Matius 9:15 - Porjanjian Boharu Torjomahan Baso Dilakng Soari-ari

¹⁵ Timbas Yesus ko sia', “Dalapm poumpamoan ni'in watu pongantitn lolaki ado bosamo agatn pokawalannyo di pogai kawitn, pasti sia' kinyo salu'. Apo watunyo paca'an datakng, pongantitn lolaki dikuti' doi' sia'. Watu nantai, sia' paca'an bolampah.

Matius 9:15 ပူးပေါင်းရင်းမြစ်များ

Matius 9:14

Lopas nantai, boko murid Yohanes Pombaptis datakng. Sia' bopandir ko Yesus, “Koi ongko boko urakng Farisi opat bolampah. Ma'apo boko murid Duatn cado?”

Matius 9:16

Co nyiant urakng inyo monambal birat di baju manah agatn kotota'an koitn inyo ija' boharu. Obai aman ubo nian, koitn inyo ija' boharu paca'an ngorisut ongko mombirat baju manah nantai. Lalu birat di baju nantai paca'an monjadi lobih bosar.

Markus 2:19

Timbas Yesus ko sia', “Watu pongantitn lolaki ija' bosamo agatn pokawalannyo di pogai pokawitan, pasti pokawalannyo kinyo bopuaso.

Markus 2:20

Apo watunyo tajahan datakng, pongantitn lolaki dikuti' doi' sia'. Watu nantai, sia' tajahan bopuaso.

Lukas 17:22

Lalu Yesus bopandir ko boko murid-Nyo, “Ana' Monsio gola' ajab sonsaro kotakng banyaꞌ boko urakng dijoman ni'in tajahan monula' Io. Jadi, tajahan ado watu nononyo, kaitn honda' moniant biar bayo soari pan, doi' boko ari Ana' Monsio momorintah di dunia ni'in. Apo kaitn kinyo paca'an moniantnyo. Jadi, nononyo aman ado urakng inyo bopandir, ‘Tiat! Sio ado di si'itn.’ Damo Sio ado di su'utn, pasti tumbukan. Jadi, pompadohan tuyut sia'. Obai timpu ana' monsio bobali' ko dunia ni'in, somuo urakng ulih moniant kodatakan nantai agatn jolas. Samo sama'an kilat momanjah ongko bulah somuo langit torakng. Ubo niannam kodatakan Ana' Monsio.

Lukas 5:34

Timbas Yesus ko sia', “Apobai kaitn ulih monyiuh boko pokawalan pongantitn lolaki bopuaso, somanah pongantitn lolaki nantai bosamo-samo sia'? Tontuam cado.

Lukas 5:35

Apo watunyo paca'an datakng, pongantitn lolaki dikuti' doi' sia'. Watu nantai, sia' paca'an bopuaso.”

Yohanes 16:6

Apo ni'inan, hati kaitn salu' obai Aku momadahan mongona'i boko hal nantai ko kaitn.

Yohanes 3:29

Pongantitn botina' ia'an umputn pongantitn lolaki. Kawal pongantitn lolaki nantai bayo bodiritn mondampiki huatan mondinga'an, huatan io sonang aman mondinga'an saro pongantitn lolaki. Sama'an nian jam agatn aku. Watu ni'in aku sonang bondar.

Kisah Boko Rasul 14:23

Paulus ongko Barnabas pan momilih boko pomimpitn pakai' sotiap kolompok urakng pocayo. Boko pomimpitn nantai dipilih doi' boko urakng inyo udah pocayo agatn Yesus, Tuhatninyo bokuaso dipucu' somuonyo. Paulus ongko Barnabas bodoa kapikng bopuaso oca' Tuhatn totap monjago somuo pomimpitn nantai.

1 Korintus 7:5

Jangan hala monula' kohonda' pakai' bohubukan laki-bini. Kocuali ado houpm-kubo bosamo pakai' somontaro watu oca' ulih moutamoan doa. Apo lopas nantai sia' duo kopal-kumpul. Aman cado, Rajo Sitatn ulih moncubo'i kaitn oca' obai kaitn co ulih monahan kohonda' diri kaitn siku'.

2 Korintus 11:27

Aku bosusah payah, bokorojo koras, opat kurakng tidu', opat kolaparan ongko korahakan, opat co makatn, opat kodinginan obai pakai'anku kinyo cukup.

Wahyu 19:9

Lalu, molekat nantai bopandir ko aku, “Tuliscam ni'in: Bahagiacam boko urakng inyo dihundakng ko pogai kawitn Ana' Domba nantai.” Molekat nantai jam bopandir ko aku, “Nantaiam boko pomandiran inyo bondar doi' Allah!”

Wahyu 21:2

Aku pan moniant kota inyo kudus, ia'an Yerusalem inyo boharu. Kota nantai turutn doi' sorugo, doi' Allah. Kota nantai boi' bondar samo sama'an pongantitn botina' inyo borias siap bosandikng agatn pongantitn lolaki.