Matius 8:9 - Porjanjian Boharu Torjomahan Baso Dilakng Soari-ari

⁹ Aku tohu mo mongona'i kuaso obai aku siku' pan ado pomimpitn inyo gola' ku taat'i. Aku pan ado ana' buah ia'an boko projurit. Aman aku monyiuh salah siku' pakai' botula', ongko pasti io botula'. Aman aku monyiuh inyo bukainyo pakai' datakng, ongko pasti io datakng. Aman aku monyiuh hulutnku pakai' mongorojoan sosuatu, pasti io mongorojoannyo.”

Matius 8:9 ပူးပေါင်းရင်းမြစ်များ

Matius 8:10

Yesus hiratn mondinga' pomandiran powira nantai. Yesus bopandir ko sia' inyo tuyut Sio. Kato-Nyo, “Dinga'anbo, Aku bolupm kalo monomuan iman sobosar ni'in. Doi' banso-Ku urakng Israel, bolupm kalo ku tomu'i urakng inyo pocayo ko Allah samo sama'an powira Romawi ni'in.

Matius 8:8

Apo powira nantai monimbas, “Aku co cucu' monorima' Duatn dalapm rumahku. Apo porintahan doi' si'itn ja'am, pasti hulutnku paca'an nyamanam.

Markus 1:27

Somuo urakng kotakan hiratn, jadi sia' bopandir agatn siku'-monyiku', “Hebat bondar ajaran boharu ni'in inyo Sio ajaran agatn kuaso. Sio monyiuh boko roh jahat, lalu sia' monuruti sio!”

Lukas 4:39

Jadi Yesus mohampiki kotidu'annyo lalu mohakap ponyakit nantai. Timpu nantai jam botina' nantai nyamanam am huatan molayati sia'.

Lukas 7:8

Aku mongoroti agatn kuaso, obai aku siku' gola' monaati porintah pimpitanku. Aku pan ado ana' buahku, sia' gola' tundu' agatn porintahku. Aman aku monyiuh sia' botula', sia' pasti botula' aman aku monyiuh inyo bukainyo datakng, sia' pasti datakng. Sama'an nian jam aman aku monyiuh inyo bukainyo bokorojo, la'apo pan pasti dikorojoannyo.”

Lukas 9:1

Pas ari nantai, Yesus mongumpulan koduo bolas murid-Nyo. Sio moonji'i kuaso ko sia' pakai' monundukng boko roh jahat huatan monyamani boko ponyakit.

Kolose 3:22

Ko boko hulutn aku bopandir: kaitn gola' onsi' agatn habakng inyo di dunia ni'in dalapm somuo hal. Jangan bayo watu sia' moniant kaitn obai honda' monyonangan sia'. Apo taat'icam sia' agatn hati inyo jujur obai kaitn mohormati Tuhatn.

Titus 2:9

Ajaricam boko hulutn inyo pocayo oca' sia' tundu' agatn habakng sia' dalapm somuo hal. Sia' gola' bokorojo pakai' monyonangan habakng sia'. Sia' co ulih monikaki habakng sia'.