Matius 9:6 - Porjanjian Boharu Torjomahan Baso Dilakng Soari-ari

⁶ Apo watu ni'in Aku honda' moniant'an ko kolai obai di pucu' bumi ni'in Ana' Monsio bokuaso moamputi dosa.” Ongko Yesus bopandir ko urakng lumpuh nantai, “Huascam, angkat kotidu'an kolai, huatan pulakngcam ko rumah kolai!”

Matius 9:6 ပူးပေါင်းရင်းမြစ်များ

Matius 4:24

Borito mongona'i Sio tosebar doi' doerah Galilea sampai ko somuo doerah Siria. Jadi banya' urakng datakng ko Sio. Sia' mombaba' boko urakng inyo boponyakit huatan kosusahan. Ado inyo korasu'an boko roh jahat. Ado inyo gogilo babi. Ado inyo lumpuh. Yesus monyamani sia'.

Matius 8:20

Apo Yesus bopandir ko io, “Payau ado lubakngnyo. Burukng ado sayakngnyo. Apo biar pan Aku Inyo Diutus Allah Pakai' Monjadi Monsio, Aku co nyiant kodiapan.”

Matius 9:2

Ongko, boboropo urakng datakng mombaba' urakng sakit lumpuh inyo mangkakan di pucu' tikar. Timpu Yesus moniant sia' pocayo obai Sio bokuaso, Yesus bopandir ko urakng lumpuh nantai, “Somadikan-Ku, jangan gola', obai dosa kolai udah diamputi.”

Matius 9:5

Monurut kaitn mono inyo lobih mudah? Mongatoan ‘Dosa kaitn udah diamputi’ damo ‘huas ongko bojalatn cam’.

Matius 9:7

Hagar urakng nantai huas ongko pulakng.

Markus 2:10

Apo watu ni'in, Aku paca'an monunju'an ko kaitn obai Ana' Monsio bokuaso moamputi dosa di dunia ni'in.” Jadi Yesus bopandir ko urakng lumpuh nantai,

Markus 2:7

“Hibo urakng ni'in bopandir ubo nian? Sio mohayam Allah! Ongkah Allah inyo ulih moamputi dosa!”

Lukas 5:21

Boko guru agama Yahudi ongko pomimpitn agama doi' kolompok Farisi mula'i bopandir agatn siku'-monyiku', “Urakng ni'in conyiant haknyo bopandir bunyi nantai! Sio bopandir ubo Sio nanam Allah! Ongkah Allaham inyo ulih moamputi dosa!”

Yohanes 10:28

Aku moonji'i sia' hidup inyo somanah-manahnyo. Sia' cokalo bonaso sampai somanah-manahnyo. Conyiant ado siku' urakng pan inyo ulih morobut sia' doi' jari-Ku.

Yohanes 17:2

Bopai udah moonji'i kuaso ko io di pucu' somuo urakng. Duatn molabuhan nantai oca' Io ulih moonji'i kohidupan kokal ko somuo urakng inyo pocayo ko io, ia'an somuo urakng inyo Duatn onju' ko io.

Yohanes 5:27

Sio udah moonji'i kuaso ko Io pakai' mohakipi, obai Io nam inyo disobut Ana' Monsio.

Yohanes 5:8

Kato Yesus ko io, “Bodiritn cam, angkat tikar kolai nan, lalu bojalatncam!”

Kisah Boko Rasul 5:31

Yesus udah noi' ko sorugo ongko dudu' di tompat inyo kotakan tohormat di sopia' kanan Allah. Allah moonji'i kuaso ko Yesus pakai' momimpitn ongko monyolamant'an urakng. Allah molabuhan nantai oca' kito urakng Israel mondapat kosompatan pakai' diamputi, ia'an aman kito botongga' bulah dosa ongko monuruti Allah.

Kisah Boko Rasul 9:34

Petrus bopandir ko io, “Eneas, Yesus Kristus monyamani kolai. Bodiritncam! Gilikngcam kotidu'an kolai.” Timpu nantai jam Eneas bodiritn.

2 Korintus 2:10

Aman kaitn moamputi urakng inyo bulah salah, jadi aku pan moamputi urakng nantai. Watu ku moamputi urakng, aman memang ado inyo gola' diamputi, aku molabuhan nantai pakai' koboi'an kaitn somuo. Aku pan molabuhan nantai di hadapan Kristus.

2 Korintus 5:20

Koi ni'in ia'an boko utusan Kristus. Molalu'i koi Allah siku' tontu-sama'an inyo moningkau urakng. Jadi, atas damo Kristus, koi momuhun, “Bodamaicam agi' agatn Allah.”

Efesus 4:32

Apo kaitn gola' boi' hati huatan monunju'an bolas-kasihan. Kaitn gola' moamputi urakng bukai samo sama'an Allah moamputi kaitn molalu'i Kristus.

Kolose 3:13

Aman ado urakng inyo bulah kosalahan agatn urakng bukai, kaitn gola' samo-samo sabar tohadap inyo bukai huatan samo moamputi, ongko kaitn pan gola' moamputi urakng bukai.