Matius 8:32 - Porjanjian Boharu Torjomahan Baso Dilakng Soari-ari

³² Yesus bopandir ko boko roh jahat nantai, “Botula'cam!” Lansukng koluaram sia' ongko momansu'i boko babi nantai. Boko babi nantai rari molansakng doi' ririkng bukit inyo tinggi nantai ko dalapm danau, ongko mati lomas.

Matius 8:32 ပူးပေါင်းရင်းမြစ်များ

Markus 5:13

Yesus moijitan sia'. Jadi, boko roh jahat koluar doi' urakng nantai, mansu' ko boko babi nantai. Ongko boko babi nantai rari doi' kaki bukit torojutn ko danau, lalu mati lomas. Jumlah babi nantai kiro-kiro duo ribu iku'!

Wahyu 20:7

Lopas masa soribu tohutn nian udah habis, Rajo Sitatn paca'an dilopasan doi' ponjaranyo.

Kisah Boko Rasul 4:28

Apo Duatn Maho Kuaso inyo moatur somuonyo doi' joman komai. Somuonyo nantai udah tojadi obai sosuai agatn kohonda' Duatn.

Kisah Boko Rasul 2:23

Biar pan kaitn mongotohu'i nantai, kaitn monyorahan Sio ko boko urakng inyo kinyo mongonal Allah. Kohonda' kaitn oca' Sio dihukupm mati di kayu salib. Apo somuonyo nantai tojadi sosuai agatn kohonda' Allah. Hajat Allah nantai udah ditotapan-Nyo doi' joman komaimo.

Lukas 8:33

Jadi, boko roh jahat nantai koluar doi' urakng nantai, tamo boko babi nantai. Lalu, boko babi nantai rari torojutn doi' koririkan bukit ko dalapm danau, ongko mati lomas.

Matius 8:31

Jadi, boko roh jahat nantai mominto ko Yesus, “Aman Duatn monundukng koi koluar doi' duo urakng ni'in, siuhcam koi momansu'i boko babi nian.”

Matius 8:33

Boko ponjago babi nantai moniant poristiwa nantai. Jadi, sia' rari ko kota. Di santai, sia' mongisahan somuo hal inyo tojadi, tomansu' la'apo inyo tojadi agatn koduo urakng nantai inyo komainyo korasu'an boko roh jahat.