku momboritoan agatn caro inyo monunju'an obai Roh Allah bokuaso.

1 Korintus 9:12

Aman urakng bukai bohak mondapat'an kopontikan hidup nantai doi' kaitn, sobondarnyo koi lobih bohak agi' mondapat'an kopontikan hidup nantai doi' kaitn. Apo koi co kalo monuntut hak nantai. Koi totap monanggukng la'apo pan. Obai, koi co honda' bulah sosuatu inyo ulih mohalaki urakng mondinga' Kabar Boi' mongona'i Kristus.

1 Korintus 9:18

Jadi, la'apo upahku? Upahku ia'an aku dionji'i kosompatan pakai' momboritoan Kabar Boi' biar pan co nyiant bayaran! Nantaiam alasanku kinyo monuntut hakku pakai' mondapat'an kopontikan hidup doi' pokoroja'an nantai.

2 Korintus 2:12

Timpu aku ko kota Troas pakai' momboritoan Kabar Boi' mongona'i Kristus, Tuhatn udah monunju'an jalatn pakai' molayati Sio di su'utan.

2 Korintus 4:4

ia'an boko urakng inyo kinyo honda' pocayo. Rajo Sitatn, inyo monguaso'i dunia ni'in, udah bulah sia' co mongoroti. Io bulah mato hati sia' monjadi buto oca' sia' co moniant cohayo, ia'an Kabar Boi' mongona'i Kristus inyo mulia, Kristus inyo nianam samo agatn rupo Allah.

2 Korintus 9:13

Doi' polayatan inyo kaitn labuhan nantai. Sia' tajahan momuji Allah obai kotaatan kaitn tohadap kabar boi' mongona'i Kristus inyo udah kaitn jumpati. Sia' pan paca'an momuji Allah obai kaitn agatn sonang hati moonju' sumbakan ko sia' ongko ko somuo urakng.

Galatia 1:7

Apo nantai bukai Kabar Boi' inyo bondar! Boko urakng inyo moajaran nantai honda' morubah Kabar Boi' mongona'i Yesus Kristus, ia'an Rajo Inyo Dijanjian Allah. Sia' moncubo monggonti'i Kabar Boi' inyo bondar nantai agatn kabar inyo salah. Jadi, sia' bulah kaitn monjadi kacau.

1 Tesalonika 2:13

Koi hala bosukur ko Allah obai timpu koi momboritoan Kabar Boi' ko kaitn, kaitn pocayo nantai bondar-bondar doi' Allah huatan bukainyo doi' pikiran monsio. Kopocaya'an kaitn nantai pan udah morubah caro hidup kaitn.

1 Timotius 1:11

Ajaran inyo bondar nantai sosuai agatn Kabar Boi' doi' Allah inyo bokuaso huatan cucu' mondapat pujian. Sio inyo moonju' tanggukng-jawab ko aku pakai' momboritoan Kabar Boi' nantai.

2 Timotius 1:12

Niannam obainyo aku moalapi somuo ajab sonsaro ni'in. Apo aku co malu obai aku udah tohu sopo Yesus sobondarnyo. Aku pocayo ko Sio. Aku udah monyorahan polayatan ni'in ko Sio. Aku yakitn Sio paca'an monjago oca' polayatanku kinyo balakng. Sio paca'an monjago polayatanku sampai ari Sio bobali' agi' ko dunia ni'in.

2 Timotius 1:16

Apo Onesiforus kinyo malu obai aku ditahatn dalapm ponjara. Watu io ado di kota Roma ni'in, io bousaha koras pakai' monggoyapi aku. Lopas udah monomuan aku, io opat datakng mongkongkanti'i aku. Kolai udah tohu io opat jam molayati di kota Efesus. Obai nantai, aku bodoa oca' Tuhatn monunju'an kasih-Nyo ko io pado ari Tuhatn mohakipi somuo urakng huatan monunju'an kasih ko somuo urakng inyo monotap dalapm rumahnyo.

2 Timotius 1:8

Jadi, jangan malu momboritoan mongona'i Tuhatn kito. Jangan malu mongona'i aku inyo dimansu'an ko dalapm ponjara obai molayati Sio. Apo, agatn kokuatan doi' Allah, tuyutcam ajab sonsaro obai pomboritoan Kabar Boi' nantai.

Ibrani 4:12

Obai, Pomandiran Allah ia'an pomandiran inyo hidup huatan bokuaso, lobih tajapm doi' podakng bomato duo. Samo sama'an podakng inyo ulih monuhu' monyongkayoan boko posigalan huatan sunsutn, sama'an nian jam pomandiran Allah ulih monuhu' kotakng dalapm huatan monyongkayoan jiwa ongko roh. Pomandiran Allah ulih momoriso pikiran ongko hajat hati kito.

1 Petrus 4:16

Apo, aman kaitn mondorita' obai kaitn urakng Kristen, jangan kaitn malu mongona'i nantai apo momuliaan Allah ja'am.