Matius 8:5 - Porjanjian Boharu Torjomahan Baso Dilakng Soari-ari

⁵ Yesus botula' ko kota Kapernaum. Watu Sio mansu' ko kota nantai, ado siku' urakng powira Romawi inyo datakng minto tulukng ko Sio.

Matius 8:5 ပူးပေါင်းရင်းမြစ်များ

Matius 11:23

Huatan kaitn inyo di laman Kapernaum. Jangan bopikir kaitn paca'an dihormati huatan paca'an mansu' sorugo! Kaitn paca'an dibuakan ko noraka! Obai Aku udah bulah boko mujisat di tongah-tongah kaitn. Soumpamonyo, Aku molabuhan boko mujisat di kota Sodom, pasti boko urakng di su'utn botongga' bulah dosa. Ongko, kota nantai kinyo gola' dihancuran sama'an inyo udah tojadi timpu joman komai. Soumpamonyo ubo nian, kota nantai tontu ija' bodiritn sampai ari ni'in.

Matius 27:54

Kopala' pasukan ongko boko projurit inyo monjago Yesus moniant gompa bumi ongko somuo inyo tojadi nantai. Obai nianam, sia' monjadi gola' bondar. Kato sia', “Bondaram, Urakng ni'in bondar-bondar Ana' Allah!”

Matius 4:13

Apo, Sio co bodiapm di kota Nazaret agi'. Sio pindah ko kota Kapernaum di pinggir danau Galilea di doerah Zebulon ongko Naftali.

Matius 9:1

Jadi, Yesus ongko boko murid-Nyo noi' ko dalapm porohu ongko monyomboraki agi' danau Galilea nantai. Lopas nian, Sio sampai ko kota-Nyo siku'.

Markus 15:39

Ado kopala' pasukan inyo bodiritn di pohadapan salib Yesus. Io moniant somuo inyo tojadi watu Yesus mati. Jadi, io bopandir, “Urakng ni'in maho bondar-bondar Ana' Allah!”

Markus 2:1

Boboropo ari lopas nantai, Yesus bobali' ko kota Kapernaum. Banya' urakng mondinga' obai Sio ado di rumah nantai

Kisah Boko Rasul 22:25

Jadi, boko projurit mombaba' Paulus ko dalapm. Sia' mongobatnyo oca' io ulih dipodularan. Apo sobolupm sia' bodularannyo, Paulus bopandir ko powira di santai, “Jangan lansukng bodularan aku obai aku warga negara Roma. Apotolagi', aku bolupm diadili socaro resmi.”

Kisah Boko Rasul 23:17

Jadi, Paulus moningkau salah siku' powira. Katonyo, “Tulukng baba' bobia' muda' ni'in ko komandatn pasukan. Ado inyo honda' io padahan ko komandatn.”

Kisah Boko Rasul 23:23

Lopas nian komandatn pasukan nantai moningkau duo powira. Katonyo, “Siap'an projurit bobanya' pakai' mombaba' Paulus ko gubernur Feliks di Kaisarea. Io gola' sampai ko su'utn agatn aman. Jadi, siap'an duo ratus tontara bopodakng, duo ratus tontara botumba', huatan tujuh puluh ponunggakng kuda. Siap'an jam boboropo kuda pakai' Paulus. Bososiapcam pakai' botula' japm sombilatn malapm ni'in.”

Kisah Boko Rasul 27:13

Watu nantai, angin mula'i muput agatn gamant doi' arah solatatn. Sia' monyangko obai sia' ulih bolayar torus sampai ko polabuhan Feniks nantai sosuai agatn hajat sia'. Jadi, sia' moangkat sauh ongko bolayar agi' monyusuri pantai solatatn pulau Kreta.

Kisah Boko Rasul 27:31

Moniant nantai, Paulus bopandir ko Yulius huatan boko projuritnyo, “Aman boko ana' buah kapal nantai kinyo totap di kapal ni'in, kaitn co mungkitn solamant.”

Kisah Boko Rasul 27:43

Apo Yulius honda' monyolamant'an Paulus. Jadi io morarakng sia'. Io momorintahan somuo urakng inyo ulih bononang lobih doholu torojutn ko lout ongko bononang ko darat.

Kisah Boko Rasul 9:38

Di kota Yope nantai, ado jam boko urakng inyo pocayo agatn Yesus. Sia' mondinga' obai Petrus ado di kota Lida. Jadi, obai kota Lida kinyo jouh doi' kota Yope, sia' moutus duo urakng ko su'utn. Sia' duo momuhun ko Petrus minto potulukan. Kato sia', “Tulukng copat botula' bosamo agatn koi ko Yope.”