Matius 8:4 - Porjanjian Boharu Torjomahan Baso Dilakng Soari-ari

⁴ Ongko Yesus bopandir ko io, “Jangan mongisahan hal ni'in ko sopo pan. Apo, botula'cam ko imam holu'ai pakai' momastian kolai udah nyamanam. Lopas nian onju'cam posombahan sosuai agatn porintah Musa. Nianam monjadi buti ko urakng bukai, kolai bondar-bondar udah nyamanam.”

Matius 8:4 ပူးပေါင်းရင်းမြစ်များ

Lukas 17:14

Timpu Yesus moniant sia', Sio bopandir, “Botula'cam ko boko imam oca' sia' ulih momastian aman kaitn dinyamani ongko ulih dianggap borosih agi'.” Mondingaꞌ nantai, sia' botula', lalu di tongah pojalatan somuo sia' pan nyamanam.

Lukas 5:14

Ongko Yesus morarakng urakng nantai mongisahannyo ko sopo pan. Kato-Nyo, “Botula'cam holu'ai ko Imam. Pakai' io momastiannyo obai kolai udah nyamanam. Ongko onju'cam posombahan sosuai agatn porintah Musa dalapm Hukupm Torat pakai' urakng inyo dinyamanan doi' ponyakit kulit. Ni'in buti ko boko urakng, obai kolai bondar-bondar udah nyamanam.”

Markus 7:36

Yesus morarakng sia' mongisahan hal nantai ko sopo pan. Apo mongkitn Yesus rarakng, mongkitn nontu sia' mongisahannyo.

Matius 9:30

Ongko sia' ulih moniant agi'. Ongko, Yesus morarakng sia' agatn togas. Kato-Nyo, “Jangan bokisah mongona'i ni'in ko sopo pan!”

Markus 6:11

Apo aman kaitn kinyo ditorima' boko urakng di sobuah laman, aman sia' co honda' mondinga'an kaitn, koluar ja'am doi' laman nantai. Tata'an dobu doi' kaki kaitn pakai' momporingant'i sia'.”

Markus 5:43

apo Yesus morarakng koras sia' momadahan kojadian nantai ko sopo pan. Lalu, Yesus monyiuh sia' moonji'i bobia' nantai pomakatn.

Matius 17:9

Watu sia' turutn doi' pucu' bukit nantai, Yesus bopandir ko sia'. Kato Sio, “Sobolupm Ana' Monsio bobali' hidup doi' komatian, jangan momadahan ko sopo pan mongona'i la'apo inyo hoyu' kaitn tiat.”

Matius 10:18

Obai kaitn pongikut Aku, kaitn paca'an dibaba' ko boko ponguaso ongko boko rajo pakai' diadili. Nantaiam watunyo kaitn paca'an bosasi mongona'i Aku ko sia' urakng Yahudi huatan ko boko urakng inyo bukainyo urakng Yahudi.

Matius 6:1

“Boboi'cam timpu kaitn molabuhan porbuatan boi' inyo sosuai agatn agama. Jangan molabuhan porbuatan nantai di hadapan urakng oca' ditiat sia'. Obai aman kaitn bulah sama'an nian, Bopai kaitn di sorugo kinyo paca'an moonji'i upah ko kaitn obai porbuatan boi' nantai.

Matius 5:17

“Jangannam kaitn bopikir obai Aku datakng pakai' mombalakan pomandiran Allah dalapm Buku Suci, ia'an, somuo porintah huatan poraturan Allah inyo ditulis Musa dalapm Hukupm Torat huatan somuo inyo ditulis boko nabi. Apo, Aku datakng oca' la'apo inyo totulis di dalapm Buku Suci ditopati.

Yohanes 8:50

Aku co bogoyap hormat pakai' diri-Ku. Apo ado Sobuti' inyo honda' oca' Aku dihormati. Sio nianam inyo mohakipi.

Yohanes 7:18

Urakng inyo mongajar agatn pomandiran doi' dirinyo siku', io bayo goyap kohormatan pakai' dirinyo siku'. Apo urakng inyo goyap kohormatan pakai' Sio inyo moutusnyo, urakng nantai bujur bondar. Io kinyo monipu urakng bukai.

Yohanes 5:41

Aku co bogoyap pujian doi' monsio.

Lukas 21:13

Apo, nianam watunyo pakai' kaitn bosasi mongonaꞌi Koraja'an Allah.

Markus 8:30

Lalu Yesus kotakng morarakng sia' momandiran hal nantai ko sosopo pan.

Matius 16:20

Lopas nantai, Yesus morarakng boko murid-Nyo oca' jangan momadahan ko sopo pan obai Sio nantai Rajo Inyo Dijanjian Allah.

Matius 3:15

Apo Yesus monimbas, “Biaram kolai molabuhan nantai dalapm watu ni'in. Obai agatn ubo nanam kito momonuhi somuo hal inyo dikohonda'i Allah.” Jadi, Yohanes monuruti pomandiran Yesus nantai. Io mombaptis Yesus.

Markus 13:9

Kaitn gola' boboi' obai kaitn tajahan ditangkap lalu dibaba' ko sidakng pomimpitn agama pakai' dipokaroan. Kaitn tajahan dipoduda'an diboko rumah sombayakng. Obai kaitn nantai murid-Ku, obai nianam kaitn tajahan dibaba' ko boko ponguaso huatan ko boko rajo pakai' dipokaroan jam. Apo, nianam watunyo pakai' kaitn bosasi mongona'i Aku.

Markus 3:12

Apo Yesus morarakng koras sia' oca' kinyo momadahan sopo Sio.

Markus 9:9

Timpu sia' turutn doi' bukit nantai, Yesus morarakng sia' oca' jangan bokisah ko sosopo pan mongona'i la'apo inyo hoyu' sia' tiat. Yesus morarakng sia' mongisahannyo nantai sobolupm Ana' Monsio bobali' hidup doi' komatian.

Lukas 4:41

Yesus pan monyiuh boko roh jahat koluar doi' boko urakng. Ongko boko roh jahat nantai koluar kapikng mondongkakng-mondorah, “Duatn nam Ana' Allah!” Obai boko roh jahat tohu Sio memang Rajo Inyo Dijanjian Allah. Apo Yesus monogur boko roh jahat nantai morarakng koras bopandir obai bolupm watunyo urakng mongotohu'inyo.

Lukas 8:56

Indai bopai bobia' nantai kotakng hiratn. Apo Yesus morarakng sia' momadahan kojadian nantai ko sopo pan.

Lukas 9:21

Ongko Yesus kotakan morarakng sia' momadahan nantai ko sopo pan obai bolupm watunyo.