Matius 9:1 - Porjanjian Boharu Torjomahan Baso Dilakng Soari-ari

¹ Jadi, Yesus ongko boko murid-Nyo noi' ko dalapm porohu ongko monyomboraki agi' danau Galilea nantai. Lopas nian, Sio sampai ko kota-Nyo siku'.

Matius 9:1 ပူးပေါင်းရင်းမြစ်များ

Matius 4:13

Apo, Sio co bodiapm di kota Nazaret agi'. Sio pindah ko kota Kapernaum di pinggir danau Galilea di doerah Zebulon ongko Naftali.

Matius 7:6

“Jangan dionju' ko boko kudu' sosuatu inyo husus pakai' umant Allah. Aman kaitn molabuhan nantai, boko kudu' nantai paca'an bobali' ongko moraso kaitn. Jangan onju' mutiara ko boko babi. Aman kaitn molabuhan nantai, boko babi nantai bayo paca'an mononja'-nonja' mutiara nantai.”

Matius 8:18

Timpu Yesus moniant urakng banya' inyo mongoliliki-Nyo nantai, ongko Sio monyiuh boko murid-Nyo oca' noi' porohu monyomboraki danau.

Matius 8:23

Lopas nantai, Yesus noi' ko dalapm porohu. Boko murid-Nyo tuyut Sio.

Markus 5:21

Yesus ongko boko murid-Nyo bobali' agi' ko soborakng danau. Di pinggir danau nantai, banya' urakng datakng bokorumun di sokolilikng Yesus.

Lukas 8:37

Lalu boko pondudu' doerah Gerasa mominto Yesus moninggalan sia', obai sia' kotakng gola'. Ongko, jumpat am Yesus ko dalapm porohu sosamo boko murid-Nyo pakai' botula' bobali' ko soborakng danau.

Lukas 8:40

Di soborakng danau, ado banyaꞌ boko urakng monantian Yesus pulakng. Jadi, watu Yesus datakng, sia' somuo mohimpa'i Sio.

Wahyu 22:11

Oca' urakng inyo jahat hala bulah kojahatan. Oca' urakng inyo bodosa, hala bulah hal inyo buru'. Apo oca' urakng inyo hidup bondar di hadapan Allah, hala bulah inyo bondar. Oca' urakng inyo hidup kudus, torus hidup agatn caro inyo kudus.”