Matius 9:2 - Porjanjian Boharu Torjomahan Baso Dilakng Soari-ari

² Ongko, boboropo urakng datakng mombaba' urakng sakit lumpuh inyo mangkakan di pucu' tikar. Timpu Yesus moniant sia' pocayo obai Sio bokuaso, Yesus bopandir ko urakng lumpuh nantai, “Somadikan-Ku, jangan gola', obai dosa kolai udah diamputi.”

Matius 9:2 ပူးပေါင်းရင်းမြစ်များ

Matius 9:22

Apo Yesus mongilikng huatan moniant botina' nantai. Kato-Nyo, “Somadikan-Ku, jangan gola'. Kolai nyamanam obai kolai udah pocayo ko Aku.” Watu nantai jam, botina' nantai nyamanam.

Yakobus 2:18

Apo mungkitn ado urakng inyo co sotuju huatan bopandir, “Ado urakng inyo moandalan kopocaya'annyo, huatan ado inyo bukai moandalan porbuatannyo.” Apo aku paca'an monimbas, “Aman kolai co molabuhan porbuatan inyo boi', co mungkitn kolai monunju'an ko aku obai kolai bondar-bondar pocayo! Apo porbuatanku monunju'an ko kolai obai aku bondar-bondar pocayo!”

Kisah Boko Rasul 19:12

Malahan sapu tangan damo koitn inyo kalo dipakai Paulus, ulih digunoan pakai' monyamani boko urakng. Aman boko koitn nantai dilota'an ko urakng boponyakit, ongko sia' monjadi nyamanam. Aman boko koitn nantai dilota'an ko boko urakng inyo korasu'an, ongko boko roh jahat koluar doi' sia'.

Yohanes 21:5

Kato Yesus ko sia', “Oi boko pokawalan, bulih cadonai kaitn ikatn?” Timbas sia', “Cado!”

Matius 8:10

Yesus hiratn mondinga' pomandiran powira nantai. Yesus bopandir ko sia' inyo tuyut Sio. Kato-Nyo, “Dinga'anbo, Aku bolupm kalo monomuan iman sobosar ni'in. Doi' banso-Ku urakng Israel, bolupm kalo ku tomu'i urakng inyo pocayo ko Allah samo sama'an powira Romawi ni'in.

Matius 4:24

Borito mongona'i Sio tosebar doi' doerah Galilea sampai ko somuo doerah Siria. Jadi banya' urakng datakng ko Sio. Sia' mombaba' boko urakng inyo boponyakit huatan kosusahan. Ado inyo korasu'an boko roh jahat. Ado inyo gogilo babi. Ado inyo lumpuh. Yesus monyamani sia'.

Roma 5:11

Bukainyo ongkah nantai saja'! Kito pan sonang-nyamanam obai koboi'an Allah, ia'an watu ni'in kito bobali' bohubukan boi' agatn Sio obai porbuatan Yesus Kristus, Tuhatn kito.

Kisah Boko Rasul 14:9

Urakng lumpuh nantai dudu' bondinga'an pomandiran Paulus. Io pocayo ulih nyamanamobai kuaso Yesus. Jadi, watu Paulus moniant io, Paulus tohu io pocayo.

Yohanes 16:33

Aku momadahan somuonyo nantai ko kaitn oca' hati kaitn ado sonang-asau obai kaitn bosatu agatn Aku. Kaitn paca'an mondorita' di dunia ni'in. Apo, pontokuhancam hati kaitn! Aku udah mongalahan kuaso di dunia ni'in!”

Matius 9:6

Apo watu ni'in Aku honda' moniant'an ko kolai obai di pucu' bumi ni'in Ana' Monsio bokuaso moamputi dosa.” Ongko Yesus bopandir ko urakng lumpuh nantai, “Huascam, angkat kotidu'an kolai, huatan pulakngcam ko rumah kolai!”

Matius 8:16

Watu babahari, banya' urakng sakit dibaba' ko Yesus, tomansu' inyo korasu'an boko roh jahat. Agatn pomandiran-Nyo mo, Yesus monundukng boko roh jahat nantai. Sio pan monyamani somuo urakng inyo sakit di santai.

Yohanes 2:25

Sio co pontikng siku' urakng pakai' momadahannyo ko Sio mongona'i monsio, obai Sio tohu somuo inyo ado di dalapm hati monsio.

Markus 5:34

Kato Yesus ko io, “Ana'-Ku, obai kolai udah pocayo ko aku, kolai nyamanam! Hingkascam agatn sonang-nyaman. Kolai udah nyamanam am doi' ponyakit kolai!”

Markus 1:32

Watu kobabahariannyo, lopas matoari tonggolapm, banya' urakng boponyakit dibaba' ko Yesus, tomansu' inyo korasu'an boko roh jahat.

Matius 6:12

Amputicam kosalahan koi, samo sama'an koi pan moamputi sotiap urakng inyo bosalah ko koi.

Matius 9:5

Monurut kaitn mono inyo lobih mudah? Mongatoan ‘Dosa kaitn udah diamputi’ damo ‘huas ongko bojalatn cam’.

Matius 14:27

Apo Yesus lansukng bopandir ko sia', “Bacap ni'in Aku. Jangan gola'!”

Markus 10:49

Yesus botongga' huatan bopandir, “Tingkau am io!” Ongko, sia' moningkau urakng buto nantai. Kato sia' ko io, “Lolangunt! Bodiritn cam, Yesus moningkau kulo!”

Kisah Boko Rasul 23:11

Pas malapm nantai Tuhatn Yesus bodiritn di sopia' Paulus ongko bopandir ko io, “Jangan gola'. Kolai udah borani momboritoan mongona'i Aku di Yerusalem. Nononyo kolai gola' borani jam momboritoan mongona'i Aku di Roma.”