Roma 1:14 - Porjanjian Boharu Torjomahan Baso Dilakng Soari-ari

¹⁴ Aku mooso wajib molayati somuo urakng, ia'an urakng Yunani damo urakng doi' boko banso inyo bukainyo Yunani, urakng inyo bopondidikan damo urakng inyo co bopondidikan.

Roma 1:14 ပူးပေါင်းရင်းမြစ်များ

Kolose 3:11

Dalapm hidup boharu ni'in, bukai-mombukai antaro urakng kinyo pontikng, contohnyo antaro urakng Yahudi agatn urakng inyo bukainyo urakng Yahudi, antaro urakng bosunant agatn urakng inyo kinyo bosunant, antaro urakng doi' banso Barbar inyo co dikonal agatn urakng doi' banso Skit inyo dorako, antaro hulutn agatn urakng bebas. Apo inyo palikng pontikng ia'an Kristus. Sio ado di dalapm boko urakng inyo pocayo.

Kisah Boko Rasul 9:15

Apo Tuhatn bopandir ko io, “Botula'cam, obai Aku udah momilih io. Io paca'an monjadi hulutn-Ku. Io paca'an momboritoan mongona'i Aku ko boko urakng inyo kinyo Yahudi. Io pan paca'an momboritoan ko boko rajo sia'. Io paca'an momboritoan ko boko urakng Yahudi jam.

Kisah Boko Rasul 22:21

Apo Tuhatn bopandir ko aku, ‘Botula'cam! Obai Aku paca'an moutus kolai ko boko tompat inyo jouh doi' si'itn. Kolai gola' momboritoan mongona'i Aku ko boko banso urakng inyo bukai Yahudi.’ ”

Roma 12:16

Hidupcam dalapm kosatuan. Jangan buhau apo bokawalcam agatn boko urakng inyo dianggap co pontikng. Jangannam bopikir kaitn udah mongotohu'i la'apo pan.

2 Korintus 11:19

Samo sama'an kaitn siap monorima' boko urakng inyo budu nantai. Timpu kaitn monorima' sia', kaitn bopikir kaitn kotakan bijaksana.

Roma 16:19

Somuo urakng udah mondinga' obai kaitn monaati Tuhatn. Jadi aku kotakng sonang obai kaitn! Apo aku honda' oca' kaitn pintar-corodi' mongotohu'i lapo inyo boi' ongko co bulah kojahatan.

Roma 13:8

Janganam kaitn bohutakng la'apo pan ko sopo pan. Apo kaitn gola' hala mongasihi. Obai, urakng inyo mongasihi urakng bukai udah momonuhi somuo Hukupm Torat.

Roma 8:12

Jadi, boko somadikan, kito gola' hidup monuruti Roh Allah, kinyo monuruti kohonda' monsio.

Roma 1:22

Sia' bopikir diri sia' ponuh hikmat, apo sobondarnyo sia' budu.

Titus 3:3

Komai sobolupm kito pocayo kito co tohu jam caro hidup inyo boi' sama'an sia'. Kito co taat jam agatn Allah. Kito dikotumbuki boko hal inyo jahat. Kohonda' ongko kosonangan di dunia ni'in monguaso'i kito. Kito hala bulah kojahatan ongko hala tungi agatn urakng bukai. Kito bonci' agatn urakng bukai ongko urakng bukai pan bonci' agatn kito.

2 Timotius 2:10

Jadi, aku botahatn mohadapi somuo macapm ajab sonsaro oca' boko urakng inyo dipilih Allah dapat kosolamant'an molalu'i Kristus Yesus huatan hidup tohormat somanah-manahnyo.

2 Korintus 10:12

Ado boko urakng totontu inyo momuji diri sia' siku'. Soandainyo sia' memang hebat, koi co borani mongatoan diri koi samo hebat sama'an sia'. Apo sobondarnyo sia' budu. Obai, sia' ongkah mombandikan dirinyo agatn diri sia' siku'. Sia' momakai ponilaian sia' siku' monganggap dirinyo hebat.

1 Korintus 14:16

Obai, aman ado di antaro kaitn inyo moucap sukur ko Allah pakai baso doi' Roh Allah, ongko urakng bukai inyo hadir co ulih mongoroti pomandiran kaitn nantai. Co mungkitn urakng bukai nantai momandiran ‘Amin’ obai mondinga' ucapan sukur kaitn nantai!

1 Korintus 14:11

Apo aman aku co mongoroti baso urakng nantai, ongko aku monjadi urakng inyo co io konal. Io pan monjadi urakng inyo co ku konal.

1 Korintus 3:18

Jangan sampai ado urakng inyo ngontumbuki dirinyo siku' mongona'i kopintar-corodi'an monsio. Aman ado urakng inyo moanggap dirinyo pintar-corodi' socaro dunia, urakng nantai gola' moanggap hal nantai budu. Io gola' molabuhan nantai oca' io bondar-bondar monjadi pintar-corodi'.

1 Korintus 2:13

Watu koi mongajar, koi mongajar mongona'i somuo koboi'an Allah nantai. Koi momakai pomandiran inyo diajari Roh Allah, bukai pomandiran inyo diajari kopintar-corodi'an monsio. Koi monjolasan boko hal mongona'i Allah nantai ko boko urakng inyo udah monorima' Roh Allah.

Roma 11:25

Boko somadikan! Oca' kaitn kinyo bopikir kaitn udah mongotohu'i boko la'apo pan, jadi aku honda' momadahannyo ko kaitn mongona'i hajat Allah ni'in inyo komai kinyo dikotohu'i monsio: Sobagi'an banso Israel udah monjadi korikng hati, kinyo honda' pocayo agatn Yesus. Apo, koadaan ni'in bayo sampai jumlah monsio doi' banso bukai udah datakng ko Allah, ia'an nantai jumlah inyo udah ditontuan-Nyo.

Kisah Boko Rasul 28:4

Ular nantai totap botangkil di longan Paulus. Watu boko urakng moniant nantai, sia' bopandir ko siku'-monyiku', “Pasti urakng ni'in siku' urakng pombunuh. Io udah solamant doi' bonakau. Apo duato Koadilan totap honda' mohukupm mati io.”

Kisah Boko Rasul 28:2

Sia' monorima' koi agatn boi'. Watu nantai ari ija' hujatn huatan dingin. Jadi, sia' monokilan api pakai' koi.

Lukas 10:21

Timpu nantai jam, Roh Allah bulah Yesus rindakng. Kato Yesus, “Bopai, Duatn Ponguaso langit ongko bumi. Ado urakng inyo pintar-corodi' ongko bopondidikan. Apo Aku bosukur obai Duatn kinyo monyatoan kobondaran ni'in ko sia'. Duatn monyatoan kobondaran ni'in ko urakng inyo kinyo pontikng ubo bobia' kocit. Oi, Bopai, caro nantai monyonangan hati Duatn!”

Matius 11:25

Timpu nantai Yesus bodoa, “Bopai, Duatn umputn somuo dunia ni'in. Aku bosukur obai Duatn kinyo moombakan somuo nantai doi' urakng pintar-corodi', apo Duatn monyatoan somuonyo nantai ko masrakat kocit.