Roma 1:1 - Porjanjian Boharu Torjomahan Baso Dilakng Soari-ari

¹ Surat ni'in doi' aku, Paulus, urakng inyo molayati Kristus Yesus. Aku ditingkau pakai' monjadi rasul, huatan dihususan pakai' momboritoan Kabar Boi' doi' Allah.

Roma 1:1 ပူးပေါင်းရင်းမြစ်များ

Markus 1:14

Lopas Yohanes ditangkap ongko dimansu'an ko ponjara, Yesus botula' ko propinsi Galilea, momadahan Kabar Boi' doi' Allah.

Yohanes 12:26

Aman ado urakng inyo honda' molayati-Ku, io gola' tuyut-Ku. Io paca'an ado di tompat inyo samo agatn Aku. Allah Bopai paca'an mohormati sotiap urakng inyo molayati-Ku.

Yohanes 15:15

Aku co ija' monyobut kaitn ‘hulutn’. Obai, hulutn co tohu la'apo inyo dikorojoan habakngnyo. Apo, Aku monyobut kaitn ‘kawal’. Obai, Aku udah momadahannyo ko kaitn boko la'apo pan inyo Kudinga' doi' Bopai-Ku.

Yohanes 15:20

Ingantcam pomandiran-Ku ni'in ko kaitn komai: Siku' urakng hulutn kinyo lobih pontikng doi' habakngnyo. Aman sia' udah mondorako'i Aku, jadi sia' pan paca'an mondorako'i kaitn. Apo aman sia' monuruti pomandiran-Ku, jadi sia' pan paca'an monuruti pomandiran kaitn.

Kisah Boko Rasul 13:9

Apo Roh Allah ado monguaso'i Saulus inyo jam disobut Paulus. Io moncorona'i Elimas.

Kisah Boko Rasul 20:24

Apo aku co poduli. Biar pan aku dibunuh, aku totap co poduli. Tuhatn Yesus udah moonji'i tugas ko aku pakai' momboritoan Kabar Boi' obai Allah udah monyatoan koboi'an-Nyo ko monsio. Aku gola' monyolosaian tugasku nantai. Nianam inyo pontikng, bukainyo hidup aku.

Kisah Boko Rasul 21:40

Ongko, kopala' pasukan moijitan Paulus. Paulus bodiritn di pucu' tanggo ongko moonji'i kode agatn jarinyo ko urakng banya' nantai oca' sia' langunt. Pas sia' langunt, io bopandir ko sia' dalapm baso urakng Yahudi, ia'an baso Ibrani.

Kisah Boko Rasul 22:21

Apo Tuhatn bopandir ko aku, ‘Botula'cam! Obai Aku paca'an moutus kolai ko boko tompat inyo jouh doi' si'itn. Kolai gola' momboritoan mongona'i Aku ko boko banso urakng inyo bukai Yahudi.’ ”

Kisah Boko Rasul 22:7

Lansukng aku tokorobah ko tanah. Aku mondinga' ado saro inyo bopandir, ‘Saulus, Saulus, tongga'ancam kolai mondorako'i Aku!’

Kisah Boko Rasul 26:1

Rajo Agripa bopandir ko Paulus, “Kolai ulih bopandir pakai' mombela diri kolai.” Jadi, Paulus monyodakan tunju'nyo ongko bopandir,

Kisah Boko Rasul 26:14

Lansukng koi somuo tokorobah ko tanah. Ongko, aku mondinga' saro urakng inyo bopandir ko aku dalapm baso Ibrani. Kato-Nyo, ‘Saulus, Saulus, botongga'cam kolai mondorako'i Aku! Kolai bayo momodihi diri kolai siku' mo, aman kolai molawatn Allah.’

Kisah Boko Rasul 27:23

Aku bopandir ubo nantai obai malapm mantai ado molekat datakng ko aku. Molekat nantai diutus Allahku, Allah inyo aku sombah, Allah inyo aku layati. Molekat doi' Allah nantai bodiritn di sopia' aku.

Kisah Boko Rasul 9:15

Apo Tuhatn bopandir ko io, “Botula'cam, obai Aku udah momilih io. Io paca'an monjadi hulutn-Ku. Io paca'an momboritoan mongona'i Aku ko boko urakng inyo kinyo Yahudi. Io pan paca'an momboritoan ko boko rajo sia'. Io paca'an momboritoan ko boko urakng Yahudi jam.

Roma 1:16

Aku co malu momboritoan Kabar Boi' nantai obai Kabar Boi' ia'an kuaso Allah pakai' monyolamant'an somuo urakng inyo pocayo, potamo-tamo urakng Yahudi, apo jam urakng bukainyo Yahudi.

Roma 1:5

Allah jam monunju'an koboi'an-Nyo ko aku. Ia'an Yesus momilih aku pakai' monjadi rasul inyo mowakili Sio. Sio moonji'i tugas ko aku pakai' mombimbikng boko urakng doi' somuo banso oca' sia' pocayo huatan taat ko Sio.

Roma 1:9

Allah ia'an sasiku obai aku hala moingant kaitn dalapm doaku. Sionam Allah inyo aku layati agatn soponuh hati pakai' momboritoan Kabar Boi' mongona'i Ana'-Nyo.

Roma 11:13

Ni'in, aku bopandir ko kaitn boko banso bukainyo banso Yahudi. Obai aku ninam rasul inyo molayati boko urakng bukainyo urakng Yahudi, jadi aku momuji polayatanku nantai.

Roma 15:16

ia'an nantai Sio moutus aku monjadi urakng inyo molayati Kristus Yesus di antaro boko banso bukainyo banso Yahudi. Aku samo sama'an imam inyo moonju' posombahan ko Allah. Obai, aku momboritoan Kabar Boi' doi' Allah ko sia' oca' sia' ulih ditorima' Allah obai Roh Allah bulah sia' monjadi borosih doi' dosa.

Roma 15:29

Aku tohu timpu aku datakng monjongu' kaitn, aku tajahan mombaba' banya' borokat doi' Kristus pakai' kaitn.

Roma 16:18

Obai, boko urakng inyo molabuhan ubo nantai sobondarnyo co bokorojo molayati Kristus, Tuhatn kito. Sia' bayo honda' mongosihan kohonda' sia' siku'. Sia' momuji-muji agatn pomandiran inyo manis pakai' monipu urakng inyo co tohu tujuan sia' inyo jahat.

Roma 16:25

Topujicam Allah! Io inyo bokuaso bulah kaitn kuat pocayo sosuai agatn Kabar Boi' mongona'i Yesus Kristus inyo ku boritoan. Kabar Boi' nantai momadahan mongona'i hajat Allah pakai' somuo banso. Somanah boabad-abad, conyiant monsio inyo mongotohu'i hajat Allah nantai.

1 Korintus 1:1

Surat ni'in ko jomaat Allah di Korintus. Kaitn monjadi borosih socaro rohani molalu'i Kristus Yesus. Allah momilih kaitn pakai' monjadi umant inyo husus pakai' umputn Sio. Kaitn monjadi umant Allah bosamo somuo urakng di mono aja' inyo pocayo ko Tuhatn kito, Yesus Kristus. Sio ia'an Tuhatn inyo bokuaso atas sia' huatan Tuhatn inyo bokuaso atas kito. Surat ni'in doi' aku, Paulus. Aku ditingkau pakai' monjadi rasul Kristus Yesus obai nantai kohonda' Allah. Salapm jam doi' Sostenes, somadikan soiman kito.

1 Korintus 9:1

Allah udah mombebasan aku. Malahan aku udah moniant Yesus, Tuhatn kito. Aku bondar-bondar rasul inyo diutus Tuhatn. Malahan, kaitn pan ia'an hasil pokoroja'an inyo ku labuhan bagi Tuhatn.

2 Korintus 1:1

Surat ni'in doi' ku, Paulus. Aku dipilih pakai' monjadi rasul Kristus Yesus obai nantai kohonda' Allah. Salapm jam doi' Timotius, somadikan kito. Surat ni'in pakai' jomaat Allah di kota Korintus ongko somuo urakng inyo husus umputn Allah di somuo propinsi Akhaya.

2 Korintus 11:5

Kaitn moanggap sia' nantai boko rasul inyo luar biaso. Apo, monurutku, sia' co lobih hebat doi' aku.

2 Korintus 11:7

Timpu aku momboritoan ko kaitn Kabar Boi' doi' Allah, aku co minto kaitn mombayarku. Kata'an nantai salah bai? Cado jam! Molabuhan lou' ubo nantai, aku morendahan diri oca' kaitn dihormati.

2 Korintus 12:11

Aku torus momuji diri samo sama'an urakng budu. Apo kaitn momoso ku molabuhan nantai. Obai gola' kaitn am inyo momuji botulukan ku. Biar pan aku ni'in urakng inyo conyiant ado rotinyo, aku co kalah agatn boko urakng totontu nantai inyo kaitn anggap sobagai boko rasul inyo luar biaso.

2 Korintus 2:12

Timpu aku ko kota Troas pakai' momboritoan Kabar Boi' mongona'i Kristus, Tuhatn udah monunju'an jalatn pakai' molayati Sio di su'utan.

2 Korintus 4:5

Obai bukainyo diri koi siku' inyo koi boritoan. Apo, koi momboritoan mongona'i Yesus Kristus sobagai Tuhatn. Sio inyo moutus koi pakai' monjadi polayatn kaitn.

Galatia 1:1

Ko inyo tohormat boko kolompok urakng inyo pocayo agatn Yesus di propinsi Galatia: Surat ni'in doi' aku, Paulus, huatan pan doi' somuo urakng pocayo inyo ado bosamo agatn aku. Aku monjadi rasul bukainyo obai dipilih monsio, pan kinyo diutus ulih monsio. Aku dipilih huatan diutus ulih Rajo Inyo Dijanjian Allah, pakai' momboritoan Kabar Boi' ulih Allah Bopai. Aku pan diutus ulih Allah Bopai inyo bulah Yesus bobali' hidup doi' komatian.

Efesus 1:1

Surat ni'in doi' aku, Paulus. Aku di tingkau pakai' monjadi rasul Kristus Yesus obai nantai kohonda' Allah. Surat ni'in ko somuo umant husus umputn Allah di kota Efesus, ia'an boko urakng inyo pocayo ko Kristus Yesus.

Efesus 1:13

Sama'an nian jam agatn kaitn. Kaitn udah mondinga' Kabar Boi' inyo bondar sampai kaitn pocayo ko Kristus huatan disolamant'an. Molalu'i Sio, Allah moonji'i tando obai kaitn pan monjadi umat-Nyo jam, ia'an Sio moonju' Roh-Nyo ko kaitn jam sosuai agatn janji-Nyo sobolupmnyo.

Efesus 4:11

Sio nam inyo moonji'i komampuan husus ko boko urakng. Ado inyo dionji'i komampuan husus pakai' monjadi boko rasul. Ado inyo bukai dionji'i komampuan husus pakai' monjadi nabi. Ado inyo bukainyo agi' di onji'i komampuan husus pakai' momboritoan Kabar Boi'. Ado jam inyo dionji'i komampuan husus pakai' mombimbikng jomaat samo samaꞌan gombala. Ado jam inyo dionji'i komampuan husus pakai' mongajar.

Filipi 1:1

Surat ni'in doi' ku, Paulus bosamo agatn Timotius. Koi urakng inyo bokorojo molayati Kristus Yesus. Surat ni'in pakai' somuo urakng husus umputn Allah di kota Filipi inyo bosatu dalapm Kristus Yesus, tomansu' agatn somuo ponotua' ongko diakon jomaat.

Filipi 2:11

Somuonyo tajahan moaku'i obai Yesus Kristus ia'an Tuhatn di pucu' la'apo pan. Agatn ubo nantai, Allah Bopai tajahan dipuji.

Kolose 1:1

Boko somadikan umant Allah di kota Kolose inyo sotia pocayo ko Kristus. Doi' aku, Paulus. Aku ditingkau pakai' monjadi rasul Kristus Yesus obai nantai kohonda' Allah. Salapm jam doi' Timotius, somadikan kito jam. Aku bodoa oca' Allah Bopai kito monunju'an koboi'an huatan moonji'i sonang-asau ko kaitn.

Kolose 1:25

Allah mompocayoan aku agatn tugas molayati boko urakng inyo pocayo. Sio monyiuh aku pakai' monyampaian ko kaitn socaro longkap boko Pomandiran doi' Sio,

1 Tesalonika 2:8

Koi kotakan mongasihi kaitn. Jadi, koi kotakan sonang momboritoan ko kaitn Kabar Boi' doi' Allah. Apo bukainyo bayo nantai. Koi pan kotakan sonang bulah la'apo aja' pakai' monulukng kaitn.

1 Tesalonika 2:9

Boko somadikan, pasti kaitn ingant kotakng kuat koi bokorojo watu koi ado bosamo agatn kaitn di Tesalonika. Koi uyuh-jorih bokorojo siakng malapm pakai' momonuhi kopontikan koi siku'. Jadi, watu koi momboritoan Kabar Boi' doi' Allah, kaitn kinyo gola' momonuhi kopontikan koi.

1 Timotius 1:1

Ko Timotius: inyo bondar-bondar sama'an ana'ku dalapm Yesus. Salapm doi' aku, Paulus. Kristus Yesus ongko Allah moutus aku monjadi rasul-Nyo pakai' momboritoan mongona'i Sio. Allah nanam Ponyolamant kito huatan Kristus Yesus tompat kito boharap. Aku bodoa oca' kasih karunia ongko sonang-asau doi' Allah, Bopai kito, huatan Tuhatn Yesus Kristus monyoroto'i kolai.

1 Timotius 2:7

Nianam Kabar Boi' inyo gola' aku boritoan. Nantaiam alasannyo aku diutus monjadi rasul pakai' momboritoannyo. Pomandiran aku ni'in bondar. Aku co bulah tumbukan. Aku dipilih pakai' mongajar boko urakng inyo bukainyo urakng Yahudi oca' sia' tohu la'apo inyo bondar mongona'i Yesus.

2 Timotius 1:11

Aku diutus pakai' monjadi rasul-Nyo inyo momboritoan Kabar Boi' nantai lalu mongajar urakng mongona'i Sio.

Titus 1:1

Ko Titus: inyo bondar-bondar sama'an ana'ku dalapm Yesus obai kito sosamo pocayo ko Yesus. Salapm doi' aku, Paulus. Allah moutus aku monjadi polayatn-Nyo. Yesus Kristus moutus aku monjadi rasul-Nyo. Aku udah diutus pakai' monulukng boko urakng inyo dipilih Allah oca' mongkitn pocayo ko Yesus. Aku pan diutus pakai' mongajar ajaran inyo bondar oca' boko urakng inyo dipilih Allah nantai hidup sosuai agatn kohonda'-Nyo. Pondasi ajaran nantai ia'an pongharapan paca'an hidup somanah-manahnyo, inyo udah Sio janjian sobolupm dunia dipulah. Allah Ponyolamant kito, co mungkitn tumbukan. Pas watu inyo ditontuan-Nyo, Allah udah moonji'i pomandiran-Nyo molalu'i Kabar Boi' inyo udah dipocayoan ko aku pakai' kuboritoan. Aku bodoa oca' Allah Bopai kito ongko Kristus Yesus, Ponyolamant kito monunju'an kasih karunia-Nyo huatan moonji'i sonang-asau ko kolai.

Ibrani 5:4

Conyiant urakng inyo ulih moangkat dirinyo siku' monjadi imam agukng. Apo, Allah inyo moningkau io, samo sama'an Allah moningkau Harun ija' joman komai.

Ibrani 7:26

Nantai am Imam Agukng inyo kito pontikan. Sio suci, kinyo kalo bulah dosa damo kosalahan. Sio disongkayoan doi' boko urakng bodosa huatan diangkat ko tompat inyo kotakng tinggi di sorugo.

Yakobus 1:1

Pakai' somuo boko urakng inyo pocayo doi' koduo bolas suku umant Allah inyo tosebar di soluruh dunia. Salapm doi' ku, Yakobus, inyo molayati Allah ongko polayatn Yesus Kristus.

1 Petrus 4:17

Ni'in, udah tuntukam watu Allah mohakipi somuo urakng. Sio mula'i agatn kito, ia'an boko urakng husus umputn Sio siku'. Aman ubo nantai, lapo inyo tajahan tojadi ko boko urakng inyo co pocayo Kabar Boi' doi' Allah? Pasti sia' pan paca'an dihukupm.

2 Petrus 1:1

Surat ni'in doi' ku, Simon Petrus, urakng inyo molayati Yesus Kristus. Aku pan diutus sobagai rasul-Nyo. Surat ni'in ko boko urakng inyo pocayo ko Yesus Kristus samo sama'an koi. Sio udah moonji'i kito kosompatan nantai obai Sio hala molabuhan inyo bondar. Sio nam Allah ongko Ponyolamant kito.

Yudas 1:1

Surat ni'in doi' aku, Yudas, hulutn Yesus Kristus. Aku pan somadikan Yakobus. Surat ni'in ko boko urakng inyo ditingkau, ia'an boko urakng inyo dikasihi Allah Bopai, boko urakng inyo Allah jago oca' ulih monjadi umputn Yesus Kristus.

Wahyu 1:1

Yesus Kristus monyatoan mongona'i boko kojadian inyo paca'an tojadi. Allah momboritoan ko Yesus pakai' monyatoannyo ko boko urakng inyo molayati Sio. Yesus Kristus moutus molekat-Nyo pakai' monyatoan ko Yohanes, hulutn-Nyo.

Wahyu 22:6

Lopas nian, molekat nantai bopandir ko aku, “Boko pomandiran ni'in bondar huatan ulih dipocayo'i. Tuhatn Allah inyo moonju' Roh-Nyo ko boko nabi. Sio udah moutus molekat-Nyo pakai' monunju'an ko boko urakng inyo molayati Sio mongona'i boko hal inyo gola' paca'an tojadi.”

Wahyu 22:9

Apo io bopandir ko aku, “Jangan monyombah aku! Aku bayo hulutn inyo molayati Allah, samo sama'an kolai ongko boko somadikan kolai boko nabi ongko somuo urakng inyo monuruti somuo posatn dalapm buku ni'in. Sombah Allah aja'am.”