Matius 9:34 - Porjanjian Boharu Torjomahan Baso Dilakng Soari-ari

³⁴ Apo boko pomimpitn agama Yahudi doi' kolompok Farisi bopandir, “Sio monundukng boko roh jahat momakai kuaso Rajo Sitatn!”

Matius 9:34 ပူးပေါင်းရင်းမြစ်များ

Lukas 11:15

Apo ado di antaro sia' inyo bopandir, “Sio monundukng roh jahat momakai kuaso Rajo Sitatn!”

Markus 3:22

Boko guru agama Yahudi inyo datakng doi' Yerusalem bopandir, “Sio dikuaso'i Rajo Sitatn! Rajo Sitatn inyo moonji'i kuaso ko Sio pakai' monundukng boko roh jahat.”

Yohanes 3:20

Somuo urakng inyo bulah kojahatan, sia' bonci'an torakng. Sia' co datakng ko torakng obai torakng bulah porbuatan sia' inyo jahat kotiat'an.

Matius 10:25

Udah cukup aman siku' urakng murid monjadi samo sama'an gurunyo huatan siku' urakng hulutn monjadi samo sama'an habakngnyo. Aku ni'in pomimpitn kaitn huatan sia' udah moningkau Aku sobagai Rajo Sitatn. Jadi, pasti paca'an mompolakuan kaitn agatn lobih jahat agi'!.”

Matius 11:18

Obai Yohanes Pombaptis datakng, kinyo makatn, kinyo minum, apo sia' bopandir, ‘Io korasu'an sitatn!’

Matius 12:22

Lopas nian ado urakng inyo dirasu'i roh jahat dibaba' ko Yesus. Urakng nantai buto huatan bisu. Yesus monyamani io sampai io ulih moniant huatan bopandir agi'.

Matius 12:27

Apotolagi', soumpamonyo Aku monundukng roh jahat momakai kuaso Rajo Sitatn, rotinyo boko pongikut kaitn monundukng roh jahat agatn kuaso Rajo Sitatn jam. Boko pongikut kaitn siku' paca'an mongatoan nantai salah!

Yohanes 7:20

Urakng banya' nantai monimbas, “Duatn gogilo obai dirasu'i roh jahat! Conyiant ado urakng inyo honda' mombunuh Duatn!”