Matius 9:38 - Porjanjian Boharu Torjomahan Baso Dilakng Soari-ari

³⁸ Jadi, mintocam ko Umputn lakau oca' Sio mongiripan lobih banya' urakng bokorojo pakai' mohanyi hasil tanaman-Nyo.”

Matius 9:38 ပူးပေါင်းရင်းမြစ်များ

Matius 9:37

Jadi, Sio bopandir ko boko murid-Nyo, “Hasil inyo pontikng dihanyi cukup banya', apo urakng bokorojo pakai' mohanyinyo bayo sodikit.

Yohanes 20:21

Sokali agi', Yesus bopandir ko sia', “Sonang-asau pakai' kaitn!” Samo sama'an Bopai-Ku moutus Aku, ubo nian jam Aku moutus kaitn.

Yohanes 4:35

Kaitn bopandir, ‘Ompat bulatn agi' udah musipm mohanyi.’ Apo, Aku bopandir ko kaitn ni'in: Tiatbo! Boko padi di lakau mansa' am, siap dihanyi!

Kisah Boko Rasul 13:2

Timpu, sia' bokumpul pakai' bopuaso huatan bodoa. Watu nantai, Roh Allah bopandir ko sia', “Aku momilih Barnabas ongko Saulus molabuhan polayatan husus pakai' molayati boko urakng di doerah bukai. Jadi, tugasan sia' duo pakai' molabuhan polayatan nantai.”

Kisah Boko Rasul 8:4

Boko urakng pocayo inyo rari doi' kota Yerusalem nantai tosebar. Sia' momboritoan Kabar Boi' ko mono ja' sia' botula'.

1 Korintus 12:28

Allah momilih boko urakng dalapm kolompok urakng pocayo. Inyo potamo, boko rasul, ia'an boko urakng inyo dipilih pakai' momboritoan Kabar Boi'. Inyo koduo, boko nabi, ia'an boko urakng inyo monyampaian posatn doi' Allah. Inyo kotigo, boko urakng inyo dionji'i komampuan pakai' mongajar. Ongko, ado boko urakng inyo dionji'i komampuan pakai' bulah mujisat. Ado jam boko urakng inyo dionji'i komampuan pakai' monyamani, boko urakng inyo dionji'i komampuan pakai' monulukng urakng bukai, boko urakng inyo dionji'i komampuan pakai' momimpitn, ongko boko urakng inyo dionji'i komampuan pakai' bopandir dalapm boko baso roh.

Efesus 4:11

Sio nam inyo moonji'i komampuan husus ko boko urakng. Ado inyo dionji'i komampuan husus pakai' monjadi boko rasul. Ado inyo bukai dionji'i komampuan husus pakai' monjadi nabi. Ado inyo bukainyo agi' di onji'i komampuan husus pakai' momboritoan Kabar Boi'. Ado jam inyo dionji'i komampuan husus pakai' mombimbikng jomaat samo samaꞌan gombala. Ado jam inyo dionji'i komampuan husus pakai' mongajar.

2 Tesalonika 3:1

Solanjutnyo, boko somadikan tulukng doa'an koi oca' pomandiran Tuhatn tosebar agatn copat ko tompat bukai. Bodoa jam oca' boko urakng mohormati, pocayo ongko monaati boko ajaran nantai, samo sama'an kaitn.