Matius 9:13 - Porjanjian Boharu Torjomahan Baso Dilakng Soari-ari

¹³ Jadi, botula' huatan polajaricam masud doi' pomandiran Allah ni'in: ‘Daripado momposombahan kurbatn bonatakng ko Aku, Aku lobih honda' oca' kaitn mooso salu' ko urakng bukai.’ Obai, Aku datakng kinyo pakai' moningkau sia' inyo moanggap dirinyo bondar. Apo Aku datakng pakai' moningkau boko urakng inyo bodosa oca' sia' moninggalan boko dosa sia'.”

Matius 9:13 ပူးပေါင်းရင်းမြစ်များ

Markus 2:17

Apo Yesus mondinga' pomandiran sia' nantai. Jadi Sio bopandir, “Urakng inyo sehat kinyo momontikan dokter. Apo urakng boponyakit pasti pontikng dokter. Aku datakng bukainyo pakai' moningkau urakng bondar. Apo Aku datakng pakai' moningkau boko urakng inyo bodosa oca' sia' moninggalan boko dosa sia'.”

Lukas 19:10

Ana' Monsio datakng pakai' monggoyapi ongko monyolamant'an urakng inyo bodosa.”

Lukas 5:32

Aku kinyo datakng pakai' moningkau kaitn inyo moanggap dirinyo bondar. Apo Aku datakng pakai' moningkau boko urakng moninggalan boko dosanyo oca' ulih diamputi.”

Matius 12:7

Dalapm Buku Suci ado totulis pomandiran Allah ni'in: ‘Daripado momposombahan kurbatn bonatakng ko Aku, Aku lobih honda' oca' kaitn mooso salu' agatn urakng bukai.’ Soumpamonyo kaitn mongoroti masud pomandiran Allah nantai, pasti kaitn kinyo monyalahan boko urakng kinyo bosalah.

2 Petrus 3:9

Ado boko urakng inyo bopikir Tuhatn moulur-ulur monopat'i janji-Nyo. Apo sobondarnyo Sio kinyo moulur-ulur. Sio sabar agatn kaitn. Obai, Sio kinyo honda' ado urakng inyo bonaso. Sio honda' oca' somuo urakng moninggalan dosa sia' ongko hidup monyonangan Sio.

Kisah Boko Rasul 3:19

Obai nantai am, tongga'ancam kaitn bulah dosa huatan bobali' taat agatn Allah. Labuhancam nantai oca' boko dosa kaitn diamputi.

Kisah Boko Rasul 11:18

Niannam inyo dikisahan Petrus di Yerusalem ko boko urakng Yahudi inyo pocayo. Jadi, sia' tongga'am monyalahan Petrus. Sobali'nyo, sia' momuji Allah. Kato sia', “Wah! Ruponyo, Allah monorima' urakng bukainyo Yahudi jam. Allah udah moonji'i kosompatan ko sia' pakai' sia' botongga' bulah dosa ongko monuruti Sio. Agatn caro nantai, sia' jam ulih mondapat'an hidup inyo somanah-manahnyo di sorugo.”

Matius 3:2

“Koraja'an Sorugo udah dampikam! Jadi, botongga'cam kaitn bulah dosa ongko kaitn monyonangan hati Allah.”

Kisah Boko Rasul 5:31

Yesus udah noi' ko sorugo ongko dudu' di tompat inyo kotakan tohormat di sopia' kanan Allah. Allah moonji'i kuaso ko Yesus pakai' momimpitn ongko monyolamant'an urakng. Allah molabuhan nantai oca' kito urakng Israel mondapat kosompatan pakai' diamputi, ia'an aman kito botongga' bulah dosa ongko monuruti Allah.

Lukas 24:47

Lalu agatn kuaso-Nyo tajahan diboritoan kabar obai urakng gola' tongga' bulah dosa lalu monyonangan hati Allah, ongko dosa sia' tajahan diamputi. Borito ni'in gola' disampaian, mula'i doi' kota Yerusalem lalu ko somuo banso bukai di dunia.

Matius 4:17

Doi' watu nantai, Yesus mula'i momboritoan. Kato Sio, “Koraja'an Sorugo udah dampikam! Jadi, botongga'cam kaitn bulah dosa ongko monyonangan Allah.”

Kisah Boko Rasul 2:38

Timbas Petrus, “Tinggalan cam dosa kaitn ongko hidup monyonangan hati Allah. Kaitn gola' dibaptis pakai' monunju'an obai kaitn pocayo ko Yesus Kristus. Agatn ubo nian, ongko dosa kaitn paca'an diamputi, ongko kaitn paca'an monorima' Roh Allah.

Matius 3:8

Kaitn gola' molabuhan porbuatan inyo bondar pakai' monunju'an obai kaitn bondar-bondar moninggalan dosa.

Kisah Boko Rasul 20:21

Aku hala mongajar agatn torus torakng, boi' ko boko urakng Yahudi huatan ko boko urakng Yunani oca' sia' botongga' bulah dosa huatan hidup monyonangan hati Allah. Sia' gola' pocayo ko Yesus, Tuhatn inyo bokuaso pucu' kito.

Matius 21:42

Kato Yesus ko sia', “Pasti kaitn kalo mombaco di Buku Suci mongona'i ni'in: ‘Batu inyo dibuakan boko tukakng bangunan udah monjadi batu kotakng pontikng pakai' bangunannyo. Tuhatn inyo molabuhan nantai! Hebat bondar pogota'an-Nyo nantai.’ ”

Matius 12:3

Timbas Yesus ko sia', “Pasti kaitn kalo mombaco Buku Suci mongona'i kisah Rajo Daud huatan boko urakng inyo tuyut io. Timpu sia' mooso kolaparan,

Markus 12:26

Hal mongona'i boko urakng hidup agi' doi' komatian ado di dalapm Buku Suci inyo ditulis Musa. Watu Allah bopandir agatn Musa doi' dalapm rado momant inyo sama'an api bonyalo, Allah bopandir, ‘Aku ninam Allah inyo disombah Abrahapm, Ishak, ongko Yakub.’

Yohanes 10:34

Timbas Yesus ko sia', “Dalapm Hukupm Torat kaitn ditulis obai Allah bopandir, ‘Kaitn nam allah’?

Matius 19:4

Timbas Yesus, “Pasti kaitn udah mombaco di Buku Suci. Doi' mulonyo, Allah bulah sopasakng monsio, ia'an lolaki ongko botina'.

Matius 12:5

Pasti kaitn pan kalo mombaco dalapm Hukupm Torat mongona'i boko imam. Timpu Ari Sabat, sia' botugas di dalapm Rumah Allah. Obai nantai sia' molanggar hukupm Sabat. Apo sia' kinyo dianggap bosalah.

Lukas 10:26

Timbas Yesus, “La'apo inyo totulis dalapm Buku Poraturan Allah inyo ditulis Musa? La'apo inyo kolai baco di siatn?”

Markus 12:33

Memang monsio gola' mongasihi Sio agatn sogonap hatinyo, sogonap pikirannyo, sogonap kokuatannyo. Monsio pan gola' mongasihi sosamonyo samo sama'an io mongasihi dirinyo siku'. Koduo porintah nantai lobih pontikng doi' bonatakng posombahan inyo dicucul ongko somuo posombahan inyo bukainyo.”

Lukas 5:31

Timbas Yesus, “Boko urakng inyo moanggap dirinyo sehat kinyo mooso pontikng agatn dokter; apo boko urakng boponyakit mooso pontikng agatn dokter.