Matius 9:19 - Porjanjian Boharu Torjomahan Baso Dilakng Soari-ari

¹⁹ Jadi, Yesus bodiritn. Sio ongko boko murid-Nyo botula' tuyut kopala' rumah sombayakng nantai.

Matius 9:19 ပူးပေါင်းရင်းမြစ်များ

Matius 8:7

Kato Yesus, “Aku paca'an botula' monyamani io.”

Matius 9:18

Pontongahan Yesus bopandir ko boko murid Yohanes Pombaptis nantai, ado siku' urakng kopala' rumah sombayakng datakng ko Sio. Io tundu' monyungkapan di hadapan Yesus. Katonyo, “Ana' botina'ku hoyu' ja' mati. Apo datakng bo. Cama' bo io, ongko io paca'an bobali' hidup.”

Matius 9:20

Dalapm pojalatan ko su'utn, ado siku' urakng botina' inyo sakit pondarahan. Udah duo bolas tohutn manahnyo io boponyakit nantai. Io bopandir dalapm hatinyo, “Biar pan aku bayo moncama' rumbai jubah Yesus, pasti aku paca'an nyamanam!” Jadi, io mohampiki Yesus doi' bolikat ongko moncama' rumbai jubah-Nyo.

Yohanes 4:34

Kato Yesus ko sia', “Makatan-Ku ia'an: molabuhan kohonda' Allah Bopai inyo moutus Aku, ia'an monjadi'i somuo pokoroja'an inyo Sio onju' ko Aku.

Kisah Boko Rasul 10:38

Yesus mula'i polayatan-Nyo. Yesus boasal doi' kota Nazaret. Sio mula'i polayatan-Nyo di doerah Galilea. Allah moonji'i Roh-Nyo ko Yesus. Allah jam moonji'i kuaso ko Sio. Jadi, Yesus botula' ko mono-mono, molabuhan boko hal inyo boi', Sio monundukng boko roh jahat doi' urakng banya'. Sio ulih molabuhan somuo macapm mujisat obai Allah ado bosamo agatn Sio.