Matius 9:37 - Porjanjian Boharu Torjomahan Baso Dilakng Soari-ari

³⁷ Jadi, Sio bopandir ko boko murid-Nyo, “Hasil inyo pontikng dihanyi cukup banya', apo urakng bokorojo pakai' mohanyinyo bayo sodikit.

Matius 9:37 ပူးပေါင်းရင်းမြစ်များ

Matius 20:1

Yesus molajuan pomandiran-Nyo, “Koraja'an Sorugo samo sama'an kisah ni'in. Ado siku' urakng inyo umputn sobidakng kobutn anggur. Sunsukng pukau, io botula' bogoyap boboropo urakng pakai' bokorojo di kobutnnyo nantai.

Matius 28:19

Obai nantai, botula'cam ko somuo banso. Ajaricam boko urakng oca' sia' monjadi murid-Ku. Baptiscam sia' dalapm damo Bopai, Ana', huatan Roh Allah pakai' monunju'an obai sia' pocayo ko Allah Bopai, pocayo ko Yesus, huatan Roh Allah.

Matius 9:38

Jadi, mintocam ko Umputn lakau oca' Sio mongiripan lobih banya' urakng bokorojo pakai' mohanyi hasil tanaman-Nyo.”

Markus 16:15

Lalu Sio bopandir ko sia', “Botula'cam ko soluruh dunia. Boritoancam Kabar Boi' kosomuo urakng.

Lukas 10:2

Sobolupm sia' botula', Sio bopandir, “Lakau inyo honda' dihanyi kotakan luar, apo urakng pakai' mohanyinyo kurakng bondar. Jadi, mintocam ko Tuhatn Allah inyo umputn hasil lakau oca' Sio mongiripan lobih banyaꞌ hulutn pakai' bohanyi hasil lakau-Nyo.

Lukas 24:47

Lalu agatn kuaso-Nyo tajahan diboritoan kabar obai urakng gola' tongga' bulah dosa lalu monyonangan hati Allah, ongko dosa sia' tajahan diamputi. Borito ni'in gola' disampaian, mula'i doi' kota Yerusalem lalu ko somuo banso bukai di dunia.

Kisah Boko Rasul 16:9

Pado malapm arinyo, Paulus ado poniant'an. Io moniant siku' urakng doi' doerah Makedonia. Urakng nantai bodiritn kapikng momuhun ko Paulus. Katonyo, “Tulukng datakng ko Makedonia pakai' monulukng koi!”

Kisah Boko Rasul 18:10

Jangan gola' obai Aku monyoroto'i kolai! Co nyiant siku' urakng pan inyo paca'an mondorako'i kolai. Torus ja' mongajar obai boko umant-Ku di kota ni'in.”

2 Korintus 6:1

Sobagai urakng inyo bokorojo samo agatn Allah, jadi koi muhun ko kaitn: Jangannam bulah koboi'an Allah nantai monjadi sia-sia.

Kolose 4:11

Salapm jam doi' Yesus, inyo ditingkau Yustus. Doi' boko urakng Yahudi inyo pocayo, bayo kotigo urakng ni'in inyo ija' molayati bosamo agatn aku pakai' momboritoan mongona'i Koraja'an Allah. Sia' somombondarannyo monulukng aku.

1 Timotius 5:17

Jomaat gola' bondar-bondar mohormati huatan monulukng kohidupan boko ponotua' inyo momimpitn agatn boi', hususnyo boko ponotua' inyo bohotbah ongko mongajar mongona'i Pomandiran Allah.

Yakobus 5:4

Pikirancam mongona'i porbuatan kaitn. Ado boko urakng inyo bokorojo mohanyi di boko lakau kaitn. Apo kaitn co mombayar upah sia'. Jadi, sia' mongoluh minto potulukan doi' Tuhatn inyo Maho Kuaso. Sio mondinga' sia' huatan siap mohukupm kaitn.