Matius 9:5 - Porjanjian Boharu Torjomahan Baso Dilakng Soari-ari

⁵ Monurut kaitn mono inyo lobih mudah? Mongatoan ‘Dosa kaitn udah diamputi’ damo ‘huas ongko bojalatn cam’.

Matius 9:5 ပူးပေါင်းရင်းမြစ်များ

Kisah Boko Rasul 9:34

Petrus bopandir ko io, “Eneas, Yesus Kristus monyamani kolai. Bodiritncam! Gilikngcam kotidu'an kolai.” Timpu nantai jam Eneas bodiritn.

Matius 9:2

Ongko, boboropo urakng datakng mombaba' urakng sakit lumpuh inyo mangkakan di pucu' tikar. Timpu Yesus moniant sia' pocayo obai Sio bokuaso, Yesus bopandir ko urakng lumpuh nantai, “Somadikan-Ku, jangan gola', obai dosa kolai udah diamputi.”

Matius 9:6

Apo watu ni'in Aku honda' moniant'an ko kolai obai di pucu' bumi ni'in Ana' Monsio bokuaso moamputi dosa.” Ongko Yesus bopandir ko urakng lumpuh nantai, “Huascam, angkat kotidu'an kolai, huatan pulakngcam ko rumah kolai!”

Markus 2:5

Pas Yesus moniant iman sia', Yesus bopandir ko urakng lumpuh nantai, “Oi ana'-Ku, dosa kolai udah diamputi.”

Lukas 5:20

Watu Yesus moniant kotakng bosar iman sia'. Yesus bopandir ko urakng lumpuh nantai, “Somadikan, dosa kolai udah diamputi.”

Lukas 7:48

Ongko Yesus bopandir ko botina' nantai, “Boko dosa kolai udah diamputi.”