Matius 9:3 - Porjanjian Boharu Torjomahan Baso Dilakng Soari-ari

³ Ado boboropo guru agama Yahudi mondinga' nantai. Sia' mula'i bopikir dalapm hati, “Urakng ni'in mohayam Allah!”

Matius 9:3 ပူးပေါင်းရင်းမြစ်များ

Matius 26:65

Mondinga' nantai, Imam Agukng nantai mombirat-birat pakai'annyo. Katonyo ko boko pomimpitn inyo bukai di santai, “Io mohayam Allah! Co pontikng bogoyap sasi pakai' mongatoan kosalahan-Nyo! Kaitn udah mondinga' Sio mohayam Allah.

Matius 7:29

Obai, Sio mongajar kinyo sama'an boko guru agama sia'. Sio mongajar sobagai urakng inyo pintar-corodi'.

Markus 14:64

Io udah mohanyam Allah! Kaitn pan udah mondinga' pandir-Nyo siku' monyamoan diri-Nyo agatn Allah! Jadi, la'apo koputusan kaitn?” Sia' somuo mombulah koputusan inyo samo, ia'an nantai Sio gola' dihukupm mati.

Markus 3:28

Dinga'ancam! Sotiap urakng inyo bodosa damo mohanyam, urakng nantai ulih diamputi.

Markus 3:29

Apo urakng inyo mohanyam tohadap Roh Allah, urakng nantai tajahan co kalo diamputi. Dosa nantai bulah urakng bosalah somanah-manahnyo.”

Markus 7:21

Obai, banya' pikiran inyo jahat koluar doi' dalapm monsio, ia'an doi' hatinyo. Somuo pikiran jahat nantai mombulah monsio bulah dosa kinyo sonunuh, mongolit, mombunuh,

Lukas 5:21

Boko guru agama Yahudi ongko pomimpitn agama doi' kolompok Farisi mula'i bopandir agatn siku'-monyiku', “Urakng ni'in conyiant haknyo bopandir bunyi nantai! Sio bopandir ubo Sio nanam Allah! Ongkah Allaham inyo ulih moamputi dosa!”