Matius 9:16 - Porjanjian Boharu Torjomahan Baso Dilakng Soari-ari

¹⁶ Co nyiant urakng inyo monambal birat di baju manah agatn kotota'an koitn inyo ija' boharu. Obai aman ubo nian, koitn inyo ija' boharu paca'an ngorisut ongko mombirat baju manah nantai. Lalu birat di baju nantai paca'an monjadi lobih bosar.

Matius 9:16 ပူးပေါင်းရင်းမြစ်များ

Yohanes 16:12

Ija' ado banya' hal inyo honda' Ku padahan ko kaitn. Apo watu ni'in, kaitn bolupm sanggup monorima'nyo.

1 Korintus 13:13

Jadi, dalapm koadaan sokarakng ni'in ado tigo hal inyo gola' totap kito labuhan, ia'an: torus pocayo, kinyo botongga' boharap huatan salikng mongasihi. Inyo kotakan pontikng doi' kotigo hal nantai ia'an salikng mongasihi.

Matius 9:15

Timbas Yesus ko sia', “Dalapm poumpamoan ni'in watu pongantitn lolaki ado bosamo agatn pokawalannyo di pogai kawitn, pasti sia' kinyo salu'. Apo watunyo paca'an datakng, pongantitn lolaki dikuti' doi' sia'. Watu nantai, sia' paca'an bolampah.

Matius 9:17

Agatn contoh bukai, co nyiant urakng monyimpatn anggur boharu ko dalapm kantong kulit inyo manah. Urakng kinyo molabuhan nantai obai watu anggur boharu mongombakng, kantongnyo pocah. Jadi kantongnyo rusa' ongko anggurnyo tumpah. Anggur inyo boharu gola' disimpatn ko dalapm kantong inyo boharu jam. Ongko, kododuonyo totap tosimpatn agatn boi'.”

Markus 2:21

Aman baju inyo manah birat, conyiant urakng inyo monumpal baju nantai agatn momakai solamba'i koitn inyo ija' boharu. Obai, koitn inyo ija' boharu tajahan ngorisut lalu birat di baju nantai monjadi lobih bosar.

2 Korintus 9:12

Obai, timpu kaitn molayati ubo ni'in kaitn tajahan monulukng momonuhi kopontikan boko urakng umputn Allah di Yerusalem. Apo bukainyo bayo nantai. Kaitn pan tajahan bulah banya' boko urakng bosukur agatn Allah.

Lukas 5:36

Lalu Yesus mongajar agatn poumpamoan ni'in, “Co nyiant urakng inyo monambal baju buru' agatn kobiratan koitn doi' baju boharu. Obai baju inyo boharu nantai monjadi birat. Apotolagi' koitn doi' baju boharu kinyo cucu' agatn baju buru' nantai.